Pisalema 97:11 - Xitsonga (Bibele)

¹¹ Ku vonakala ku byaleriwe la lulameke, Ni ku tsaka ku nyikiwa va timbilu to lulama.

BIBELE Mahungu Lamanene

¹¹ Lavo lulama va tlhavela hi ku vonakala, lava nga ni timbilu to basa va kuma ku tsaka.

Pisalema 97:11 Referans Kwoze

Yohane 12:46

Mina, ndzi nga ku vonakala, ndzi tile emisaveni leswaku un'wana ni un'wana la pfumelaka eka mina, a nga tshuki a tshama emunyameni.

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

Ntirho 22:28

Loko u kanela mhaka yin'wana yi ta humelela eka wena, Ku vonakala ku ta vangama etindleleni ta wena.

Pisalema 112:4

Ku vonakala ku xela lava lulameke emunyameni, Ni lava nga ni tintswalo, ni nsovo, ni ku lulama.

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

Vagalatiya 6:8

la byalelaka nyama ya yena, u ta tshovela enyameni leswo bola; kambe la byalelaka Moya, u ta tshovela eMoyeni vutomi lebyi nga heriki.

Pisalema 18:28

Hi wena la vangamisaka ku vonakala ka mina; Yehovha, Xikwembu xanga, u vonakarisa munyama wa mina.

Estere 8:16

Vayuda va tshama eku vonakaleni ni le ku tsakeni eku tsakisiseni ni le xichabyeni.

Nhlavutelo 22:5

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.

Mikiya 7:9

Ndzi ta rhwala ku kariha ka Yehovha, hikuva ndzi n'wi dyoherile, leswaku a ta ndzi pfuna emitengweni ya mina, kutani a ndzi avanyisela. U ta ndzi humesela eku vonakaleni, kutani ndzi ta hlalela ku lulama ka yena.

Esaya 62:1

Hikwalaho ka Siyoni, ndzi nga ka ndzi nga miyeri, hikwalaho ka Yerusalema, ndzi nga ka ndzi nga wisi, ku hlayiseka ka yena ku kondza ku vonakala kukota vurhonga, ni ku pona ka yena kukotisa rivoningo.

Ntirho 11:17

Vutomi bya wena byi ta tlhavela byi tlula dyambu ra nhlekanhi, Loko wu ri munyama, wu ta fana ni loko wu ri mixo.

Pisalema 68:4

Yimbelelani Xikwembu, dzunisani vito ra xona, Lunghiselani loyi a fambaka exikarhi ka mananga endlela! Yehovha i vito ra yena; tsakani emahlweni ka yena!

Esaya 58:8

“Ku vonakala ka wena ku ta ta kukota vurhonga ku hanyisiwa ka wena ku ta hatlisa ku mila ku lulama ka wena ku ta ku rhangela emahlweni; ku twala ka Yehovha ku ta ku heleketa.