Rhuti 2:10 - Xitsonga (Bibele)

¹⁰ Kavaloko a wa ehansi hi mombo wa yena, a khinsama, a ku eka yena: “Ndzi kumise ku yini tintswalo emahlweni ya wena xana, leswaku u ndzi tiva, mina ndzi nga wamatiko?”

BIBELE Mahungu Lamanene

¹⁰ Kutani Rhuti a wela ehansi hi mombo, a titsongahata emahlweni ka Bowazi, a ku: “Swi endlekise ku yini leswaku u ndzi komba tintswalo leto tano, hi ku ndzi amukela ke, kasi ndzi wa rixaka rimbe!”

Rhuti 2:10 Referans Kwoze

1 SAMIELE 25:23

Kuteloko Abigayele a vona Davhida, a hatlisa a xika mbhongolweni, a wela ehansi emombyeni, emahlweni ka Davhida, a khinsama.

Rhuti 2:13

Kutani a ku eka yena: “Hosi yanga! Ndzi kumile tintswalo emahlweni ka wena, hikuva u ndzi chavelele, u ndzi byerile hilaha mbilu ya mina yi rhandzaka hakona, hambi ndzi nga fani ni un'wana wa malandza ya wena.”

Varhoma 12:10

Tolovelanani hi rirhandzu ra vuxaka, mi ri karhi mi yisana emahlweni hi mafundzha.

Luka 1:48

hikuva u langutile vusiwana bya nandza wa yena; kutani tinxaka hinkwato ti ta ku ndzi katekile,

Luka 1:43

Swi endlise ku yini leswaku mana wa Hosi yanga a ta eka mina xana?

2 SAMIELE 19:28

hambiswiritano endla hilaha u rhandzaka hakona, hikuva yindlu hinkwayo ya tatana, i vanhu lava fanelaka hi ku fa ntsena emahlweni ka hosi, n'wini wanga, kambe u nghenisile nandza wa wena exikarhi ka lava dyaka etafuleni ra wena! Ku lulama kun'wana ku kwihi eka mina xana? Ndzi ta huwelela yini kambe eka hosi xana?”

2 SAMIELE 9:8

Kavaloko a khinsama, a ku: “Nandza wa wena i yini, leswi u langutaka mbyana leyi feke leyi ndzi nga yona!”

Matewu 25:35

hikuva a ndzi ri ni ndlala, mi tshama mi ndzi fihluta, a ndzi ri ni torha, mi ndzi siyele ndzi nwa; a ndzi ri muendzi, mi ndzi rhurhele;

Rhuti 2:2

Kutani Rhuti wa Mowabu a ku eka Nahumi: “Ndzi kombela ku ya emasin'wini, ndzi ta nkun'hula min'oko mi nga ri mingani, ndzi ta landza loyi ndzi nga ta kuma tintswalo emahlweni ka yena.” Kutani a n'wi hlamula, a ku: “Famba, n'wananga.”

Genesa 18:2

A tlakusa mahlo, a languta, kutani a vona vavanuna vanharhu va yimile ekusuhi na yena; kuteloko a va vonile, a suka enyangweni ya ntsonga, a tsutsuma ku ya hlangana na vona, kutani a khinsama ehansi,

Rhuti 2:9

Languta nsimu leyi va nga ta tshovela eka yona, kutani u famba endzhaku ka vona. Ndzi arisile vanhu va mina ku ku khumba. Kutani loko u twa torha u nga ya makhuwaneni, u nwa mati lawa vanhu va mina va ma keke.”

Rhuti 2:11

Bowazi a hlamula, a ku: “Ndzi tivisiwile swilo hinkwaswo leswi u swi endleleke n'wingi wa wena eku feni ka nuna wa wena, hilaha u tshikeke tata wa wena ni mana wa wena, ni tiko leri u nga tswariwa eka rona, u tile etikweni leri u nga ri tivangiki ni tolo ni tolweni.

Levhitika 19:34

Muluveri, la luvelaka exikarhi ka n'wina u ta va eka n'wina kukotisa un'wana wa n'wina; u ta n'wi rhandza kukotisa loko u tirhandza; hikuva a mi ri valuveri etikweni ra Egipta; hi mina Yehovha, Xikwembu xa n'wina.

Rhuti 2:19

Kavaloko n'wingi wa yena a ku eka yena: “U nkun'hule kwihi, namuntlha, u tirhe kwihi xana? A ku katekisiwe munhu la ku tiveke!” Kutani a byela n'wingi wa yena vito ra munhu loyi a nga ya tirha eka yena, a ku eka yena: “Vito ra munhu loyi ndzi nga tirha eka yena namuntlha i Bowazi.”

2 SAMIELE 7:18

Kavaloko hosi Davhida a ya tshamisa emahlweni ka Yehovha, a ku: “Ndzi mani, Hosi Yehovha, ni yindlu yanga hi yihi, leswi u ndzi fikiseke kwalaho!