Swirilo 1:15 - Xitsonga (Bibele)

¹⁵ “Hosi yi herisile exikarhi ka mina, tinhenha ta mina hinkwato, Kutani u rhambile nyimpi Ku ta dlayetela malandza ya mina lamantshwa; Hosi yi kandziyile exikandziyelweni xa nhwanyana, n'wana Yuda.

BIBELE Mahungu Lamanene

¹⁵ “N'wini wa hinkwaswo ú fularherile tinhenha ta mina hinkwato ndzi ri karhi ndzi swi vona. Ú rhambile ntshungu ku ta lwa na mina, leswaku wu fayetela majaha ya mina. Mina Yerusalema nhwana wa Yuda, ú ndzi pyanyile kukota mihandzu ya vhinya exikhuvutelweni.

Swirilo 1:15 Referans Kwoze

Malakiya 4:3

Mi ta kandziyela vabihi, hikuva va ta fana ni nkuma ehansi ka vukandziyo bya milenge ya n'wina, esikwini leri nga ta endliwa hi mina, ku vula Yehovha wa mavandla.

Esaya 63:3

“A ndzi khuvuta ndzi ri swanga exikhuvutelweni, exikarhi ka matiko a ku na loyi ngi a ri na mina, ndzi va khuvutile evukarini bya mina, ndzi va pyanyaterile eku kariheni ka mina; ngati ya vona yi phyandlekele tinguvu ta mina kutani ndzi onhile nguvu ya mina hinkwayo.

Esaya 28:18

Ntwanano wa n'wina ni rifu wu ta endliwa swahava, ni ku hlangana ka n'wina ni sirha ku nga ka ku nga yimi khombo leri taka tanihi ndhambi loko ri fika ri ta mi vutla;

Nhlavutelo 19:15

Enon'wini wa yena ku hume tlhari lero kariha, a ta ba matiko ha rona; hi yena la nga ta ma risa hi nhonga ya nhumbu; kambe hi yena la nga ta khuvuta exikhuvutweni xa vhinyo ya ku leva, ni ya vukari bya Xikwembu xa matimba hinkwawo.

Vaheveru 10:29

xana loko mi ehleketa, a hi ku biwa loku tlurisaka loku a nga ta ringanisiwa hakona, loyi a kandziyeleke N'wana wa Xikwembu, a ringaniseke leswaku ngati ya ntwanano leyi a hlantswiweke ha yona a hi nchumu, a engeta a sandza Moya wa tintswalo xana?

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Daniele 3:13

Kavaloko Nebukadnetsara a pfuka a kariha, a lerisa leswaku ku tisiwa Xadraka, na Mexaka, na Abedi-Nego, kutani vavanuna valavo va tisiwa emahlweni ka hosi.

Swirilo 3:34

Loko va kandziya hi milenge Vabohiwa hinkwavo va tiko,

Yeremiya 51:34

“Nebukadnetsara, hosi ya Babilona, u hi dyile, u hi hetile, u hi endlile xilo xa hava, u hi mitile kukota dragona, u tixurhisile khwiri hi ku nandziha ka hina, u hi hlongorile.

Yeremiya 50:26

Nghenani kona ematlhelweni hinkwawo, pfulani switlati swa yena, mi hlengeleta, mi kotisa nhulu ya tinyandza, mi n'wi nyiketa ndzhukano, mi nga n'wi siyeri nchumu.

Yeremiya 37:10

Hikuva loko ngi mi dlayile nyimpi hinkwayo ya Vakalediya lava lwaka na n'wina, ku sala vanhu va timbanga ntsena, a va ta pfuka un'wana ni un'wana etendeni ya yena, va hisa muti lowo hi ndzilo!’ ”

Yeremiya 18:21

Hikwalaho, nyiketa ndlala vana va vona, u va tshiketela fumu; vasati va vona a va feriwe hi vana va ve tinoni, kutani vanuna va vona a va dlawe hi rifu, ni majaha ya rikwavo a ma tlhaviwe hi fumu enyimpini!

Yeremiya 14:17

Kutani u va byela rito leri, u ku: ‘Mahlo ya mina ma ta huma mihloti vusiku ni nhlekanhi, ma nga ka ma nga yimi; hikuva nhwana wa tiko ra mina u tlhaviwile; mbanga ya yena hi leyikulu, i mbanga leyo vavisa ngopfu.

Esaya 41:2

I mani la pfuxeke, le vuxeni loyi ku lulama ku nga emitileni ya yena xana? I mani la n'wi nyiketeke matiko ni la tsongahateke tihosi ehansi ka yena? I mani la hundzuluxeke tlhari ra tona ntshuri, ni vurha bya tona mungu lowu hahaka?

Esaya 5:5

Sweswi, ndzi nga mi tivisa lexi ndzi nga ta xi endla eka vhinya ya mina: ndzi ta simula rihlampfu ra yona, ndzi yi endla madyelo, ndzi mbundzumuxa rirhangu ra yona kutani yi ta kandziyeriwa.

Pisalema 119:118

U sandza hinkwavo lava hambukaka timfanelo ta wena, Hikuva ku kanganyisa ka vona i swahava.

2 TIHOSI 9:33

“N'wi hoxeni ehansi!” Va n'wi hoxa, kutani ngati ya yena yi phyandlukela ekhumbini ni le tihancini, kutani ti n'wi phyandlasa hi mikondzo ya tona.

Vaavanyisi 10:8

Hi lembe rero, va xanisa ni ku karhata vana va Israele ngopfu, kambe va xanisa vana va Israele hinkwavo lava ngi va ri hase ka nambu wa Yordani, etikweni ra Vaamori, ku nga Giliyadi, hi malembe ya 18.

Duteronoma 28:33

Tiko leri u nga ri tiviki ri ta dya mihandzu ya misava ya wena ni ya mitirho ya wena hinkwayo; kambe u ta xanisiwa ni ku khandliwa ntsena hi masiku hinkwawo;

Yeremiya 6:11

Ndzi tele hi mahlundzu ya Yehovha, ndzi karhele ku ma sivela. “Ma halatela eka vana va entsendzeleni, ni le nhlengeletanweni ya majaha; hikuva wanuna u ta khomiwa swin'we ni nsati; la dyuhaleke ni la heteke masiku ya yena.

Yeremiya 13:24

Kambe ndzi ta va hangalasa kukotisa mungu lowu hahisiwaka hi moya wa mananga.

Yuwele 3:13

Nghenisani sikela hikuva mavele ma vupfile; tanani, mi kandziya, hikuva xikhuvuto xi tele, ni makhuwana ma halaka; hikuva ku biha ka vona kukulu.

Swirilo 2:21

Lavantshwa ni lava kuleke va latene ehansi etimbaleni, Vanhwana ni majaha va mina va wele ehansi hi fumu; Kunene u dlele siku ra vukari bya wena, U dlayile, kutani a wu vanga u tsetselela.