Swirilo 1:5 - Xitsonga (Bibele)

⁵ Lava nga valala va yena va n'wi hlula, lava n'wi vengaka va titsakela. Hikuva Yehovha u n'wi rhumerile maxangu Hikwalaho ka ku tala ka swidyoho swa yena; Vana va yena lavatsongo va yile evukhumbini, va byisiwa hi valala.

BIBELE Mahungu Lamanene

⁵ Valala va wona va wu hlurile; vona lava va wu vengaka, va kateka. HOSI Xikwembu xi wu tisele maxangu lawa hikwalaho ka ku tala ka swidyoho swa wona; vana va wona va khomiwile hi valala, va hundzuka mahlonga.

Swirilo 1:5 Referans Kwoze

Ezekiele 9:9

A ku eka mina: “Ku homboloka ka yindlu ya Israele ni ya Yuda ku kurile ngopfu; tiko ri tele hi ngati, ni muti wu tele hi lunya, va ri: ‘Yehovha u fularhele tiko, Yehovha a nga voni nchumu.’

Yeremiya 39:9

Masalela ya tiko lama seleke emutini, ni vabaleki lava nga tinyiketa yena, ni lava seleke va tiko, Nebuzaradani, ndhuna ya valanguteri a va yisa eBabilona.

Swirilo 3:46

“Hinkwavo lava nga valala eka hina Va hi ahlamisele milomu ya vona.

Swirilo 2:17

Yehovha u endlile lexi a xi kaneleke, U hetisile makungu lawa ingi a ma lerisile emikarhini ya khale; U mbundzuxile, kutani a nga tsetselelanga; U tsakisile lava ku vengaka, u tlakusile rimhondzo ra lava va nga valala eka wena.

Swirilo 1:18

“Yehovha u lulamile, kasi ndzi arile ku lerisa ka yena: Oho! Yingisani n'wina matiko hinkwawo, Kutani mi vona ku vaviseka ka mina; Vanhwanyana ni majaha ya mina va yile evukhumbini.

Yeremiya 23:14

Kambe evaprofeteni va Yerusalema, ndzi vone manyala, ku oswana, ni ku famba evunweni; va tiyisa mavoko ya lavo biha, va nga ti hundzuka, un'wana ni un'wana eku biheni ka yena. Eka mina, hinkwavo va kotisa Sodoma, vaaki va kona va kotisa Gomora.”

Yeremiya 12:7

“Ndzi sukerile yindlu ya mina, ndzi lahlile rifuwo ra mina; lexi rhandziwaka hi moya wa mina, ndzi xi nyiketile emavokweni ya lava nga valala eka xona.

Yeremiya 5:29

Xana ndzi nga tshika ku tshinya swilo leswo tano xana?” ku vula Yehovha; “kumbe ndzi nga tshika ku tirihisela eka tiko lero tano xana?

Esaya 63:18

Vanhu va tiko ra wena lero kwetsima va fuwile tiko nkarhinyana ntsena; valala va hina, va pyanyatele yindlu ya wena ya ku kwetsima.

Pisalema 89:42

U tlakusile voko ra xinene ra vaxanisi va yena; U tsakisile vavengi hinkwavo va yena.

Pisalema 80:6

U hi endlile lava tengiwaka hi lava akisaneke na hina, Kutani valala va hina va hi endlile xisandzu.

Duteronoma 31:29

Hikuva ndza swi tiva leswaku kutakuloko ndzi file, mi ta tionha kunene, kambe mi ta hambuka endleleni leyi ndzi mi leriseke yona; kutani khombo ri ta mi fikela emikarhini leyi nga ta ta; hikuva mi ta endla leswo biha emahlweni ka Yehovha; mi ta n'wi karihisa hi mitirho ya mavoko ya n'wina.”

Esaya 22:5

Hikuva i siku ra nkitsikitsi, ra ku onhaka, ra ku pyatsapyatseka, leri rhumiweke hi Hosi, Yehovha wa tinyimpi, enkoveni wa swivono; rirhangu ri wisiwa ehansi, kutani huwa ya nkosi yi ya fika entshaveni.

Yeremiya 10:20

Tende ra mina ri onhakile, ni tingoti ta mina hinkwato ti tsemekile; vana va mina va ndzi tshikile, kutani a va ha ri kona; a ka ha ri na loyi a nga yimisaka tende ra mina, ni loko ku ri ku pfuxa mitsonga ya mina.

Swirilo 1:8

Yerusalema, u dyohile, u dyohile; Hikwalaho-ke, u hundzukile manyala, Hinkwavo lava nga n'wi fundzha, sweswi va n'wi tsan'wa, hikuva va vona vusweti bya yena, Na yena, wa hefemuteka, kutani u tshinela endzhaku.

Ezekiele 9:10

Na mina ndzi nga ka ndzi nga va tsetseleri, ndzi nga ka ndzi nga va tweli vusiwana, ndzi ta va rihisa mitirho ya vona etinhlokweni ta vona.”

2 TIHOSI 21:15

hikuva va endlile leswo biha emahlweni ka mina, va ndzi pfukile ku sungula siku leri vatata wa vona va humeke eEgipta ku fika namuntlha.’ ”

Swirilo 1:16

“Hi swona leswi ndzi ririsaka, tihlo ra mina ri halaka mihloti; Hikuva muchaveleri la pfuxaka moya wa mina u le kule na mina. Ndzi ta hanyisiwa hi mani? Vana va xinuna va mina va khunarhile, hikuva nala u hlurile.