Pisalema 93:1 - Xitsonga (Bibele)

¹ Yehovha wa fuma, u ambele vukulukumba, Matimba i xiambalo xa Yehovha, ni vamba ra yena; Hikwalaho misava yi tiyile, yi nga tsekatseki.

BIBELE Mahungu Lamanene

¹ Xikwembu i mufumi wa hinkwaswo, xi ambele vukulukumba; xi tikhama hi matimba ya xona hikokwalaho misava yi tiyile yi nge tsekatseki.

Pisalema 93:1 Referans Kwoze

Pisalema 96:10

Vulani xikarhi ka matiko, mi ku: “Yehovha wa fuma. Na yona misava yi tiyile, a yi tsekatseki; Yehovha u ta avanyisa matiko hi ku lulama.”

Pisalema 99:1

Yehovha wa fuma, matiko ma rhurhumela; U tshamile exikarhi ka tikerubu; misava ya tsekatseka.

1 TIKRONIKA 29:12

Ku fuma ni ku twala ku hume eka wena; wa fuma ehenhla ka swilo hinkwaswo: matimba ni ku tiya swi le vokweni ra wena; hi wena la tivaka ku nyika vukulu hinkwabyo ni matimba hinkwawo.

Nhlavutelo 19:6

Kutani ndzi twa rito leri fanaka ni ra vunyingi lebyikulu, ri kotisa mpfumawulo wa mati layo tala, ni leswo ngi i rito ra tindlati leto pfuma ngopfu, ri ku: “Aleluya! Hikuva ku fuma Hosi Xikwembu xa hina xa matimba hinkwawo.

Pisalema 103:19

Yehovha u vekile xiluvelo xa yena ematilweni, Kutani vuhosi bya yena byi fuma swilo hinkwaswo.

Pisalema 65:6

U tiyisa tintshava hi matimba ya wena, Wena la ambaleke matimba;

Esaya 45:18

Hikuva u vurile sweswo Yehovha, la endleke matilo, xona Xikwembu lexi endleke misava ni ku yi vumba lexi yi sunguleke xi ri xona; a nga yi endlanga mananga, kambe u yi endlile leswaku yi akiwa. “Hi mina Yehovha, ku hava un'wana!

Esaya 45:12

Hi mina la endleke misava, la vumbeke munhu ehenhla ka yona. Hi mina ndzi endleke matilo hi mavoko ya mina; hi mina loyi ndzi fumaka nyimpi ya wona hinkwayo.

Pisalema 97:1

Yehovha wa fuma. Misava a yi tsake, Swihlale hinkwaswo a swi tsakisise!

Pisalema 59:13

U va heta hi vukari bya wena, u va heta leswaku va nga ha vi kona! A ku tiviwe, ni le makun'wini ya misava, Leswaku Xikwembu xi fuma Yakobo.

Vaheveru 1:8

kambe loko xi vula N'wana, xi te: “Xikwembu, xiluvelo xa wena xi tiyile hilaha ku nga heriki, kutani nhonga ya vuhosi bya wena i nhonga ya ku lulama.

Esaya 59:17

Wa ambala ku lulama kukota xisirhelelo, kutani u veka enhlokweni e xihuku xa ku hlayiseka; u ambala tinguvu ta ku tirihisela, kutani u tifunengeta hi rilondzo kukota nkhancu.

Esaya 49:8

U vula sweswo Yehovha: “Enkarhini wa tintswalo, ndzi ku yingisile, hi siku ra ku hlayiseka, ndzi ku pfunile; ndzi ku tumbuluxile, ndzi ku tiyisile leswaku u lulamisa ntwanano ni tiko, ni ku pfuxa tiko, ku nyika vanhu tindzhaka leti onhakeke,

Esaya 11:5

Ku lulama ku ta va vamba ra xisuti xa yena, ku tshembeka ku ta va vamba ra matsheve ya yena.

Pisalema 145:13

Ina, ku fuma ka wena i ku fuma ka mikarhi hinkwayo, Ni vuhosi bya wena byi kona ku yisa etinxakeni leti nga heriki.

Pisalema 18:32

Xikwembu lexi ndzi boheke hi vamba ra matimba, Kambe wa ndzi fambisa hi ndlela leyi lulameke.

Ntirho 40:10

“Tifunengete hi vuhosi ni vukulukumba, U tibombisa hi ku kwetsima ni vumbhurhi,

Matewu 6:13

U nga hi yisi emiringweni, kambe u hi lwela eka lowo biha.’

Esaya 63:1

I mani loyi a pfaka eEdomu, la humaka eBosira a ambele tinguvu leto tshwuka, leto vangama, la tikurisaka evukulukumbeni bya matimba ya yena? “Hi mina la vulavulaka hi ku lulama, la kotaka ku ponisa.”

Esaya 52:7

Yi sasekile swonghasi etintshaveni, milenge ya loyi a tisaka timhaka to nandziha, la vulavulaka swo rhula, ya loyi a tisaka timhaka leti tsakisaka, loyi a vulaka swa vutomi, loyi a byelaka Siyoni, a ku: “Xikwembu xa wena xa fuma!”

Esaya 51:9

Pfuka, pfuka! Ambala matimba ya wena, voko ra Yehovha! Pfuka kukota khale, kukota malembe ya madzana ya khalekhale! Xana a hi wena la nga herisa Rahava (Egipta), la tlhaveke dragona?

Pisalema 75:3

Misava yi tsekatseka ni hinkwavo lava akeke eka yona, Mina ndza tiyisa timhandze ta yona.

Esaya 51:16

Ndzi vekile marito ya mina enon'wini wa wena, ndzi ku vekile endzhutini wa voko ra mina, ku andlala matilo lamantshwa ni ku sungula misava leyintshwa, ni ku byela Siyoni: ‘U tiko ra mina!’ ”

1 TIKRONIKA 16:30

Rhurhumelani emahlweni ka yena, n'wina va misava hinkwayo! Misava yi tiyile yi nga ka yi nga tsekatseki.

1 TIKRONIKA 16:31

A ku tsake matilo, ni misava a yi tsakisise! A va vule exikarhi ka matiko, va ku: ‘Ku fuma Yehovha!’

Pisalema 65:7

U miyeta ku pfuma ka malwandle, Ni ku pfuma ka magandlati ya wona, Ni pongo ra matiko.