Pisalema 96:6 - Xitsonga (Bibele)

⁶ Ku kwetsima ni ku twala swi le mahlweni ka yena, Matimba ni vuhosi swi le ndlwini ya yena.

BIBELE Mahungu Lamanene

⁶ Ku dzuneka ni vukulukumba swi le ka xona, Tempele ya xona yi tele hi matimba ni ku saseka.

Pisalema 96:6 Referans Kwoze

Pisalema 104:1

Moya wanga, khensa Yehovha! Yehovha, Xikwembu xa mina, u nkulukumba ngopfu! U funengele ku kwetsima ni ku saseka!

Pisalema 93:1

Yehovha wa fuma, u ambele vukulukumba, Matimba i xiambalo xa Yehovha, ni vamba ra yena; Hikwalaho misava yi tiyile, yi nga tsekatseki.

1 TIKRONIKA 16:27

Vukulu ni ku kwetsima swi le mahlweni ka yena, Matimba ni ku tsaka swi le vuakweni bya yena.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Pisalema 50:2

ESiyoni laha ku sasekeke ngopfu, Xikwembu xi ni ku kwetsima.

Pisalema 29:9

Rito ra Yehovha ri tswarisa tinhlangu, Ri hlanhla swihlahla. Etempeleni ya yena hinkwaswo swi ku: “Ku kwetsima!”

Pisalema 27:4

Ndzi komberile xilo xin'we eka Yehovha, ndza ha xi navela ngopfu: Hi leswaku ndzi tshama endlwini ya Yehovha hi masiku hinkwawo ya ku hanya ka mina. Ndzi ta hlalela ku kwetsima ka Yehovha, Ndzi va ndzi kambisisa tempele ya yena.

Pisalema 19:1

Matilo ma vula ku kwetsima ka Xikwembu, Ni mpfhuka wu tivisa ntirho wa mavoko ya xona.

Pisalema 8:1

Oho Yehovha, Hosi ya hina! Vito ra wena ri kwetsimile swonghasi emisaveni hinkwayo! Ku vonakala ka wena ku tlakukile henhla ka matilo.

Pisalema 63:5

Moya wanga wu ta xurha swange i mongo ni mafurha. Kutani nomu wa mina wu ta ku twarisa hi marito ya ku tsaka.