Rhuti 2:8 - Xitsonga (Bibele)

⁸ Kutani Bowazi a ku eka Rhuti: “Yingisa, n'wananga, u nga tshuki u ya nkun'hula ensin'wini yin'wana; u nga humi kona; kambe sweswi, tshama ni malandza ya mina ya xisati.

BIBELE Mahungu Lamanene

⁸ Hiloko Bowazi a ku ka Rhuti: “Ndzi yingise n'wananga: U nga yi u ya khwaja ensin'wini yin'wana, kumbe ku suka eka leyi, kambe sala malandza ya mina ya xisati hi le ndzhaku.

Rhuti 2:8 Referans Kwoze

2 TIHOSI 5:13

Kambe malandza ya yena ma n'wi tshinelela, ma ku eka yena: “Tatana, ingi loko muprofeta u ku lerisile xilo lexo nonon'hwa a u nga ti swi endla xana? Kutani leswi a ku byeleke, a ku: ‘Hlamba u ta basa,’ a ku faneri ku swi endla-ke?”

Vafilipiya 4:8

Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.

Matewu 9:22

kutani Yesu a rhendzeleka, a n'wi vona, a ku eka yena: “Tiyisa mbilu, n'wananga, ku pfumela ka wena ku ku ponisile.” Kutani hi nkarhi wolowo wansati loyi a hanya.

Matewu 9:2

Kutani a tiseriwa munhu la omeke swirho, a lo lakahla, emasangwini. Yesu, kuteloko a vonile ku pfumela ka vona, a ku eka munhu la omeke swirho: “Tiyisa mbilu, n'wananga, swidyoho swa wena u rivaleriwile swona.”

1 SAMIELE 3:16

Kambe Heli a vitana Samiele, a ku: “Samiele, n'wananga!” A ku: “Hi mina loyi.”

1 SAMIELE 3:6

Yehovha a vitana kambe Samiele; kutani Samiele a pfuka, a ya eka Heli, a ku eka yena: “Hi mina loyi, hikuva u ndzi vitanile.” Heli a ku eka yena: “A ndzi ku vitananga, n'wananga; famba u ya etlela.”

Rhuti 2:7

u te eka hina: ‘Ndzi kombela leswaku ndzi nga nkun'hula, ndzi hlengeleta swinyandzana swi nga ri swingani endzhaku ka lava tshovelaka.’ Kutani a ta, a tshama kona ku suka nimixo ku fika sweswi, a wisanyana ntsena endlwini.”

Rhuti 2:9

Languta nsimu leyi va nga ta tshovela eka yona, kutani u famba endzhaku ka vona. Ndzi arisile vanhu va mina ku ku khumba. Kutani loko u twa torha u nga ya makhuwaneni, u nwa mati lawa vanhu va mina va ma keke.”

Levhitika 19:9

“ ‘Kutakuloko mi tshovela etikweni ra n'wina, u nga fiki emakun'weni ya nsimu ya wena hi ku tshovela, u nga ka u nga rholeli leswi seleke eku tshoveleni ka wena.