Risimu ra Tinsimu 3:11 - Xitsonga (Bibele)

¹¹ Humani, n'wina vanhwanyana va le Siyoni, Mi ya hlalela hosi Solomoni, Ni harhi ya vuhosi leyi a nga vehela hi mana wa yena, Hi siku ra ku teka ka yena, Ni siku ra ku tsaka ka mbilu ya yena.

BIBELE Mahungu Lamanene

¹¹ N'wina vanhwana va Siyoni, humani mi ya vona hosi Solomoni; ú ambele harhi ya vuhosi leyi a nyikiweke hi mana wa yena; ú tlhandlekiwile yona esikwini ra ku teka ka yena, ri nga siku leri a kumeke xo tsakisa mbilu yakwe.

Risimu ra Tinsimu 3:11 Referans Kwoze

Esaya 62:5

Hilaha jaha ri tekaka wanhwana, hi sweswo vana va wena va ta hlangana na wena; hilaha muvutiwa a tsakisaka muteki, hi sweswo na wena u ta tsakisa Xikwembu xa wena.

Yeremiya 2:2

“Yana u ya huwelela etindleveni ta Yerusalema, u ku: ‘Ku vula Yehovha a ku: “Ndzi karhi ndzi anakanya ku lulama ka vuntshwa bya wena, ni rirhandzu ra ku teka ka wena, loko u ri karhi u ndzi landza endzhaku emananga, etikweni leri nga rimiwangiki.

Nhlavutelo 1:7

Vonani, wa ta hi mapapa; mahlo hinkwawo ma ta n'wi vona, na vona lava n'wi tlhaveke, kutani tinxaka hinkwato ta misava ti ta tiba swifuva hikwalaho ka yena. Ina, Amen!

Vaheveru 13:13

A hi humeni hakona, hi ya eka yena ehandle ka mixaxa, hi ri karhi hi rhwala tingana ta yena.

Matewu 12:42

Hosi ya wansati ya le dzongeni yi ta yima eku avanyiseni ni rixaka leri, yi ri kaneta, hikuva yi sukile makumu ya misava ku ta yingisela vutlhari bya Solomoni, kasi lonkulu ka Solomoni u kokwala.

Sofoniya 3:17

Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

Pisalema 9:14

Leswaku ndzi twarisa tinsimu ta wena hinkwato, Etinyangweni ta wanhwanyana wa Siyoni, Kutani ndzi ta tsakela ku hlayiseka ka wena.

Nhlavutelo 19:12

Mahlo ya yena a ma fana ni langavi ra ndzilo; enhlokweni ya yena a rhwele tihari leto tala, a ri ni vito leri tsariweke ri nga tiviwi hi munhu, loko a nga ri yena ntsena.

Nhlavutelo 19:7

A hi tsakeni, hi tsakisisa, hi xi dzunisa, hikuva vukati bya Xinyimpfana byi fikile, nsati wa xona u tilunghisile,

Vaheveru 2:9

Kambe Yesu loyi ingi a vekiwile ehansinyana ka tintsumi hi nkarhi wu nga ri wungani, ha n'wi vona a rhwexiwile ku kwetsima ni xichavo hikwalaho ka rifu leri a ri tweke, leswaku hi tintswalo ta Xikwembu, a twa rifu hikwalaho ka munhu un'wana ni un'wana.

Vakolosa 1:18

Kambe hi yena nhloko ya miri wa Kereke; hi yena ku sungula ni mativula exikarhi ka vafi, a ta va lowo rhanga ematlhelweni hinkwawo.

Yohane 15:11

Ndzi mi byerile timhaka leti leswaku ku tsaka ka mina ku tshama eka n'wina, ni leswaku ku tsaka ka n'wina ku hetiseka.

Yohane 3:29

Loyi a fuwaka mutekiwa, i muteki; kambe xangwana ya muteki leyi yimaka yi n'wi yingisa, yi tsaka hi ku tsaka lokukulu, loko yi twa rito ra muteki; hi kona ku tsaka ka mina loku hetisekeke.

Luka 15:32

kambe a hi fanele ku tsaka ni ku tlangela, hikuva makwenu loyi a a file, kambe u hanyile; a a lahlekile, kambe u kumiwile.’ ”

Yeremiya 32:41

Ndzi ta titsakela ku va endla swinene, ndzi va simeka etikweni leri hi kunene, hi mbilu ya mina hinkwayo, ni moya wa mina hinkwawo.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Esaya 4:4

Kutakuloko Hosi yi hlantswile thyaka ra vanhwana va Siyoni, kutani a susile ngati leyi nga exikarhi ka Yerusalema, hi moya wa ku avanyisa ni moya wa ku lovisa,

Risimu ra Tinsimu 8:5

I mani loyi a tlhandlukaka, a pfa emananga, A tiseketele eka murhandziwa wa yena? Ndzi ku pfuxile u ri ehansi ka mirhi ya maapula, Laha u velekiweke kona hi mana wa wena, U twile ku vaviseka kona loyi a ku velekeke.

Risimu ra Tinsimu 7:11

Ndzi wa murhandziwa wa mina, Kutani ku navela ka yena ka ndzi kongoma.

Risimu ra Tinsimu 2:7

Ndza mi lerisa, n'wina vanhwanyana va Yerusalema, Hi timhala, ni timbavala ta le nhoveni, Leswaku mi nga n'wi hiti, ni loko ku ri ku pfuxa murhandziwa wa mina, A nga si swi rhandza.

Risimu ra Tinsimu 1:5

Ndzi wa ntima, kambe ndzi sasekile, n'wina, vanhwanyana va Yerusalema, Ndzi fana ni matende ya le Kedari, ni tinguvu ta mitsonga ya Solomoni.

Pisalema 48:11

A yi tsake ntshava ya Siyoni! A va tsake vanhwanyana va Siyoni Hikwalaho ka ku avanyisa ka wena.

Zakariya 6:11

U teka silivhere ni nsuku, u endla ha swona harhi ya vuhosi, u yi veka enhlokweni ya Yoxuwa, muprista lonkulu, n'wana Yosadaki.