Rhuti 2:13 - Xitsonga (Bibele)

¹³ Kutani a ku eka yena: “Hosi yanga! Ndzi kumile tintswalo emahlweni ka wena, hikuva u ndzi chavelele, u ndzi byerile hilaha mbilu ya mina yi rhandzaka hakona, hambi ndzi nga fani ni un'wana wa malandza ya wena.”

BIBELE Mahungu Lamanene

¹³ “Hakunene n'wini wanga”, ku hlamula Rhuti, “u ndzi kombile tintswalo letikulu ni ku ntshunxa moya wa mina; naswona u vulavurile khwatsi na mina nandza wa wena, hambileswi ndzi nga riki un'wana wa malandza ya wena ya xisati.”

Rhuti 2:13 Referans Kwoze

1 SAMIELE 1:18

Kutani a ku: “Nandza wa wena a a kume tintswalo emahlweni ka wena.” Kavaloko wansati loyi a famba hi ndlela ya yena, a dya, kutani mombo wa yena wu hundzuka.

Genesa 34:3

Kutani mbilu ya yena yi namarhela na Dina, n'wana Yakobo, a rhandza lowa nhwanyana, a lava ku n'wi yenga hi marito yakwe.

Genesa 33:8

Esawu a ku: “U endla yini hi ntlhambi hinkwawo lowu ndzi nga hlangana na wona xana?” Yakobo a ku: “Hi leswaku ndzi tiva ku kuma tintswalo emahlweni ka hosi yanga.”

Vafilipiya 2:3

Mi nga endli nchumu hi ku kanetana, hambi ku ri hi ku tidzunisa ka swahava, kambe un'wana ni un'wana hi ku titsongahata ka yena, a a anakanye leswaku van'wana va n'wi tlula hi vunene.

2 SAMIELE 16:4

Hosi yi ku eka Siba: “Waswivo, hinkwaswo leswi ngi swi ri swa Mefiboxete i swa wena.” Kutani Siba a ku: “Ndza khinsama. A ndzi kume tintswalo emahlweni ka wena hosi, n'wini wanga!”

1 SAMIELE 25:41

Kutani a pfuka, a khinsama, a ku: “Waswivo, nandza wa wena u ta va khumbi leri nga ta hlantswa milenge ya malandza ya hosi yanga.”

Genesa 43:14

kutani Xikwembu xa matimba hinkwawo a xi mi kumise tintswalo eka munhu yeloyi, a ta mi tlherisela ni makwenu lo un'wana na Benjamini. Loko ndzi ri mina, loko ndzi fanekele ku lahlekeriwa hi vana, a ndzi lahlekeriwe hi vona!”

Genesa 33:15

Esawu a ku: “Loko swi ri tano, ndzi ta ku siyela vanhu van'wana eka valavo ndzi nga na vona.” Kambe a ku: “Hikwalaho ka yini xana? I ngi ndzi kume tintswalo emahlweni ka hosi yanga.”

Genesa 33:10

Kambe Yakobo a ku: “Ndza ku khongela, loko kumbe ndzi kume tintswalo emahlweni ka wena, amukela evokweni ra mina nhlengo wa mina, hikuva hikwalaho ka swona ndzi langutile mombo wa wena, hilaha i ngi munhu a languta mombo wa Xikwembu, kutani u ndzi amukerile hi tintswalo.

Swivuriso 15:33

Xichavo xa Yehovha i xikolo xa va vutlhari, Ku titsongahata ku rhangela ku dzunisiwa.

Vaavanyisi 19:3

Kutani nuna wa yena a suka, a n'wi landzela ku ya vulavula na yena hilaha mbilu ya yena yi swi rhandzaka hakona, a ta n'wi tlherisa; a famba ni nandza wa yena ni timbhongolo timbirhi. Kutani nsati yeloyi a n'wi amukela endlwini ya tata wa yena, kuteloko tata wa wansati a n'wi vona, a ya hlangana na yena hi ku tsaka.

Rhuti 2:12

Yehovha a a ku tlherisele leswi u swi endleke! U amukela hakelo leyi hetisekeke ya Yehovha, Xikwembu xa Israele, loyi u teke ku ta chavela etimpapeni ta yena!”

Rhuti 2:14

Bowazi a engeta a ku eka yena enkarhini wa ku dya: “Tshinela, u dya vuswa, u peta buwu ra wena ka vhiniga.” Kutani a tshama ekusuhi ni lava tshovelaka; Bowazi a n'wi nyika tindzhoho leti oxiweke, a dya, a xurha, a veka leti saleke.

Genesa 32:6

Kutani tintsumi ti vuya eka Yakobo ti ku: “Hi yile eka makwenu, eka Esawu, kambe na yena wa ta ku ta hlangana na wena, u ni vanhu va mune wa madzana.”

Hosiya 2:16

Kutani hi siku rero, ku vula Yehovha, u ta ndzi vula nuna wa wena, a ku nga ha ndzi vuli Baali wa wena.