Pisalema 94:23 - Xitsonga (Bibele)

²³ U ta vuyisela ka vona ku homboloka ka vona, U ta va herisa hi vudyohi bya vona; Ina, Yehovha, Xikwembu xa hina u ta va herisa.

BIBELE Mahungu Lamanene

²³ Lavo homboloka xi ta va ba hikwalaho ka vubihi bya vona, xi ta va herisa hi mhaka ya swiendlo swa vona; hakunene HOSI Xikwembu xa hina xi ta va herisela makumu.

Pisalema 94:23 Referans Kwoze

Pisalema 7:16

Mano ya yena ma ta wela enhlokweni ya yena, Ni ku kariha ka yena ku ta wela emombyeni wa yena.

Swivuriso 14:32

Mudyohi u wisiwa hi ku dyoha ka yena, Kambe la lulameka u ni ku tshemba ni le ku feni ka yena.

Swivuriso 2:22

Kambe lavo biha va ta susiwa la emisaveni, Ni timbabva ti ta tsuvuriwa eka yona.

Pisalema 55:23

Wena Xikwembu u ta va xikisa ekheleni ra ku lova; Vanhu lava va nga va ngati ni va ku xisa, Va nga ka va nga fiki exikarhi ka masiku ya vona; Kambe mina ndzi tshembile wena.

Swivuriso 5:22

Muxisi u ta phasiwa hi ku biha ka yena, U ta bohiwa hi mapindza ya ku dyoha ka yena.

Pisalema 64:8

Tindzimi ta vona ti va wisa ehansi, Hinkwavo lava va vonaka va ninginisa tinhloko.

Daniele 9:26

Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

Daniele 7:24

Timhondzo leta khume, i tihosi ta khume leti nga ta humelela eku fumeni koloko, kutani un'wana u ta humelela endzhaku ka tona, a nga fani na tin'wana, kutani u ta tsongahata tihosi tinharhu.

Ezekiele 18:24

“Kambe loko la lulameke a tshika ku lulama ka yena, e endla leswo biha, a ri karhi a landza manyala hinkwawo lama endliwaka hi lowo biha, xana u ta hanya xana? Ku lulama ka yena hinkwako loku a ku endleke ku ta rivariwa, hikuva u tinyiketile eku hombolokeni ni le manyaleni; hikwalaho ka swona, u ta fa kunene.

Swivuriso 1:31

Va ta dya mihandzu ya mikhuva ya vona, Va ta xurha hi makungu ya vona.

Pisalema 12:3

Yehovha u ta herisa milomu leyi yengaka, Ni ririmi leri tisaselaka hi leswikulu,

Estere 7:10

Kutani va hayeka Hamani emhandzeni leyi ngi yi lunghiseriwe Mordekayi, kutani vukari bya hosi byi vomba.

Vaavanyisi 9:57

Xikwembu xi tlherisela ni le tinhlokweni ta vavanuna va Xikeme ku biha hinkwako loku va ku endleke. Ku rhuketela ka Yotamu, n'wana Yerubaali, ku va wele ehenhla hi sweswo.

2 TIHOSI 19:7

Ndzi ta nghenisa eka yena moya wun'wana leswaku kungakuloko a yingisile mahungu man'wana, u ta tlhelela etikweni ra yena; kutani ndzi ta n'wi wisa hi tlhari etikweni ra yena.” ’ ”

Estere 9:25

Kambe loko Estere a ta emahlweni ka hosi, a lerisa hi mapapila leswaku makungu layo biha lawa ma kaneriweke hi Hamani ya ku hehla Vayuda, ma tlheriseriwa enhlokweni ya yena, kutani a hayekiwa emhandzeni, yena ni vana va yena.

Pisalema 109:20

Yi va hakelo leyi Yehovha a yi hakelaka valala va mina, Ni lava vulaka swo biha ehenhla ka mina.

Swivuriso 5:23

U ta fa hi ku ka a nga dyondzanga, U ta lahleka hi vukulu bya vuhunguki bya yena.

Yeremiya 36:31

Ndzi ta n'wi ba, yena, ni vatukulu va yena ni malandza ya yena, hikwalaho ka ku homboloka ka vona; ndzi va humesela ni vaaki va Yerusalema, ni va yindlu ya Yuda, ku biha hinkwako loku ndzi ku vuleke ehenhla ka vona, kambe a va ndzi yingisanga.’ ”