Pisalema 95:5 - Xitsonga (Bibele)

⁵ Lwandle i ra yena, i ntirho wa yena, Na yona misava leyi tiyeke, yi vumbiwile hi mavoko ya yena.

BIBELE Mahungu Lamanene

⁵ Xi fuma lwandle, hikuva ri endliwe hi xona, na wona matiko ma vumbiwile hi xona.

Pisalema 95:5 Referans Kwoze

Yonasi 1:9

Yena a ku eka vona: “Ndzi Muheveru, ndzi chava Yehovha, Xikwembu xa matilo, la endleke lwandle ni misava.”

Yeremiya 5:22

Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.

Swivuriso 8:29

Ni siku a lerisaka lwandle ndzilakana wa rona, Mati ya rona ma nga tluli ribuwu, Ni siku a anakanyaka masungulo ya misava,

Swivuriso 8:26

Yehovha a nga si endla misava ni matiko, Ni masungulo ya ntshuri wa misava.

Pisalema 146:6

U endlile matilo ni misava, Elwandle ni hinkwaswo leswi nga ka rona. U hlayisa rito ra ntiyiso hi laha ku nga heriki.

Pisalema 33:7

A hlengeleta mati ya lwandle ma endla nhulu, A veka swidziva evuhlayiselweni.

Pisalema 107:24

Hi vona lava nga hlalela mitirho ya Yehovha, Ni mahlori ya yena exikarhi ka swidziva: