Pisalema 97:10 - Xitsonga (Bibele)

¹⁰ N'wina lami rhandzaka Yehovha, vengani leswo biha! U hlayisa mimoya ya vakwetsimi va yena, U va kutsula emavokweni ya lavo biha.

BIBELE Mahungu Lamanene

¹⁰ N'wina mi rhandzaka HOSI Xikwembu, vengani leswo homboloka! HOSI Xikwembu xi sirhelela vutomi bya malandza ya xona, xi ma kutsula emavokweni ya lavo biha.

Pisalema 97:10 Referans Kwoze

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Pisalema 145:20

Yehovha u londzovota hinkwavo lava n'wi rhandzaka, Kambe wa lovisa lavo biha hinkwavo.

Pisalema 34:14

Fularhela leswo biha, u endla leswinene; Lava ku rhula, u ku landzelela.

Yeremiya 15:21

“Ndzi ta tshama ndzi ku lamulela emavokweni ya lavo biha, kutani ndzi ta ku kutsula emavokweni ya tinhenha.”

Amosi 5:15

Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

Daniele 3:28

Kutani Nebukadnetsara a vulavula, a ku: “A ku dzunisiwe Xikwembu xa Xadraka, na Mexaka, na Abedi-Nego lexi rhumeke ntsumi ya xona, xi hlayisile malandza ya xona lama xi tshembeke, lama tluleke ku lerisa ka hosi; va tshiketile miri ya vona leswaku va nga tshuki va tirhela ni ku khongela xikwembu xin'wana, loko xi nga ri Xikwembu xa vona.

2 Vatesalonika 3:2

ni leswaku hi lamuleriwa eka vanhu lavo homboloka ni lavo biha; hikuva ku pfumela a hi ka vanhu hinkwavo.

Swivuriso 2:8

U tiyisa mitila ya lava fambaka hi mfanelo, U hlayisa ndlela ya lava n'wi rhandzaka.

Pisalema 31:23

Rhandzani Yehovha, n'wina hinkwenu varhandziwa va yena. Yehovha u hlayisa lava tshembekaka, Kambe u tlherisela eka la tikurisaka, hinkwaswo leswi n'wi faneleke.

1 Yohane 5:18

Ha swi tiva leswaku un'wana ni un'wana la tswariweke hi Xikwembu a nga dyohi; kambe la tswariweke hi Xikwembu wa tihlayisa, kutani lowo biha a nga n'wi khumbi.

1 Yohane 4:19

Loko hi ri hina ha xi rhandza, hikuva hi xona xi rhangeke xi hi rhandza.

1 Petro 1:5

hina hi laveleriwaka hi matimba ya Xikwembu, hi ku pfumela, leswaku hi ta nyikiwa ku hlayiseka loku lunghiseriweke ku humelela enkarhini wa makumu.

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Daniele 6:27

Hi yena muponisi ni muhanyisi: xi endle swikombiso ni masingita ematilweni ni le misaveni, hi xona lexi poniseke Daniele emin'waleni ya tinghala.”

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

Yakobo 1:12

Ku katekile munhu la tiyiselaka endzingweni, hikuva, kutakuloko a ringiwile, u ta nyikiwa harhi ya vutomi, leyi Hosi yi yi tshembiseke lava yi rhandzaka.

1 Vakorinto 8:3

Kambe loko munhu a rhandza Xikwembu, u tiviwa hi xona.

Esaya 45:17

Israele u ponisiwe hi Yehovha hi ku pona loku nga heriki, a mi nga ha vi na tingana ni ku soriwa, hi laha ku nga heriki.

Swivuriso 3:7

U nga tivoni vutlhari, Chava Yehovha, u papalata swo biha;

Pisalema 125:3

Hikuva vuhosi lebyo biha byi nga ka byi nga fumi ndzhaka ya lavo lulama. Hi leswaku lavo lulama va nga tshuki va nghena eku dyoheni!

Pisalema 119:163

Ndzi vengile, ndzi nyenya mavunwa; Kambe ndzi rhandza nawu wa wena.

Pisalema 91:14

Leswi a ndzi rhandzaka ndzi ta n'wi kutsula; Ndzi ta n'wi tlakusa, hikuva u tivile vito ra mina,

1 Petro 1:8

loyi mi n'wi rhandzaka hambi mi nga n'wi vonanga, loyi mi tsakaka ha yena hi ku tsaka loku nga vulekiki, loku kwetsimaka, hambi mi nga si n'wi vona ku ta fika sweswi, kambe mi endla hi ku pfumela;

Varhoma 7:24

Yo! Ndzi munhu wa khombo leronghasi! I mani la nga ta ndzi kutsula emirini lowu wa rifu?

Varhoma 7:15

Hikuva leswi ndzi swi endlaka a ndzi swi tivi, hikuva a ndzi endli leswi ndzi swi rhandzaka, kambe ndzi endla leswi ndzi swi vengaka.

Daniele 6:22

Xikwembu xa mina xi rhumile ntsumi ya xona, yi sivile milomu ya tinghala leswaku ti nga tshuki ti ndzi endla nchumu, hikuva ndzi kumiwile ndzi nga ri na nandzu emahlweni ka xona; ni le mahlweni ka wena, hosi, a ndzi dyohanga nchumu.”

Pisalema 119:104

Ndzi kuma ku twisisa eku leteleni ka wena, Hi leswo-ke ndzi vengile tindlela hinkwato ta mavunwa.

Pisalema 101:3

Ndzi nga ka ndzi nga veki leswo biha emahlweni ka mina; Ndza venga mitirho ya vadyohi; Yi nga ka yi nga ndzi namarheli,

Pisalema 36:4

U anakanya swo homboloka emasangwini ya yena. U famba hi ndlela leyi nga riki leyinene; A nga fularheli leswo biha.

Pisalema 121:7

Yehovha u ta ku sirhela eku biheni hinkwako, U ta hlayisa moya wa wena.

Amosi 5:14

Lavani leswinene, swi nga ri leswo biha, leswaku mi ta hanya; leswaku Yehovha, Xikwembu xa tinyimpi u ta va na n'wina, hilaha mi vulaka hakona.