Swirilo 1:9 - Xitsonga (Bibele)

⁹ Thyaka ra yena ri kona emadziveni ya nguvu ya yena, A nga anakanyangi ku hela ka yena, U wile hi mukhuva lowu hlamarisaka, a ku na loyi a n'wi chavelelaka. Yehovha, languta ku onhaka ka mina, hikuva nala wa tidzunisa.

BIBELE Mahungu Lamanene

⁹ Thyaka ra yena a ri ri etingubyeni, kambe a nga anakanyanga leswaku ú ta avanyisiwa; hikokwalaho ku wa ka yena ka chavisa, ú pfumala ni loyi a n'wi tiyisaka. Yerusalema ú ri: “We HOSI, vona nhlomulo wa mina, hikuva nala wa khana, ú hlurile.”

Swirilo 1:9 Referans Kwoze

Duteronoma 32:29

Ingi loko va tlharihile va ta swi twa, Va ta anakanya ku hela ka vona.

Esaya 47:7

U tshama u ku: “Ndzi ta fuma hi masiku!” A ku anakanyanga embilwini ya wena, a ku tsundzukanga leswaku swi ta hela.

Swirilo 1:17

“Siyoni u tshambulutile mavoko, Ku hava la n'wi chavelelaka. Yehovha u lerisile valala va Yakobo leswaku va n'wi rhendzela: Yerusalema, u hundzukile xisandzu exikarhi ka vona.

Eklesiasta 4:1

Ndzi engeta kambe ndzi tsundzuka maxangu hinkwawo lama humelelaka ehansi ka dyambu, ndzi vona mihloti ya lava xanisiwaka, kambe ku nga ri na loyi a va miyetaka. Tlhelo ra vaxanisi va vona, ndzi vona ku nonon'hwa, kambe ku nga ri na mumiyeti wa vona.

Pisalema 25:18

Languta nhlomulo ni ku vaviseka ka mina, U va u ndzi khomela ku dyoha hinkwako ka mina.

Sofoniya 2:10

Leswo swi ta va humelela hikwalaho ka ku tikukumuxa ka vona; hikuva va sandzile, kutani va tikukumuxela ehenhla ka tiko ra Yehovha wa mavandla.

Yeremiya 48:26

“N'wi pyopyiseni, hikuva u tiarisele Yehovha! Mowabu u ta puluvundza emahlanteni ya yena, kutani u ta endliwa xisandzu.

Yeremiya 2:34

Kasi ni le madziveni ya nguvu ya wena, ku kumiwa ngati ya swisiwana leswi nga riki na nandzu, lava u nga va khomangiki va boxa yindlu ya wena, kambe u va dlayile hikwalaho ka mikhuva ya wena hinkwayo.

Esaya 3:8

Hikuva Yerusalema wa tsekatseka, Yuda wa dedeleka, hikuva marito ya vona ni mitirho ya vona swi lwa na Yehovha, ku karihisa mahlo ya yena lama kwetsimaka.

Pisalema 119:153

Languta vusiwana bya mina, u ndzi ponisa! Hikuva a ndzi rivali nawu wa wena.

1 Petro 4:17

Hikuva nkarhi wa ta, lowu ku avanyisa ku nga ta sungula hi yindlu ya Xikwembu; kutani loko ku ta sungula hi hina, makumu ya lava nga pfumeriki Evhangeli ya Xikwembu, ma ta va lawo yini-ke?

Yohane 11:19

Kambe Vayuda lavo tala a va tile eka Marta ni ka Mariya ku ta va chavelela hikwalaho ka makwavo.

Hosiya 2:14

“Hikwalaho, vonani, ndzi ta n'wi khorwisa, ndzi n'wi yisa emananga, ndzi vulavula leswi nga ta khorwisa mbilu ya yena.

Swirilo 4:1

Xana nsuku wu hundzukisile ku yini ntima? Nsuku lowu nga ringiwa endzilweni wu hundzukisile mavala hi yini? Maribye ya vukwetsimelo ma hangalasile ku yini Emitsendzeleni hinkwayo xana?

Swirilo 2:13

Xana ndzi ta ku vulavulela tihi? Kumbe ndzi nga ku fanisa na yini, nhwanyana wa Yerusalema? Ndzi ta ku fanisa na yini, leswaku ndzi ta ku chavelela, Wena nhwana, nhwanyana wa Siyoni? Hikuva ku onhaka ka wena kukulu, ku fana ni lwandle; I mani la nga ta ku horisa?

Swirilo 1:21

“Va ndzi twile loko ndzi ri karhi ndzi hefemuteka, ku hava loyi a nga ndzi chavelelaka! Valala va mina hinkwavo va twile khombo ra mina, Kutani va tsakela leswi u swi endleke; Va ta fana na mina siku leri u nga ta humelerisa mhaka leyi u yi vekeke.

Yeremiya 50:29

“Vitanani Babilona, vuvutelani hinkwavo lava copaka hi vurha; mi n'wi rhendzela ku nga poni nchumu; mi tlherisela eka yena hi ku endla ka yena, hinkwaswo leswi a swi endleke, n'wi endleni sweswo, hikuva u tiarisile eka Yehovha, Mukwetsimi wa Israele.

Yeremiya 16:7

Kambe a ku na un'we wa vona la nga ta phemeriwa vuswa bya xirilo ku chaveleriwa hikwalaho ka mufi wa yena, kambe va nga ka va nga nwisiwi ndzheko wa ku chavelela hikwalaho ka tata wa vona, kumbe mana wa vona.

