Pisalema 98:4 - Xitsonga (Bibele)

⁴ N'wina hinkwenu vaaki va misava, Tlakuselani eka Yehovha huwa ya ku tsaka. Banani huwa ya n'wina, mi yimbelela,

BIBELE Mahungu Lamanene

⁴ N'wina vaaki hinkwavo va misava huwelelani mi dzunisa HOSI, sumani tinsimu mi yimbelela mi ri karhi mi ba minkulungwana;

Pisalema 98:4 Referans Kwoze

Esaya 44:23

N'wina matiko, huwelelani hi ku tsaka hikuva Yehovha u tirhile! Swivandla swa misava leswi enteke, huwelelani! N'wina tintshava ni swihlahla, swin'we ni mirhi hinkwayo ya n'wina, banani mikulungwana, hikuva Yehovha u kutsurile Yakobo, wa tidzunisa eka Israele!

Pisalema 100:1

Huwelelani eka Yehovha hi ku tsaka, N'wina hinkwenu Vaaki va misava!

Nhlavutelo 19:6

Kutani ndzi twa rito leri fanaka ni ra vunyingi lebyikulu, ri kotisa mpfumawulo wa mati layo tala, ni leswo ngi i rito ra tindlati leto pfuma ngopfu, ri ku: “Aleluya! Hikuva ku fuma Hosi Xikwembu xa hina xa matimba hinkwawo.

Pisalema 66:1

Tlakuselani eka Xikwembu ku huwelela ka ku tsaka, N'wina hinkwenu vaaki va misava!

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Pisalema 95:1

Tanani, hi yimbelela tinsimu eka Yehovha! Hi huwelela hi ku tsaka eka ribye ra ku hlayiseka ka hina.

Nhlavutelo 19:1

Endzhaku ka sweswo, ndzi twa etilweni kukotisa rito lerikulu ra vunyingi lebyikulu ngopfu bya vanhu lava nge: “Aleluya! Ku hlayiseka, ni ku kwetsima, ni matimba, i swa Xikwembu xa hina,

Matewu 21:9

Kambe mitshungu leyi n'wi rhangeleke emahlweni, ni leyi n'wi landzelaka endzhaku, va bongosa, va ku: “Hosanna (hileswaku, wanga ponisa), eka N'wana Davhida! A ku khensiwe la taka hi vito ra Hosi! Hosanna ematilweni ya le henhla ka tilo.”

Sofoniya 3:14

Yimbelela hi ku tsaka, nhwanyana wa Siyoni! Israele, huwelela, u tsaka! U va u tsakisisa hi mbilu hinkwayo wena nhwanyana wa Yerusalema!

Yeremiya 33:11

ku ta yingisiwa kona rito ro tsaka, ni rito ra mitsako, ni rito ra muteki, ni rito ra mutekiwa, ni rito ra lava nge: Khensani Yehovha wa mavandla, hikuva Yehovha hi lonene, hikuva tintswalo ta yena hi leti nga heriki! ‘Ku ri loko va neha ku khensa ka vona endlwini ya Yehovha.’ Hikuva ndzi ta vuyisela lava khomiweke va le tikweni leri, va ta kotisa emikarhini yo rhanga, ku vula Yehovha.

Pisalema 67:4

Matiko ma ta tsaka, ma tsakisisa, Hikuva u ta avanyisa matiko hi ku lulama, U ta fambisa matiko emisaveni.

Esaya 42:11

Mananga ni miti ya kona a yi tlakuse rito, swimitana swa Vakedari a swi tlakuse rito; lava akeke eSela a va huwelele hi ku tsaka, etintshaveni a ku biwe mikulungwana!

Pisalema 66:4

Misava hinkwayo yi ta ku khinsamela; Yi ku yimbelela, yi yimbelela vito ra wena.”

Pisalema 71:22

Hikwalaho ndzi ta ku vonga hi gubu, Ndzi ta twarisa ku tshembeka ka wena, Xikwembu xanga, Ndzi va ndzi ku yimbelela hi haripa wena, Mukwetsimi wa Israele.

Pisalema 95:2

A hi tikombeni emahlweni ka yena hi ku vonga, Hi n'wi dzunisa hi tinsimu.