Sofoniya 2:2 - Xitsonga (Bibele)

² ku nga si ta siku lero kukotisa mungu lowu hahisiwaka vukari bya ku pfurha ka Yehovha byi nga si ta eka n'wina hi siku ra vukari bya Yehovha.

BIBELE Mahungu Lamanene

² mi nga si hlongoriwa, mi nyamalala kukota mungu, mi nga si hisiwa hi vukari lebyi pfurhaka bya HOSI Xikwembu, siku ra ku kariha ka xona ri nga si mi fikela.

Sofoniya 2:2 Referans Kwoze

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Hosiya 13:3

Hikwalaho, va ta kotisa hunguva ya mixo, ni mberha leyi sukaka hi ku hatlisa, va fana ni mungu lowu hahisiwaka exivuyeni, ni musi loko wu huma echimeleni.

Swirilo 4:11

Yehovha u hetisile vukari bya yena; U halatile vukari lebyi pfurhaka bya yena. Kutani u tshiverile ndzilo eSiyoni, Lowu nga dya masungulo ya yena.

Esaya 17:13

Matiko ma pfuma kukotisa mati lamakulu! Xikwembu xi ma tshinya kutani ma balekela ekule; ma hangalasiwa hi moya tanihi mungu etintshaveni, tanihi ntsutsungwana emahlweni ka xidzedze.

Pisalema 1:4

A swi tano ka lavo homboloka: Va fana ni mungu lowo hungiwaka hi mheho.

Sofoniya 3:8

“Hikwalaho, ndzi languteleni,” ku vula Yehovha, “esikwini lero ndzi nga ta yima ha rona ku phanga, hikuva ndzi kanerile ku hlengeleta matiko ni ku hlanganisa ku fuma, ndzi ta chela ehenhla ka wona vukari bya mina, ni ku pfurha hinkwako ka vukari bya mina; hikuva misava hinkwayo yi ta hisiwa hi ndzilo wa rilondzo ra mina.

Sofoniya 1:18

Na yona silivhere ya vona, hambi wu ri nsuku wa vona, swi nga ka swi nga koti ku va lamulela esikwini ra vukari bya Yehovha; kambe tiko hinkwaro ri ta hisiwa hi ndzilo wa rilondzo ra yena; hikuva u ta herisa, a va a lovisa vaaki hinkwavo va misava hi xipuku.

Ntirho 21:18

Va kota byanyi lebyi hungiwaka hi mheho, Kumbe mungu lowu vutliwaka hi xihuhuri.

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Ezekiele 12:25

Hikuva mina Yehovha, ndzi ta vulavula, ndzi va ndzi tiyisa leswaku leswi ndzi swi vulaka ndzi swi vurile, swi ta hatla ku humelela, sweswisweswi, wena, yindlu ya vatiarisi, ndzi ta humesa rito, ndzi ri hetisa kan'we, ku vula Yehovha Xikwembu!”

Yeremiya 23:20

Vukari bya Yehovha byi nga ka byi nga tlheri a nga si endla ni ku heta ku anakanya ka mbilu ya yena; enkarhini wa makumu mi ta swi vonisisa.

Pisalema 50:22

“Twisisani-ke swilo leswi, n'wina lava rivalaka Xikwembu, Leswaku kumbe ndzi nga handzula, ku nga ri na mulweri.

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

Yeremiya 4:4

Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.