Rhuti 1:16 - Xitsonga (Bibele)

¹⁶ Kambe Rhuti a hlamula, a ku: “U nga tshuki u ndzi sindzisa leswaku ndzi ku siya, ndzi ku fularhela; hikuva ndzi ta ya laha u yaka kona, ndzi ta tshama laha u nga ta tshama kona; tiko ra wena ri ta va tiko ra mina, Xikwembu xa wena xi ta va Xikwembu xa mina.

BIBELE Mahungu Lamanene

¹⁶ “U nga ndzi sindzisi ku ku tshika empfhukeni kumbe ku ku fularhela”, ku hlamula Rhuti. “Laha u yaka kona, ndzi ta ya kona na mina. Lomu u nga ta tshama kona, ndzi ta tshama kona na mina. Rixaka ra wena ri ta va rixaka ra mina, naswona Xikwembu xa wena xi ta va Xikwembu xa mina.

Rhuti 1:16 Referans Kwoze

2 SAMIELE 15:21

Itayi a hlamula a ku eka hosi: “Yehovha wa hanya, ni hosi n'wini wanga, wa hanya, leswaku laha hosi, n'wini wa mina, a nga ta va kona, hambi ku ri eku feni, hambi ku ri eku hanyeni, nandza wa wena u ta va kona.”

Pisalema 45:10

Yingisa, wanhwana, languta u rhiya tindleve; Rivala tiko ra wena, ni yindlu ya tata wa wena,

Matewu 8:19

Kutani mutsari un'wana a n'wi tshinelela a ku eka yena: “Mufundhisi, laha u yaka kona, hambi ku ri kwihi ni kwihi, ndzi ta ku landza.”

Yohane 13:37

Petro a ku eka yena: “Hosi, ndzi nga tsandzeka ha yini ku ku landza sweswi, xana? A ndzi ta tshika vutomi bya mina hikwalaho ka wena.”

1 Vatesalonika 1:9

Hikuva vanhu va rungula maenghenelo ya hina eka rikwenu, ni hilaha mi nga hundzukela hakona eka Xikwembu, mi fularhela swifaniso ku tirhela Xikwembu lexi hanyaka, xa ntiyiso;

Esaya 14:1

Hikuva Yehovha u ta tsetselela Yakobo u ta tihlawulela Israele; u ta tlhela a va akisa etikweni ra vona, kutani vamatiko va ta hlangana na vona, va namarhela yindlu ya Yakobo.

Timhaka 21:13

Kambe Pawulo a hlamula, a ku: “Xana mi endla yini hi ku rila, mi ndzi tlhava mbilu xana? Kasi mina ndzi tilunghisile, ku nga ri ku bohiwa ntsena, kambe ni ku fela vito ra Hosi Yesu eYerusalema.”

Hosiya 13:4

Kasi mina Yehovha, ndzi Xikwembu xa wena, ka ha ri loko u hume etikweni ra Egipta; kutani handle ka mina u nga ka u nga tivi Xikwembu xin'wana, ni muhanyisi a nga kona, loko ndzi nga ri mina.

Daniele 2:47

Kutani hosi yi vulavula na Daniele, yi ku: “Kunene Xikwembu xa n'wina i Xikwembu xa swikwembu, ni Hosi ya tihosi, ni muhlavuteri wa swihundla, hikuva xi kotile ku ndzi hlavutela xihundla xexo.”

Nhlavutelo 14:4

Hi lava nga tinyamisangiki hi vavasati, hikuva va tengile; hi lava landzaka Xinyimpfana hinkwako laha xi yaka kona; va kutsuriwile exikarhi ka vanhu leswaku swi va swirhangana eka Xikwembu ni ka Xinyimpfana.

Yoxuwa 24:18

Yehovha u hlongorisile emahlweni ka hina, matiko hinkwawo, ni Vaamori lava akeke etikweni leri. Na hina hi ta tirhela Yehovha, hikuva hi xona Xikwembu xa hina.”

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Daniele 3:29

Kutani nawu wu vekiwa hi mina eka vanhu hinkwavo, ni ka matiko hinkwawo, ni ka va tindzimi hinkwato, leswaku munhu la solaka Xikwembu xa Xadraka, na Mexaka, na Abedi-Nego u ta pulukanyisiwa, kutani yindlu ya yena yi ta endliwa tala, hikuva a ku na Xikwembu ximbe lexi nga ponisaka hi mukhuva wolowo.”

Rhuti 1:15

Kutani Nahumi a ku eka yena: “Waswivo, makwenu u mukile etikweni ra yena ni swikwembyini swa rikwavo. Sweswi, tlhela u n'wi landza.”

Rhuti 1:17

Laha u nga ta fa kona, ndzi ta fa, ndzi lahliwa kona. Yehovha a a ndzi endle hi matimba ku tlurisa loko ndzi hambana na wena loko ku nga ri hi ku fa.”

Rhuti 4:15

U ta chavelela moya wa wena, u ta ku tiyisa eku dyuhaleni ka wena! Hikuva u velekiwe hi n'wingi wa wena, la ku rhandzaka, yena la tlulaka eka wena, vana va xinuna vanthlanu na vambirhi.”

Swivuriso 17:17

Munghana wa munhu wa n'wi rhandza hi masiku; I makwavo emakhombyeni.

Rhuti 2:6

Nandza la langutelaka vatshoveri, a n'wi hlamula, a ku: “I wanhwana wa Mowabu la nga vuya na Nahumi a etikweni ra Mowabu;

Zakariya 8:23

“Yehovha wa tinyimpi u ri: Emasikwini lawa vavanuna va khume va tindzimi hinkwato ta matiko, va ta tikhomelela hi ndzungo wa nguvu ya Muyuda, va ku: ‘Hi ta ya na n'wina, hikuva hi twile leswaku Yehovha u na n'wina.’ ”