Risimu ra Tinsimu 1:4 - Xitsonga (Bibele)

⁴ Ndzi koke, hi ta ku landzela hi le ndzhaku! Hosi a yi ndzi tise etindlwini ta yona; Hi ta tsaka, hi tsakela wena, Hi ta dzunisa rirhandzu ra wena leri tlulaka vhinyo; Va ku rhandza hakona, lava ku rhandzaka.

BIBELE Mahungu Lamanene

⁴ Hatlisa u ndzi koka, hi tsutsuma swin'we. Ndzi nghenise endlwini ya wena, we hosi yanga. Hi ta ku dzunisa, hi ku tsakela; hi ta tlangela rirhandzu ra wena, leri tsokombelaka ku tlula vhinyo. Kunene swa fanela leswaku vanhwana va ku rhandza.

Risimu ra Tinsimu 1:4 Referans Kwoze

Yohane 6:44

A ku na munhu la nga taka eka mina, loko a nga kokiwi hi Tatana la ndzi rhumeke, kutani mina ndzi ta n'wi pfuxa hi siku ra makumu.

Hosiya 11:4

A ndzi va koka hi mapindza ya vanhu, hi swiboho swa rirhandzu. Ndzi ri tanihi loyi a tshunxaka joko etinhlayeni ta vona, a ndzi ri karhi ndzi va tshinelela hi musa ku va phamela.

Yohane 12:32

Kutani mina, kutakuloko ndzi ta va ndzi tlakusiwile emisaveni, ndzi ta kokela vanhu hinkwavo eka mina.”

Yeremiya 31:3

“Yehovha u tikombisile eka mina a ri ekule, a ku: E-e, ndza ku rhandza hi rirhandzu leri nga heriki; hikwalaho ndzi ta ku hlayisela tintswalo ta mina!

Vaheveru 12:1

Hikwalaho-ke, na hina, leswi hi nga rhendzeriwa hi papa leronghasi ri timbhoni, a hi cukumeteni hinkwaswo leswi hi tikelaka, ni vudyoho lebyi hi namarhelaka hi ku hatlisa, hi tsutsuma hi ku tiyisela empfhukeni lowu hi wu vekeriweke,

Luka 22:19

A va a teka swinkwa, kuteloko a khensile, a phema, a va nyika, a ku: “Leswi, i miri wanga, lowu nyikeriwaka n'wina; endlisani sweswo, mi ta ndzi anakanya ha swona.”

Luka 2:10

Ntsumi yi ku eka vona: “Mi nga chavi, vonani, ndzi mi byela ku tsaka lokukulu, loku nga ta va eka tiko hinkwaro;

Matewu 25:10

Va ku va ha ya eku xaveni, muteki a fika, kutani lava ingi va tilunghisile va nghena na yena evukatini, nyangwa yi pfariwa.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Esaya 63:7

Ndzi ta dzunisa tintswalo ta Yehovha, ni ku dzuneka ka yena, hilaha swi fanekelaka hinkwaswo leswi Yehovha a nga hi endlela swona, ni vunene bya yena lebyikulu eka yindlu ya Israele lebyi a nga va kombisa byona hi tintswalo ta yena, ni vukulu bya rirhandzu ra yena.

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Esaya 45:25

Eka Yehovha va ta lulamisiwa, va va va dzunisiwa hinkwavo va rixaka ra Israele.

Esaya 25:8

U ta lovisa rifu hilaha ku nga heriki: Hosi, Yehovha u ta hlangula mihloti emimombyeni hinkwayo; u ta sula tingana ta tiko ra yena hinkwaro, hikuva Yehovha u vurisile.

Risimu ra Tinsimu 3:4

Ndza ha ku va hundza switsanana, Ndzi kuma la rhandziwaka hi moya wanga, Ndzi n'wi khoma, kambe a ndzi n'wi tshikanga. Ndzi kondza ndzi n'wi yisa endlwini ya manana, Endlwini ya la nga ndzi veleka.

Pisalema 149:2

Israele a a tsakele muvumbi wa yena, Vana va Siyoni a va tsakele hosi ya vona!

Vaefesa 2:6

(hikuva mi hlayisekile hi tintswalo) kutani xi hi pfuxe swin'we, xi tlhela xi hi tshamisisa swin'we ematilweni eka Yesu Kriste;

Sofoniya 3:14

Yimbelela hi ku tsaka, nhwanyana wa Siyoni! Israele, huwelela, u tsaka! U va u tsakisisa hi mbilu hinkwayo wena nhwanyana wa Yerusalema!

Pisalema 119:60

Ndza hatlisa, a ndzi hlweri Ku hlayisa swileriso swa wena.

Pisalema 119:32

Ndzi ta tsutsuma endleleni ya ku lerisa ka wena, Loko u anamisile mbilu ya mina.

Pisalema 111:4

U siyile switsundzuxo swa mahlori ya yena, Yehovha wa tintswalo ni wa ku tsetselela.

Pisalema 63:5

Moya wanga wu ta xurha swange i mongo ni mafurha. Kutani nomu wa mina wu ta ku twarisa hi marito ya ku tsaka.

Pisalema 48:9

Oho Xikwembu, hi anakanya tintswalo ta wena! Exikarhi ka tempele ya wena.

Pisalema 42:4

Ndza xi anakanya, ni mbilu ya mina yi nyuka endzeni ka mina, Hi laha ingi ndzi tshamaka ndzi famba ni vunyingi, Ndzi byi fambisa, byi ya endlwini ya Xikwembu, Hi marito ya ku tsaka ni tinsimu ta ku khensa, Ta vunyingi lebyi nga enkhubyeni.

1 Petro 1:8

loyi mi n'wi rhandzaka hambi mi nga n'wi vonanga, loyi mi tsakaka ha yena hi ku tsaka loku nga vulekiki, loku kwetsimaka, hambi mi nga si n'wi vona ku ta fika sweswi, kambe mi endla hi ku pfumela;

Vafilipiya 4:4

Titsakeleni eHosini hi masiku; ndzi tlhela ndzi vurisa sweswo, ndzi ri: Titsakelani.

Vafilipiya 3:3

Hikuva hi hina hi nga ngoma leyinene, hina lava hi tirhelaka Xikwembu emoyeni, lava hi tidzunisaka ha Yesu Kriste, lava hi nga titshembiki enyameni.

Vaefesa 6:24

Tintswalo a ti ve ni hinkwavo lava rhandzaka Hosi ya hina, Yesu Kriste, hi rirhandzu leri nga onhakiki.

Risimu ra Tinsimu 4:10

A hi ku nandziha ka rirhandzu ra wena, makwerhu, muvutiwa wa mina! Rirhandzu ra wena ri nandziha swonghasi, ri tlula vhinyo; Ku nun'hwela ka wena ku tlurisa mirhi hinkwayo ya risuna!