Swirilo 1:8 - Xitsonga (Bibele)

⁸ Yerusalema, u dyohile, u dyohile; Hikwalaho-ke, u hundzukile manyala, Hinkwavo lava nga n'wi fundzha, sweswi va n'wi tsan'wa, hikuva va vona vusweti bya yena, Na yena, wa hefemuteka, kutani u tshinela endzhaku.

BIBELE Mahungu Lamanene

⁸ Yerusalema ú dyohile ngopfu, hikokwalaho ú tole thyaka; hinkwavo lava khale a va n'wi xixima, namuntlha va n'wi sandza, hikuva va n'wi vona a nga ambalanga nchumu. Hambi yena hi yexe wa konya, a tlhela a languta hansi.

Swirilo 1:8 Referans Kwoze

Swirilo 1:11

Vanhu va yena hinkwavo va hefumuteka, va lava vuswa; Va nyikile swilo swa vona leswi pfumariwaka ku lava swakudya Leswi nga pfuxaka vutomi bya vona. “Languta, Yehovha, u vona ku sandziwa ka mina.

Yeremiya 13:26

Kutani mina ndzi ta ku tlakusela swiambalo ku fika emombyeni wa wena, leswaku ku voniwa tingana ta wena.

Yeremiya 13:22

Loko u nga tivula embilwini ya wena, u ku: ‘Xana swilo leswi swi ndzi humelela hikwalaho ka yini?’ Ndzi ku: Hikwalaho ka ku biha ka wena lokukulu, matlhelo ya nguvu ya wena ma tlakusiwile, ni swirhendze swa wena swi biwile hi matimba.

Nhlavutelo 3:18

Ndza ku khongotela leswaku u tixavela eka mina nsuku lowu ringiweke hi ndzilo, leswaku u ta fuwa, ni tinguvu leto basa u ta ambala, kutani tingana ta vusweti bya wena ti nga tshuki ti vonaka; ni murhi wa mahlo, u tota mahlo ya wena ha wona, leswaku u vona.

Hosiya 2:10

Sweswi-ke, ndzi ta funungula vuhava bya yena emahlweni ka swigangu swa yena, ku nga ri na munhu la nga n'wi lamulelaka evokweni ra mina.

Hosiya 2:3

Loko swi nga ri tano, ndzi ta n'wi tlomulela, a famba ntsena, ndzi n'wi endla tanihi siku leri a nga velekiwa ha rona, ndzi n'wi vita a va tanihi mananga, ndzi n'wi veka tanihi tiko leri omeke, ndzi n'wi dlaya hi torha.

Ezekiele 23:46

Hikuva Hosi Yehovha u ri: “Ndzi ta neha vandla ehenhla ka vona, ndzi va nyiketa ku karhateka ni ku phangiwa.

Ezekiele 23:29

Va ta ku endla hi rivengo ra vona, va ta teka rifuwo ra wena, va ku siya u ri ntsena, u fununguriwile; hi mukhuva wolowo, vuhava bya vuoswi bya wena, ni ku onhaka ka wena, ni vuoswi bya wena swi ta fununguriwa.

Swirilo 4:21

Tsaka, u tsakisisa, nhwanyana wa Edomu, La akeke etikweni ra Usi! Xinwelo xi ta fika ni le ka wena; Na wena u ta pyopya, u va u hluvula tinguvu.

Swirilo 2:10

Vakulu va nhwanyana wa Siyoni va titshamele ehansi, va timiyelela; Va ticherile tinhloko ta vona hi ntshuri, Va tibohile tinguvu leto khwaxa. Vanhwanyana va Yerusalema, va khomiwile hi tingana, va korhamele ehansi.

Yeremiya 34:17

“Hikwalaho, ku vula Yehovha, a ku: N'wina a mi ndzi yingisanga ku vula mfanelo ya un'wana ni un'wana ku tshunxa makwavo ni xaka ra yena, vonani, mina ndza mi byela mfanelo, ku vula Yehovha: Ndzi tshunxa fumu, ni ntungu, ni ndlala; ndzi mi nyiketa ku xanisiwa eku fumeni hinkwako ka misava.

Yeremiya 24:9

Ndzi ta va nyiketa eku xanisekeni ni le makhombyeni, eku fumeni hinkwako ka misava, va ta va xisandzu, va soriwa, va va xikombiso ni ku rhukaniwa ematlhelweni hinkwawo, laha ndzi nga ta va hangalasela kona.

Yeremiya 15:4

Ndzi ta va nyiketa eku xanisekeni eku fumeni hinkwako ka misava, hikwalaho ka Manase, n'wana Hezekiya hosi ya Yuda, ni hikwalaho ka lexi a xi endleke eYerusalema.

Yeremiya 6:28

I vahundzuki ni lava tiarisaka hinkwavo, va tshama va lumbeta; i koporo ni nhumbu; i vaonhi hinkwavo.

Yeremiya 4:31

Hikuva ndzi twa nkosi wo nge i wa la velekaka, mikosi ya wansati la nga ekhombyeni ra ku veleka n'wana wa mativula; i nkosi wa nhwanyana wa Siyoni, a hefemuteka, a ri karhi a tshambuluta mavoko a ku: “Yo! Yowee! Moya wa mina wu tikeriwile hi vadlayi.”

Esaya 47:3

Vuhava bya wena byi ta fununguriwa, tingana ta wena ti ta voniwa. Ndzi ta tirihisela, ndzi nga ka ndzi nga tsetseleri munhu.

1 TIHOSI 9:9

va ta ku: ‘Yehovha u endlele leswi, tiko leri ni Yindlu leyi, ha yini xana?’ Va ta ku: ‘Hi leswi va tshikeke Yehovha Xikwembu xa vona, lexi humeseke vatata wa vona etikweni ra Egipta, kutani va namarhele swikwembu swin'wana, va khinsama emahlweni ka swona, va swi tirhela: Hikwalaho ka swona, Yehovha u rhumile ehenhla ka vona, makhombo lawa hinkwawo.’ ”

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.

1 TIHOSI 9:7

ndzi ta susa Israele ehenhla ka tiko leri ndzi n'wi nyikeke rona, ndzi ta cukumeta ekule na mina Yindlu leyi ndzi yi hlawuleleke vito ra mina; kutani Israele u ta va xivuriso ni xihlekiso exikarhi ka matiko hinkwawo.

Genesa 3:7

Kutani mahlo ya lavambirhi ma pfuleka, va tiva leswaku va tshama ntsena; kutani va rhungelela matluka ya nkuwa, va tiendlela tinguvu.

Swirilo 1:17

“Siyoni u tshambulutile mavoko, Ku hava la n'wi chavelelaka. Yehovha u lerisile valala va Yakobo leswaku va n'wi rhendzela: Yerusalema, u hundzukile xisandzu exikarhi ka vona.

1 TIHOSI 9:6

Kambe loko mi ndzi fularhela, n'wina ni vana va n'wina, loko mi nga hlayisi milawu ya mina, ku ri ku lerisa loku ndzi ku vekeke emahlweni ka n'wina, ni loko mi ya tirhela swikwembu swin'wana, mi khinsama emahlweni ka swona;

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!

Ezekiele 39:23

ni matiko ma ta tiva leswaku loko va yindlu ya Israele va yisiwile evukhumbini, hi leswi va dyoheke, leswi va ndzi kanganyiseke; hikwalaho ndzi va fihlele mombo wa mina, ndzi va nyiketile valala va vona, va wile hinkwavo hi ku tlhaviwa hi fumu.