Risimu ra Tinsimu 2:14 - Xitsonga (Bibele)

¹⁴ Tuva ra mina, leri nga emipatseni ya maribye, Ni le mabakweni ya mawa, ndzi kombise mombo wa wena, a ndzi twe rito ra wena; Hikuva ra nandziha rito ra wena, ni mombo wa wena wu sasekile.

BIBELE Mahungu Lamanene

¹⁴ Wena xituvana xa mina, lexi tumbelaka emaribyeni ni le mabakweni ya riwa, u nge, ndzi vona nghohe ya wena; vulavula, ndzi ku twa, hikuva rito ra wena ra tsokombela, ni nghohe ya wena yi xongile.

Risimu ra Tinsimu 2:14 Referans Kwoze

Risimu ra Tinsimu 1:5

Ndzi wa ntima, kambe ndzi sasekile, n'wina, vanhwanyana va Yerusalema, Ndzi fana ni matende ya le Kedari, ni tinguvu ta mitsonga ya Solomoni.

Risimu ra Tinsimu 8:13

Wena la tshamaka emasin'wini! Vanakulorhi va rhandza ku twa rito ra wena. Wa nga ndzi twisa rona!

Risimu ra Tinsimu 5:2

A ndzi etlela, kambe mbilu ya mina a yi sisimuka, I rito ra murhandziwa wa mina la gongondzaka, A ku: “Ndzi pfulele, makwerhu, murhandziwa wanga, Tuva ra mina, mukwetsimi wanga! Hikuva nhloko ya mina yi tele hi mberha, Misisi ya mina yi tsakamile hi mathonsi ya vusiku.”

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Nhlavutelo 5:8

Kuteloko xi tekile buku, swivumbiwa leswi hanyaka leswa mune, ni vakulukumba va makume mambirhi na mune va khinsama emahlweni ka xinyimpfana, un'wana ni un'wana a tamele haripa, ni ximbitana xa nsuku lexi teleke mirhi ya risuna, swi nga swikhongelo swa vakwetsimi.

Vaheveru 4:16

Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

Obadiya 1:3

Ku tikukumuxa ka mbilu ya wena ku ku xisile, wena la akeke emabakweni ya maribye, endlwini ya wena leyi tlakukeke; u ri embilwini ya wena: “I mani la nga ta ndzi wisela ehansi?”

Ezekiele 7:16

Vabaleki va vona va ta tsutsuma etintshaveni, va kotisa matuva ya mikova, un'wana ni un'wana u rila hikwalaho ka ku homboloka ka yena.

Yeremiya 49:16

Ku tikukumuxa ka wena ni ku tikurisa ka mbilu ya wena, swi ku kanganyisile wena la akeke etinfeni ta maribye u tshamile etihlohlorhini ta switsunga, ni loko u nga aka yindlu ya wena ehenhla ngopfu, u kotisa gama, ndzi ta ku wisa kona, ku vula Yehovha.

Yeremiya 48:28

Sukelani miti ya n'wina, mi aka emaribyeni, n'wina vaaki va Mowabu, kutani mi kotisa matuva lama tiakelaka enon'wini wa bako!

Esaya 60:8

I va mani, lava hahaka kukotisa mapapa, tanihi matuva exihahlweni xa wona?

Esaya 51:3

Hikuva Yehovha u chavelerile Siyoni, u chavelerile marhumbi ya yena hinkwawo, u endlile mananga ya yena xivandla lexi fanaka na Edeni, ni nhova ya yena mitanga ya Yehovha. Ku ta kumiwa kona ku tsaka ni mikhuvo ya ku tsaka, tinsimu ta ku dzunisa ni mpfumawulo wa timbila.

Risimu ra Tinsimu 1:15

Vona, u sasekile, murhandziwa wa mina, u sasekile! Mahlo ya wena ma fana ni ya tuva.

Yuda 1:24

Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;

1 Petro 3:4

kambe a ku ve hi munhu wa xihundla xa mbilu, la nga onhakiki, a nga ni moya wa ku olova ni ku rhula lowo pfumariwaka ngopfu emahlweni ka Xikwembu.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Vakolosa 1:22

kutani u mi hlanganisile hi miri wa yena wa nyama, hi rifu ra yena, a ta mi humesa emahlweni ka yena mi basile, mi nga ri na xivati ni nandzu;

Vaefesa 5:27

a ta tiyimisela yona emahlweni ka yena, yi ri Kereke leyo kwetsima, leyi nga riki na xivati ni mikonya, ni loko xi ri xanchumu lexi fanaka na swona; kambe yi ri leyi nga riki na xisandzu.

Matewu 10:16

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

Matewu 3:16

Kuteloko Yesu u khuvuriwile, a hatlisa a huma ematini; kutani hi nomu lowu, matilo ma pfuleka, a vona Moya wa Xikwembu wu xika, wo ngi i tuva, wu ta ehenhla ka yena.

Daniele 9:7

Ku lulama ku le ka wena, Hosi; eka hina ku ni tingana ta mimombo, hi siku ra namuntlha eka vavanuna va Yuda, ni vaaki va Yerusalema, ni ka Vaisraele hinkwavo, eka lava nga ekusuhi, ni lava nga ekule, ematikweni hinkwawo laha u nga va hlongolela kona, hikwalaho ka ku dyoha loku va ku dyoheleke hakona.

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Esaya 2:21

loko va balekela emabakweni ya tintshava ni le tinfeni ta maribye, emahlweni ka Xikwembu lexi chavisaka ni vukulukumba bya xona lebyi vangamaka loko xi ta yima ku ta chavisa misava.

Risimu ra Tinsimu 1:8

Loko u nga swi tivi, wena la sasekeke exikarhi ka vavasati, Famba u landzelela mitila ya mitlhambi, U risa swimbutana swa wena emahlweni ka mitsonga ya varisi.

Swivuriso 15:8

Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Pisalema 110:3

Tiko ra wena ri ta va lera mapfundzu siku u hlengeletaka nyimpi ya wena. Hi ku saseka loku hlawuriweke, lavantshwa va ta huma eka wena, Kukotisa mberha leyi humaka evuxeni.

Pisalema 74:19

U nga nyiketi eswivandzaneni moya wa gugurhwana wa wena; U nga rivali hi masiku ntlhambi wa wena wa lava xanisekaka!

Pisalema 68:13

Loko mi ri karhi mi wisa exikarhi ka matshanga, A mi fana ni tuva leri nga ni timpapa leti namekiweke hi silivhere; Tinsiva ta rona ta hatima kukotisa nsuku.

Pisalema 50:23

La humesaka ku vonga ri va gandzelo, wa ndzi dzunisa, Ni loyi a lulamisaka ndlela ya yena, Ndzi ta n'wi kombisa ku hlayiseka ka Xikwembu.”

Pisalema 45:11

Hosi yi ta navela ku saseka ka wena, Hikuva hi yena n'wini wa wena; u n'wi khinsamela.

Pisalema 22:3

Hambiswiritano, u Mukwetsimi, U tshama exikarhi ka ku dzunisa ka Israele.

Ntirho 9:16

Hambi a hlamula, loko ndzi n'wi vita, Ndzi nga tsandzeka ku pfumela leswaku u yingisile rito ra mina,

Pisalema 45:12

Wanhwana wa Tiri, ni vafumi va matiko, Va ta ku tsakisa hi mihlengo.