Sofoniya 3:4 - Xitsonga (Bibele)

⁴ Vaprofeta va wona i vatikurisi, vavanuna va mavunwa; vaprista va wona va nyamise xivandla lexi kwetsimaka, va hombolokisa nawu.

BIBELE Mahungu Lamanene

⁴ Vaprofeta va kona va pfumala xichavo, naswona i vakanganyisi; vaprista vona va nyamisa swilo leswo hlawuleka, va hundzuluxa ni milawu.

Sofoniya 3:4 Referans Kwoze

Ezekiele 22:26

Vaprista va rona va tlula nawu wa mina, va nyamisa swa mina leswi kwetsimaka, a va avanyisi exikarhi ka leswo kwetsima ni leswi nga riki swo kwetsima, a va kombi swangi ku hambana ku kona exikarhi ka leswi nga tengangiki ni leswi tengeke; va siva mahlo ya vona leswaku va nga voni Tisavata ta mina, kutani ndzi nyamisiwa exikarhi ka vona.

Malakiya 2:8

Kambe n'wina mi hambukile ndlela, mi khunguvanyise lavo tala hi nawu; mi onhile ntwanano wa Levhi, ku vula Yehovha wa mavandla.

Hosiya 9:7

Masiku ya xikambelo ma fikile; masiku yo rihisela ma fikile! Israele u ta swi tiva! Muprofeta u hundzukile xihunguki, munhu wa moya u hlanya hikwalaho ka vukulu bya ku dyoha ka wena, ni hikwalaho ka vulala bya wena lebyikulu.

Swirilo 2:14

Vaprofeta va wena va ku vonele mavunwa ni matlangwana, Kutani a va ku funungulelanga ku homboloka ka wena hinkwako, Leswaku va ta hambukisa vukhumbi bya wena; Kambe va ku komba swikombiso swa vunwa ni ku xisa.

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Esaya 9:15

Nkulukumba ni ndhuna i nhloko kutani muprofeta la dyondzisaka mavunwa, i ncila.

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

2 Vakorinto 11:13

Hikuva vanhu lavo tano, i vaapostola vo hemba, vatirhi va mano lava ambalaka nghohe ya vaapostola va Kriste.

Matewu 7:15

“Hambanani ni vangoma va mavunwa lava taka eka n'wina va funengele nguvu ya nyimpfu kasi exikarhi ka timbilu ta vona, i timhisi leti bvanyengetaka.

Mikiya 2:11

Loko munhu a ri kona la fambelaka swahava, u xisa, a ku: “Ndzi ta ku bvumbhela vhinyo ni byalwa!” Muprofeta loyi a nga va yena la lulamelaka tiko leri.

Yeremiya 23:32

Vonani, ndzi ni mitengo na lava profetaka milorho ya mavunwa, ku vula Yehovha, va yi vulavulaka ku hambuxa tiko ra mina hi mavunwa ya vona, ni ku tikanganyisa ka vona; kasi a ndzi va rhumanga, a ndzi va nyikanga ku lerisa; loko ku ri ku pfuna, a va pfuni tiko leri ha nchumu, ku vula Yehovha.

Yeremiya 8:10

“Hikwalaho ndzi ta nyika van'wana vasati va vona, ni vaphangi masimu ya vona; hikuva hinkwavo va tinyiketile ku navela ka rifuwo, ku sungula eka lontsongo ku yisa eka lonkulu, muprofeta ni muprista, va endla hi vunwa.

1 SAMIELE 2:22

Kambe Heli a a dyuhele ngopfu; kutani a twa hinkwaswo leswi vana va yena va swi endlaka eka Vaisraele hinkwavo, a twa ni leswaku va etlela ni vavasati lava hlengeletanaka enyangweni ya tabernakela ya nhlengeletano.

Vaavanyisi 9:4

Kutani va n'wi nyika tixikele ta 70 ta yindlu ya Baala-Beriti, kutani Abimeleke a hakela ha tona vanhu va swahava, va mikhuva leyo biha, leswaku va ta n'wi landzela.

Yeremiya 34:19

va hundza exikarhi ka vuhlahlano bya rona, va nga vakulukumba va Yuda, ni vakulukumba va Yerusalema, ni tindhuna, ni vaprista, ni vanhu hinkwavo va tiko, lava hundzeke exikarhi ka mihlahlano ya rhole.

Ezekiele 44:23

Va ta dyondzisa tiko ra mina ku avanyisa swo kwetsima ni leswi nga kwetsimiki, va va tsundzuxa ku hlawula leswi nga tengangiki ni leswi tengeke.

Malakiya 1:6

“N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’

Malakiya 2:7

Hikuva milomu ya muprista yi fanekela ku hlayisa ku tiva, nawu wu ta laviwa enon'wini wa yena, hikuva i ntsumi ya Yehovha wa mavandla.

Ezekiele 22:6

“Vona, tihosana ta Israele, yin'wana ni yin'wana hilaha matimba ya yona ma nga kona, ti lava ku halata ngati eka wena.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”