Sofoniya 1:7 - Xitsonga (Bibele)

⁷ Miyelani emahlweni ka Hosi Yehovha! Hikuva siku ra Yehovha ri tshinele; hikuva Yehovha u lunghise xitlhavelo, u basisile lava a va viteke.

BIBELE Mahungu Lamanene

⁷ Miyelani emahlweni ka HOSI N'wini wa hinkwaswo, hikuva siku ra yena ri le kusuhi; ú lulamisile magandzelo, a hlawulekisa ni lava a va rhambeke.

Sofoniya 1:7 Referans Kwoze

Habakuku 2:20

Kambe Yehovha u le tempeleni ya yena leyi hlawulekeke. Misava hinkwayo a yi miyele emahlweni ka yena!

Zakariya 2:13

Nyama hinkwayo, miyelani emahlweni ka Yehovha! Hikuva u pfukile evutshan'weni bya yena lebyi nga hlawuleka.

Sofoniya 1:14

Siku ra Yehovha lerikulu ri tshinele, ri tshinerile, ri vuya ri hatlisisa hi ku tlurisa. Twanani, siku ra Yehovha hi leri! Kona, nhenha yi rila hi ku vaviseka.

Yeremiya 46:10

“Kambe siku rero eka Hosi, Yehovha wa tinyimpi, i siku ro rihisa, ku tirihisela eka valala va yena! Fumu ri ta dya, ri xurha, ri pyopyiwa hi ngati ya vona; hikuva ku ni magandzelo ya Hosi, Yehovha wa tinyimpi, emisaveni ya n'walungu, enambyeni wa Yufrata.

Esaya 34:6

Fumu ra Yehovha ri tele ngati, ri omelele mafurha, ni ngati ya swinyimpfana ni ya swiphongo, ni mafurha ya mipambana ya tinyimpfu; hikuva Yehovha u ni xitlhavelo eBosira, ni xitlhavelo lexikulu etikweni ra Edomu.

Esaya 13:6

Vovolani, hikuva siku ra Yehovha ri kusuki: ri ta tanihi ku onha loku rhumiweke hi Lowa matimba hinkwawo.

Matewu 22:4

A engeta a rhuma malandza man'wana, a ku: ‘Byelani lava rhambiweke, mi ku: Maswivo, ndzi lunghisile swakudya swa mina, tihavi ta mina ni swifuwo swo nona swa mina swi tlhaviwile; swilo hinkwaswo swi lunghisiwile, tanani enkhubyeni.’

Yuwele 2:31

“Dyambu ri ta hundzuka munyama; ni n'weti wu hundzuka ngati, ku nga si ta siku lerikulu, leri chavisaka ra Hosi.

Esaya 2:12

Hikuva ku ni siku ra Yehovha wa tinyimpi, ra ku tsongahata hinkwaswo leswi tlakukeke, ni hinkwaswo leswi tikukumuxaka;

1 SAMIELE 16:5

A ku: “I mhaka leyinene; ndzi tele ku humesela Yehovha magandzelo; tibasisani, mi ta na mina egandzelweni.” Kutani a basisa Yese ni vana va yena, a va vitanela egandzelweni.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Amosi 6:10

Xaka ra munhu ri ta ta ni la hisaka mitsumbu, va ta teka mufi, va humesa marhambu endlwini. Kutani u ta ku eka la tshameke empfungwe wa yindlu: “Xana wa ha ri ni un'wana wa wena-ke?” Yeloyi u ta hlamula, a ku: “E-e, a ka ha ri na munhu.” Hilaha a nga ta ku: “Miyela! A ka ha ri na ku vuriwa vito ra Yehovha.”

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Ezekiele 7:10

“Hi rona siku! Vona, ri fikile! Sweswi ri na wena; rhavi ri humesile swiluva; ku tikurisa ka wena ka voneka.

Ezekiele 7:7

Khombo ri na wena, wena muaki wa tiko! Nkarhi wu fikile, siku ri le kusuhi; ku nga ri ra ku yimbelela etintshaveni, kambe ra ku vaviseka.

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Vakolosa 1:12

Khensani Tatana la nga mi endla lava lulameleke ku va ni ku averiwa endzhakeni ya vakwetsimi eku vonakaleni;

Vafilipiya 4:5

Vunene bya n'wina a bvi tiviwe hi vanhu hinkwavo; Hosi yi kusuhi.

Varhoma 9:20

Kambe wena munhu, u mani loko u tengisa Xikwembu? Xana mbita yi nga ku eka loyi a yi vumbeke: “U ndzi endlisele yini xileswi xana?”

Varhoma 3:19

Kambe ha swi tiva leswaku hinkwaswo leswi vuriwaka hi nawu, swi byeriwa lava nga enawini, leswaku milomu hinkwayo yi siviwa; vanhu hinkwavo va ta kumiwa va ri ni nandzu emahlweni ka Xikwembu.

Pisalema 46:10

“Yimani, mi tiva leswaku ndzi Xikwembu; Ndzi tlakukile henhla ka matiko, ndzi tlakukile emisaveni!”

1 SAMIELE 20:26

Sawulo a nga vulangi nchumu siku lero hikuva a a ku: “A humelele hi nchumu, a nga tengangi; kunene a nga tengangi.”

Ntirho 24:1

“Mikarhi leyi vekiweke a yi hlayisiwi hi Lowa matimba hinkwawo xana? Lava n'wi chavaka a va tivi ha yini masiku ya yena xana?

Esaya 13:3

Ndzi lerisile vahlawuriwa va mina, eku tirihiseleni ka mina ndzi vitanile tinhenha ta mina leti tsakelaka vukulukumba bya mina.

Esaya 29:2

kutani ndzi ta wela eAriele, ku ta va ku rila ntsena ni mikosi; kambe eka mina, u ta tshama a va kukotisa Ariele, (muti wa alitari ya Xikwembu).

Esaya 34:5

Hikuva fumu ra mina ri pyopyiwile etilweni, kutani, vonani, ri ta xikela ehenhla ka Edomu, ni le henhla ka tiko leri ndzi nga ri yirisa ku ri avanyisa.

Yuwele 1:15

Hikuva siku ra Yehovha ri tshinele, ra ta kukota xirha xa Lowa matimba hinkwawo.

Amosi 8:3

Tinsimu ta yindlu ya vuhosi, ti ta hundzuka swirilo hi siku rero,” ku vula Hosi Yehovha. “Ku ta tala mitsumbu, yi ta cukumetiwa hinkwako, ku miyeriwile.”

Zakariya 14:1

Vona, ra ta siku leri ri nga ra Yehovha, leri leswi nga phangiwa eka wena swi nga ta avanyisiwa exikarhi ka wena ha rona.