Yeremiya 13:27

Ndzi vonile vuoswi bya wena, ni ku navela ka wena lokukulu, ni vugangu bya wena lebyi tlurisaka, ni manyala ya wena etintshaveni, ni le switsungeni!

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Esaya 54:11

“Nsati wa khombo, wena la biweke hi xidzedze, la pfumalaka muchaveleri! Vona, ndzi ta bombisa maribye ya wena hi lexo basa, ndzi ta ku endlela masungulo ya safiri.

Esaya 40:2

Vulavulani swa mbilu ya Yerusalema, mi n'wi tivisa leswaku vukhumbi bya yena byi herile, ni leswaku ku dyoha ka yena ku rivaleriwile, kambe u rihiwile kambirhi hi voko ra Yehovha swidyoho swa yena hinkwaswo!

Esaya 37:29

Hikuva u ndzi karihele ni leswi ku tikurisa ka wena ku tlhandlukeke etindleveni ta mina, ndzi ta nghenisa sindza ra mina etinhompfini ta wena, ni tomu ra mina enon'wini wa wena, ndzi ku tlherisa endleleni leyi u teke ha yona.’ ”

Esaya 37:23

U rhukanile mani, u sandzile mani xana? U tlakusile rito ra wena ehenhla ka mani? U tlakusile mahlo, ya wena ehenhla ku lwa ni Mukwetsimi wa Israele.

Esaya 37:17

Oho Yehovha! Rhiya ndleve, u yingisa; oho Yehovha! Pfula mahlo ya wena u vona; u yingisa marito ya Senakeribi, lawa a ma rhumeleke ku sandza Xikwembu lexi hanyaka.

Esaya 37:4

Kumbe Yehovha, Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, xi ta avanyisa marito lawa a ma yingiseke, kutani u ta humesela tiko lera ha seleke xikhongelo.’ ”

Pisalema 140:8

Yehovha, u nga nyiki lowo biha leswi a swi navelaka, U nga katekisi makungu ya yena, leswaku a nga tshuki a tikurisa.

Nehemiya 9:32

“Kutani sweswi, Xikwembu xa hina Xikwembu lexikulu xa matimba, lexi chavisaka, lexi hlayisaka ntwanano ni tintswalo, mahlomulo ma nga tshuki ma va matsanana emahlweni ya wena lama hi humeleleke hina ni tihosi ta hina, ni tihosana ta hina ni vaprista va hina, ni vaprofeta va hina, ni vatata wa hina, ni tiko ra hina hinkwaro, ka ha ri emikarhini ya tihosi ta Asiriya ku ta fikela siku ra sweswi.

2 TIHOSI 14:26

Hikuva Yehovha a a vonile khombo lerikulu ngopfu ra Israele, ni leswaku va herile hinkwavo, hambi va ri va matimba, hambi lavatsongo, a ku nga ri na munhu la pfunaka Israele.

2 SAMIELE 16:12

Kumbe Yehovha u ta languta ku tsongahatiwa ka mina, kutani Yehovha u ta ndzi tlherisela leswinene ematshan'weni ya mirhukano ya siku leri.”

1 SAMIELE 1:11

“Yehovha wa mavandla, loko u languta masangu ya nandza wa wena, ni loko u ndzi tsundzuka u nga rivali nandza wa wena, kutani u nyika nandza wa wena n'wana wa wanuna, ndzi ta n'wi nyika Yehovha, a va wa yena masiku hinkwawo ya vutomi bya yena, kutani rikari ri nga ka ri nga hundzi enhlokweni ya yena.”

Duteronoma 32:27

Kambe ndza chava ku pfuka ka nala, Ni leswaku valala va vona va ta tikanganyisa, Va ku: “Mavoko ya hina ma tlakusiwile,” Kambe a hi Yehovha la swi endleke hinkwaswo.’

Duteronoma 26:7

Kambe hi huwelele eka Yehovha, Xikwembu xa vatata wa hina, kutani Yehovha u yingisile rito ra hina, a vona ku tsongahatiwa ka hina, ni mitirho ya hina, ni ku xaniseka ka hina.

Eksoda 4:31

Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.

Eksoda 3:17

kutani ndzi ku: ‘Ndzi ta mi kutsula enhlomulweni wa n'wina wa Egipta, ndzi mi akisa etikweni ra Vakanana ni ra Vahiti, ni ra Vaamori, ni ra Vaperesi, ni ra Vahivhi, ni ra Vayebusi, etikweni ra ntswamba ni vulombe.’

Eksoda 3:7

Kutani Yehovha a ku: “Ndzi vonisisile ku xaniseka ka tiko ra mina eEgipta, ndzi yingisile ku rila ka vona hikwalaho ka lava va va xanisaka; hikuva ndzi tiva nhlomulo wa vona;

Pisalema 69:21

Va ndzi nyika nyongwa, swi va swakudya swa mina; Ni ku tima torha ra mina, va ndzi nwisa ntsuvi.

Esaya 51:19

Maxangu ni ku lova, ndlala ni tlhari, xana ndzi ta ku chavelerisa ku yini?

Swirilo 5:1

Tsundzuka, wena Yehovha, leswi hi humeleriweke hi swona, Kutani u vona xisandzu xa hina.