Pisalema 98:5 - Xitsonga (Bibele)

⁵ Dzunisani Yehovha hi haripa, Hi haripa ni marito ya tinsimu,

BIBELE Mahungu Lamanene

⁵ yimbelelani mi twarisa HOSI, mi ri karhi mi chaya tiharipa ta n'wina, swi nandziha.

Pisalema 98:5 Referans Kwoze

Esaya 51:3

Hikuva Yehovha u chavelerile Siyoni, u chavelerile marhumbi ya yena hinkwawo, u endlile mananga ya yena xivandla lexi fanaka na Edeni, ni nhova ya yena mitanga ya Yehovha. Ku ta kumiwa kona ku tsaka ni mikhuvo ya ku tsaka, tinsimu ta ku dzunisa ni mpfumawulo wa timbila.

Pisalema 33:2

Twarisani Yehovha hi haripa, N'wi yimbeleleni hi timbila ta khume ra tingoti.

Nhlavutelo 5:8

Kuteloko xi tekile buku, swivumbiwa leswi hanyaka leswa mune, ni vakulukumba va makume mambirhi na mune va khinsama emahlweni ka xinyimpfana, un'wana ni un'wana a tamele haripa, ni ximbitana xa nsuku lexi teleke mirhi ya risuna, swi nga swikhongelo swa vakwetsimi.

2 TIKRONIKA 29:25

Kutani a ve ka Valevhi endlwini ya Yehovha, va ri ni swiphambati ni magubu ni tiharipa, hilaha Davhida na Gadi, muvoni wa hosi, na Natani, muprofeta, va leriseke hakona; hikuva ku lerisa loku a ku humile ka Yehovha hi vaprofeta va yena.

1 TIKRONIKA 15:16

Davhida a lerisa tihosana ta Valevhi ku nghenisa vamakwavo, vayimbeleri, entirhweni, va va ni timbila, ni tiharipa, leti va fanelaka ku yimba tona hi matimba, ku kombisa ku tsaka.

1 TIKRONIKA 15:28

Vaisraele hinkwavo va heleketa areka ya ntwanano wa Yehovha, va ri karhi va huwelela hi ku tsaka, va pfumisa timhalamhala, ni tinanga, ni swiphambati, ni magubu, ni tiharipa.

Pisalema 71:22

Hikwalaho ndzi ta ku vonga hi gubu, Ndzi ta twarisa ku tshembeka ka wena, Xikwembu xanga, Ndzi va ndzi ku yimbelela hi haripa wena, Mukwetsimi wa Israele.

Pisalema 147:7

Khensani Yehovha, Mi dzunisa Xikwembu xa hina hi haripa!