Rhuti 1:14 - Xitsonga (Bibele)

¹⁴ Kutani va tlakusa marito, va engeta va rila. Kutani Oripa a ntswontswa n'wingi wa yena. Kambe Rhuti a namarhela yena.

BIBELE Mahungu Lamanene

¹⁴ Loko va twa sweswo, va tlhaveka va tlhela va rila. Loko a ri Oripa, a ntswontswa n'wingi wa yena, a hambana na yena; kasi Rhuti yena a namarhela Nahumi.

Rhuti 1:14 Referans Kwoze

Swivuriso 18:24

La nga ni vanakulobye lavo tala u ta va ni khombo, Kambe ku ni nakulobye la tlulaka makwavo.

Matewu 16:24

Yesu a engeta a ku eka vadyondzisiwa va yena: “Kungakuloko munhu a rhandza ku ndzi landza, a a titshike, a tirhwalela xihambano xa yena, a ndzi landza hi le ndzhaku.

Matewu 10:37

La rhandzaka tata wa yena, hambi a ri mana wa yena ku tlula mina, a nga ndzi faneli, ni la rhandzaka n'wana wa yena wa wanuna, hambi a ri wa wanhwana ku tlula mina, a nga ndzi faneli.

Vaheveru 10:39

Loko hi ri hina, a hi vanhu va ku tlhelela ku ya eku lahlekeni, kambe hi va ku pfumela, leswaku mimoya ya hina yi hanyisiwa.

Matewu 19:22

Kambe jaha leri, loko ri twa ku vulavula loku, ri famba ri ri ni gome ngopfu hikuva a ri fuwile ngopfu.

Zakariya 8:23

“Yehovha wa tinyimpi u ri: Emasikwini lawa vavanuna va khume va tindzimi hinkwato ta matiko, va ta tikhomelela hi ndzungo wa nguvu ya Muyuda, va ku: ‘Hi ta ya na n'wina, hikuva hi twile leswaku Yehovha u na n'wina.’ ”

Esaya 14:1

Hikuva Yehovha u ta tsetselela Yakobo u ta tihlawulela Israele; u ta tlhela a va akisa etikweni ra vona, kutani vamatiko va ta hlangana na vona, va namarhela yindlu ya Yakobo.

Swivuriso 17:17

Munghana wa munhu wa n'wi rhandza hi masiku; I makwavo emakhombyeni.

1 TIHOSI 19:20

Kavaloko Elixa a tshika tihomu ta yena, a tsutsuma endzhaku ka Eliya, a ku: “Wa nga ndzi pfumelela ku ya ntswontswa tatana na manana, kutani ndzi ta ku landza.” Eliya a ku eka yena: “Famba, u tlhela u vuya. Ntsena anakanya lexi ndzi ku endleke xona.”

Duteronoma 10:20

“U ta chava Yehovha, Xikwembu xa wena, u xi tirhela, u namarhela xona, u va u hlambanya hi vito ra xona.

2 Timotiya 4:10

hikuva Demasi u ndzi siyile hi ku rhandza swa nkarhi wa sweswi, kutani u tifambele eTesalonika; Kreskene u yile eGalatiya, na Tito u yile eDalamatiya;

Timhaka 17:34

Kambe vavanuna van'wana va n'wi namarhela, va pfumela; exikarhi ka vona, un'wana a a ri Diyonisiyo wa Areyopago, ni wansati loyi va nge i Damarisi, va ri ni van'wana.

Genesa 31:55

Kutani Labani a pfuka nimixo, a ntswontswa vana va yena va vavanuna ni va vavasati, a va katekisa; a suka, a tlhelela ekaya ka yena.

Genesa 31:28

Kambe a ku ndzi nyikanga nkarhi wa ku ntswontswa vana va mina va vavanuna ni va vavasati. Kunene sweswi, u endlile hi ku hunguka.

Duteronoma 4:4

Kambe n'wina, lava mi namarheleke Yehovha, Xikwembu xa n'wina, ma ha hanya hinkwenu ni namuntlha.

Rhuti 1:13

xana mi nga va tshamela va ko va kula? Xana mi ta va yimela, mi ala ku tekiwa? A hi swona, vana vanga. Kunene ndzi le khombyeni ku tlula n'wina, hikuva voko ra Yehovha ri ndzi tsongahatile ngopfu.”

Rhuti 1:15

Kutani Nahumi a ku eka yena: “Waswivo, makwenu u mukile etikweni ra yena ni swikwembyini swa rikwavo. Sweswi, tlhela u n'wi landza.”

2 SAMIELE 19:39

Kuteloko tiko hinkwaro ri perile Yordani, na yona hosi yi pela; kutani hosi yi ntswontswa Barizilayi yi n'wi katekisa, kutani a tlhelela ekaya ka yena.

Rhuti 1:7

A rhurhisa sweswo etikweni leri ngi a ri ka rona, a ri ni vingi va yena vambirhi, va tifambela, va tlhelela etikweni ra Yuda.

Rhuti 2:11

Bowazi a hlamula, a ku: “Ndzi tivisiwile swilo hinkwaswo leswi u swi endleleke n'wingi wa wena eku feni ka nuna wa wena, hilaha u tshikeke tata wa wena ni mana wa wena, ni tiko leri u nga tswariwa eka rona, u tile etikweni leri u nga ri tivangiki ni tolo ni tolweni.