Pisalema 91:4 - Xitsonga (Bibele)

⁴ U ta ku funengeta hi tinsiva ta yena. U ta kuma xisirhelo ehansi ka timpapa ta yena; Vunene bya yena, i xitlhangu ni nhlungula.

BIBELE Mahungu Lamanene

⁴ Xi ta ku hlayisa xi ku funengeta ku fana ni huku leyi fukamelaka swiciwana swa yona, ku tshembeka ka xona ku ta ku sirhelela kukota xitlhangu.

Pisalema 91:4 Referans Kwoze

Pisalema 61:4

Ndzi rhandza ku tshama entsongeni wa wena hi laha ku nga heriki. Ndzi ta chavela endzhutini wa timpapa ta wena.

Pisalema 57:1

Ndzi twele vusiwana, Xikwembu, ndzi twele vusiwana! Hikuva moya wanga wu chavele eka wena; Ndzi chavele endzhutini wa timpapa ta wena; Ku fika nkarhi lowu makhombo ma nga ta va ma hundzile.

Pisalema 17:8

Ndzi hlayise kukota xanga ya tihlo, U ndzi fihla ehansi ka timpapa ta wena,

Duteronoma 32:11

Kukotisa gama loko ri pfuxa mavondlo ya rona, Loko ri hahela ehenhla ka vana va rona, Ri tlharamula timpapa, ri va teka, Ri va veleka etinsiveni ta rona.

Pisalema 35:2

Khoma xitlhangu lexitsongo ni lexikulu, U pfuka ku ta ndzi pfuna!

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Matewu 23:37

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

Rhuti 2:12

Yehovha a a ku tlherisele leswi u swi endleke! U amukela hakelo leyi hetisekeke ya Yehovha, Xikwembu xa Israele, loyi u teke ku ta chavela etimpapeni ta yena!”

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

Marka 13:31

Tiko ni misava swi ta hundza, kambe marito ya mina ma nga ka ma nga hundzi.

Pisalema 138:2

Ndzi ta ku khinsamela endlwini ya wena leyo kwetsima, Ndzi twarisa vito ra wena, hikwalaho ka tintswalo ni ku tshembeka ka wena, Hikuva u engetile ntwalo wa wena hi ku heta leti u nga swi hlaya.