Rhuti 1:5 - Xitsonga (Bibele)

⁵ Mahaloni na Kiliyoni va fa na vona havambirhi. Sweswo wa nsati loyi a sala a ri swakwe ndzhaku ka rifu ra vana vambirhi va yena ni nuna wa yena.

BIBELE Mahungu Lamanene

⁵ kambe Mahaloni na Kiliyoni va fa ha vambirhi, kutani Nahumi a sala a feriwile hi nuna ni vana va yena lavambirhi va xinuna.

Rhuti 1:5 Referans Kwoze

Luka 7:12

Kakuloko a tshinela ekusuhi ni nyangwa ya muti, maswivo, ku rhwariwa mufi, n'wana a ri swakwe eka mana wa yena la nga noni; vanhu lavo tala va muti a va n'wi landza.

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Esaya 49:21

Kutani u ta ku embilwini ya wena: ‘I mani la ndzi tswaleleke vona, a ndzi kala vana, a ndzi ri mhika la cukumetiweke, la tshikiweke, vona va kurisiwe hi mani? Vonani, a ndzi sele ndzi ri swanga, vona a va ri kwihi xana?’ ”

Duteronoma 32:39

“Vonani sweswi leswaku hi mina, mina ntsena, Ni leswaku a ku na xikwembu xin'wana ehandle ka mina. Hi mina la dlayaka, naswona hi mina la hanyisaka; Ndzi boxile mbanga, kambe ndzi ta ongola, A ku na munhu la kutsulaka evokweni ra mina.

Rhuti 1:2

Vito ra munhu loyi a a ri Elimeleke ni vito ra nsati wa yena a a ri Nahumi ni mavito ya vana vambirhi va yena a a ri Mahaloni na Kiliyoni; a va ri Vaefrata, va Betlehema-Yuda, kutani va ya aka etikweni ra Mowabu.

Rhuti 1:4

vona va teka vasati va Vamowabu, vito ra un'wana a a ri Oripa, ra un'wana Rhuti, kutani va tshama kona, malembe lama lavaka ku va khume.

Rhuti 1:6

Kutani a pfuka ni vingi va yena, a a sukela etikweni ra Mowabu, hikuva a a twile etikweni ra Mowabu leswaku Yehovha u endzele tiko ra yena, a ri nyike swakudya.