Rhuti 4:4 - Xitsonga (Bibele)

⁴ Kutani ndzi anakanyile ku ku tivisa, ndzi ku: ‘Yi xave emahlweni ka lava tshamaka kona, ni le emahlweni ka vakulukumba va tiko ra mina, loko u rhandza ku yi xava, u va mudyandzhaka, yi xave. Kambe loko u nga rhandzi ku xava, ndzi tivise, leswaku ndzi swi tiva. Hikuva a ku na munhu la swi kotaka ku yi sava, a ri mudyandzhaka, loko a nga ri wena, kambe mina ndza ku landza.’ ”

BIBELE Mahungu Lamanene

⁴ Kutani ke mina ndzi anakanyile ku ku luma ndleve hi mhaka leyi ni ku ku tsundzuxa ku amukela ndzima leyi emahlweni ka lava tshamiseke la, ni le mahlweni ka vakulukumba lava va ka hina. Loko u lava ku hlayisa ndzhaka leyi ya wena, yi hlayise; kambe loko u nga swi lavi, ndzi byele leswaku ndzi swi tiva, hikuva mudyandzhaka lonkulu hi wena, mina ndza ku landzela.” Wanuna loyi a hlamula a ku: “Ndzi ta yi hlayisa ndzhaka leyi.”

Rhuti 4:4 Referans Kwoze

Vafilipiya 4:8

Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.

2 Vakorinto 8:21

hikuva hi lava lexi sasekeke, ku nga ri emahlweni ka Hosi ntsena, kambe ni le mahlweni ka vanhu.

Varhoma 12:17

Mi nga tlheriseli ku biha hi ku biha, hambi ku ri ka mani na mani. Lavani leswinene emahlweni ka vanhu hinkwavo.

Yeremiya 32:25

Hambiswiritano, Hosi Yehovha u te eka mina: “U tixavela nsimu yoleyo hi mali, u teka timbhoni,” kasi muti wu nyikiwe emavokweni ya Vakalediya!’ ”

Genesa 23:18

swi tshamile swi ri swa Abrahama, emahlweni ka Vahiti, emahlweni ka hinkwavo lava nga karhi va nghenaka hi nyangwa ya muti wa yena.

Genesa 23:11

“A swi nga vi tano, hosi yanga; ndzi yingise: Nsimu, ndzi ku nyika ntsena, na rona bako leri nga eka yona, ndzi ku nyika rona; ndzi ku nyika rona emahlweni ka vana va tiko ranga; yimbela ntsena mufi wa wena.”

Duteronoma 25:8

Kavaloko vakulukumba va muti wa yena va ta vita wanuna, va vulavula na yena.

Rhuti 2:20

Kutani Nahumi a ku eka n'wingi wa yena: “A a katekisiwe hi Yehovha! Hikuva u endle hi tintswalo eka lava hanyaka ni ka lava feke.” Nahumi a engeta a ku eka yena: “Munhu loyi i xaka ra hina, i un'wana wa vadyi va ndzhaka ya hina.”

Rhuti 3:9

Kutani a ku eka yena: “U mani?” A hlamula, a ku: “Ndzi Rhuti, nandza wa wena: Andlala nguvu ya wena ehenhla ka nandza wa wena, hikuva u mudyi wa ndzhaka.”

Rhuti 3:12

Kambe, kunene, ndzi un'wana wa vadyi va ndzhaka, ntsena, u kona mudyandzhaka la ndzi tlulaka.