Risimu ra Tinsimu 6:9 - Xitsonga (Bibele)

⁹ Un'we ntsena wa vona i tuva ra mina muhetiseki wanga; I n'wana la nga swakwe eka mana wa yena, I muhlawuriwa wa loyi a n'wi velekeke. Vanhwanyana loko va n'wi vona, va n'wi vula la katekeke; Makosikazi ni vavasati va vurisa sweswo, va n'wi dzunisa.

BIBELE Mahungu Lamanene

⁹ kambe mina ndzi tirhandzela ntsena xituvana xa mina, lexi hetisekeke, lexi ngo va xoxe eka mana wa xona, lexi mana wa xona a xi tivaka xi nga ri na xivati. Loko vanhwana va n'wi vona, va n'wi vula la katekeke, tinkosikazi ni vasati lavatsongo va n'wi dzunisa, va ku:

Risimu ra Tinsimu 6:9 Referans Kwoze

Risimu ra Tinsimu 2:14

Tuva ra mina, leri nga emipatseni ya maribye, Ni le mabakweni ya mawa, ndzi kombise mombo wa wena, a ndzi twe rito ra wena; Hikuva ra nandziha rito ra wena, ni mombo wa wena wu sasekile.

Risimu ra Tinsimu 5:2

A ndzi etlela, kambe mbilu ya mina a yi sisimuka, I rito ra murhandziwa wa mina la gongondzaka, A ku: “Ndzi pfulele, makwerhu, murhandziwa wanga, Tuva ra mina, mukwetsimi wanga! Hikuva nhloko ya mina yi tele hi mberha, Misisi ya mina yi tsakamile hi mathonsi ya vusiku.”

Pisalema 45:9

Vanhwanyana va tihosi va le xikarhi ka malandza ya wena. Nsati wa wena u tshamile evokweni ra wena ra xinene, U sasekisiwe hi nsuku wa Ofiri.

Genesa 30:13

Kutani Leya a ku: “Ndzi katekile! Hikuva vanhwana va ta ndzi vula lowa nkateko”; a n'wi thya vito ra Asere (ku kateka).

Vagalatiya 4:26

Kambe Yerusalema wa le henhla, a nga bohiwanga, hi yena la nga mana wa hina hinkwerhu.

Pisalema 126:2

Milomu ya hina a yi nga tshiki ku hleka hi ku tsaka, Ririmi ra hina a ri ba mikulungwana. Kutani a va ku exikarhi ka matiko: Yehovha u va endlele swilo leswikulu!

Duteronoma 33:29

U katekile, Israele! I mani la fanaka na wena, U nga tiko leri ponisiweke i Yehovha! Xi nga xitlhangu xa ku pfuna ka wena, Ni tlhari ra vukulu bya wena! Valala va wena va ta tsongahatiwa emahlweni ka wena, Kambe wena u ta kandziyela swivandla leswi tlakukeke swa vona!”

Tinhlayo 23:9

Ndzi ta karihela yini, loko Yehovha a nga karihanga? Ndzi n'wi vona ndzi ri enhlohlorhini ya ribye, Ndzi n'wi languta ndzi ri etintshaveni. Vonani, i tiko leri tshamaka hitlhelo, Leri nga hlayiwiki ni matiko.

2 Vatesalonika 1:10

loko a ta ta ku ta dzunisiwa enkarhini wolowo hi vakwetsimi va yena, ni ku tlangeriwa hi hinkwavo lava pfumeleke; hikuva vumbhoni bya hina exikarhi ka n'wina byi amukeriwile.

1 TIHOSI 11:3

A teka vasati va 700, va ri vana va tihosi, ni tinhlantswa ta 300; kutani vasati va yena va hambukisa mbilu ya yena.