Swirilo 1:18 - Xitsonga (Bibele)

¹⁸ “Yehovha u lulamile, kasi ndzi arile ku lerisa ka yena: Oho! Yingisani n'wina matiko hinkwawo, Kutani mi vona ku vaviseka ka mina; Vanhwanyana ni majaha ya mina va yile evukhumbini.

BIBELE Mahungu Lamanene

¹⁸ “HOSI yi lulamile, a yi hoxanga: Nandzu wu na mina ndzi nga tlula ku lerisa ka yona. N'wina vanhu hinkwenu, yingisani, mi languta ni maxangu ya mina. Vanhwana va mina ni majaha ya mina va yisiwile evukhumbini.

Swirilo 1:18 Referans Kwoze

Sofoniya 3:5

Yehovha u lulamile exikarhi ka wona a nga ka a nga endli swo biha, hi siku rin'wana ni rin'wana u humesa ku avanyisa ka yena eku vonakaleni, a nga tshiki ku endlisa sweswo; kambe lowo biha a nga tivi tingana.

Pisalema 119:75

Yehovha, ndza tiva leswaku ku avanyisa ka wena ku lulamile, Ni leswaku wa tshembeka, hambi u ndzi tsongahatile.

Swirilo 1:12

“Xana a hi nchumu eka n'wina hinkwenu lava mi fambaka endleleni! Tsundzukani, mi vona loko ku vaviseka ku ri kona loku fanaka ni loku ndzi humeleleke, Loku Yehovha a nga ndzi vavisa hakona Esikwini ra vukari lebyi pfurhaka bya yena.

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Swirilo 3:42

“Hi dyohile hi va hi tiarisa; Kutani wena a ku vanga u tsetselela.

Pisalema 107:11

Hikwalaho ka ku tiarisa ka vona etimhakeni ta Xikwembu, Loko va sandza ku tsundzuxa ka Muungameri wa le henhla,

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Varhoma 3:19

Kambe ha swi tiva leswaku hinkwaswo leswi vuriwaka hi nawu, swi byeriwa lava nga enawini, leswaku milomu hinkwayo yi siviwa; vanhu hinkwavo va ta kumiwa va ri ni nandzu emahlweni ka Xikwembu.

Varhoma 2:5

Kambe hi ku nonon'hwa ka mbilu ya wena leyi nga riki na ku hundzuka, u tihlengeletela vukari lebyikulu, lebyi nga ta ku fikela hi siku ra vukari, leri ku nga ta humelela ku avanyisa loku lulameke ka Xikwembu ha rona,

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Yeremiya 49:12

Hikuva Yehovha u te: “Vonani, lava va nga faneriki ku nwa, va ta nwa endzhekweni lowo, kutani wena u nga ka u nga holoveriwi ha yini-ke? U nga ka u nga tshikiwi u nga holoveriwi, kambe u fanela ku nwa.

Pisalema 145:17

Yehovha u lulamile etindleleni ta yena hinkwato, U ni tintswalo emitirhweni ya yena hinkwayo.

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Ezra 9:13

“Loko ku ri laha hi nga humelela hi leswo tala, hikwalaho ka ku endla ka hina ka ku biha, ni milandzu leyikulu ya hina (kasi wena Xikwembu xa hina, u hi tsetselele, a ku hi banga hi ku biwa loku ringanaka ni makhombo ya hina, u tlhele u hi hlayisela masalela layonghasi);

1 TIHOSI 13:21

Kutani a huwelela eka munhu wa Xikwembu la nga ta a sukile etikweni ra Yuda, a ku: “Yehovha u vula sweswo, a ku: ‘Leswi u nga ka u nga yingisanga rito ra Yehovha, u nga ka u nga hlayisanga ku lerisa loku Yehovha, Xikwembu xa wena, a ku leriseke kona;

1 SAMIELE 15:23

Hikuva ku tiarisa ku ringana ni ku hlahluva, ni vuphukuphuku byi fana ni ku tirhela swifaniso swa swikwembu ni titerafi. Leswi u cukumeteke rito ra Yehovha, u ku cukumetile na yena leswaku u nga ha vi hosi.”

Vaavanyisi 1:7

Adoni-Bezeki a ku: “Ku ni tihosi ta 70 leti tsemiweke makhudzu ya mavoko ni ya milenge, leti a ti tshama ti rholela mahlanhla ehansi ka tafula ra mina. Xikwembu xi ndzi tlherisele leswi ndzi swi endleke.” Kutani va n'wi yisa eYerusalema, a ya fela kona.

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Eksoda 9:27

Kutani Faro a vitana Muxe na Aroni, a ku eka vona: “Sweswi, ndzi dyohile; i Yehovha la lulameke; mina ni tiko ra mina hi vadyohi.

Pisalema 119:137

U lulamile, Yehovha, Ku avanyisa ka wena, na kona, ku lulamile!

Yeremiya 4:17

Va n'wi rhendzele kukotisa varindzi va nsimu, hikuva u tiarisile emahlweni ka mina,’ ” ku vula Yehovha.

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Amosi 8:13

“Hi siku lero vanhwana vo saseka ni majaha, va ta karhala hi torha.

Swirilo 5:16

Misingasoro yi wile etinhlokweni ta hina; Hi ni khombo hina, hikuva hi dyohile!

Zakariya 1:6

Hambiswiritano, marito ya mina ni ku lerisa ka mina leswi ndzi leriseke vaprofeta, malandza ya mina, xana a swi fikelanga vatata wa n'wina? Va hundzuka, va ku: Hilaha Yehovha wa tinyimpi a tsundzukeke ku hi endla hakona, hikwalaho ka ku famba ka hina ni mitirho ya hina, kunene u hi endlile sweswo.”