Pisalema 91:2 - Xitsonga (Bibele)

² Ndzi ku eka Yehovha: “U xichavelo ni khokholo ra mina, U Xikwembu xa mina, lexi ndzi xi tshembaka!”

BIBELE Mahungu Lamanene

² ú xi dzunisa a ku: “U khokholo leri ndzi tumbelaka eka rona, u Xikwembu xa mina lexi ndzi xi tshembaka.”

Pisalema 91:2 Referans Kwoze

Pisalema 18:2

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

Swivuriso 18:10

Vito ra Yehovha i khokholo ro tiya, La lulameke u chavela eka rona, u tshama eku tlakukeni.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Pisalema 142:5

Yehovha ndzi rila ka wena, Ndzi ku: “Vuchavelo bya mina hi wena, Ku averiwa ka mina emisaveni ya lava hanyaka.”

Pisalema 46:1

Xikwembu i vuchavelo bya hina ni matimba ya hina, I ku pfuna loku kumiwaka kusuhi emapfalweni.

Pisalema 71:3

U va ribye ra mina laha ndzi akaka kona, Laha ndzi tivaka ku ya kona hi masiku. U lerisile leswaku ndzi ponisiwa; Hikuva u ribye ra mina, ni khokholo ranga.

Pisalema 14:6

Khomisani la nga ekhombyeni hi tingana eku tshembeni ka yena! Kasi Yehovha i xichavelo xa yena.

Pisalema 91:9

Hikuva, wena Yehovha, u xichavelo xa mina! U tihlawulele Muungameri la tlakukeke xi va xichavelo xa wena.

Vaheveru 11:16

Kambe sweswi, va navela tiko ra rikwavo leri tlurisaka hi ku saseka, eka rikwavo ka le tilweni; hikwalaho Xikwembu xi nga riki na tingana hikwalaho ka vona, ni ku tivula Xikwembu xa vona, hikuva xi va lunghiserile muti.

Pisalema 48:14

Hikuva Xikwembu lexi, i Xikwembu xa hina hi laha ku nga heriki; Xi ta hi fambisa ku ya fika eku feni.

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Luka 20:38

Kasi a hi Xikwembu xa lava feke, kambe i xa lava hanyaka; hikuva hinkwavo vanhu va hanya ka xona.”

Yeremiya 31:1

“Enkarhini wolowo, ku vula Yehovha, ndzi ta va Xikwembu xa tinxaka hinkwato ta Israele; tona, ti va tiko ra mina.”

Pisalema 43:4

Ndzi ta tshinela alitari ya Xikwembu, Ya Xikwembu lexi ku nga ku tsaka ka mina ni ku yimbelela ka mina; Ndzi ta ku dzunisa hi haripa, wena Xikwembu, Xikwembu xanga!

Pisalema 18:3

Ndzi huwelela, ndzi ku: “Yehovha a a vongiwe!” Kutani ndzi lweriwa eka valala va mina.

Pisalema 25:2

Xikwembu xanga! Ndzi vekile ku tshemba ka mina eka wena; Ndzi nga tshuki ndzi khomiwa hi tingana. Lava nga valala eka mina, va nga tshuki va tsaka ha mina!

Pisalema 31:15

Mikarhi ya mina yi le vokweni ra wena; Ndzi tshunxe emavokweni ya valala va mina, ni ya lava ndzi xanisaka.

Pisalema 46:2

Hikwalaho a hi chavi nchumu loko misava yi hundzuluka, Ni loko tintshava ti tsekatseka exikarhi ka malwandle,

Pisalema 61:5

Hikuva wena, Xikwembu, u yingisile ku kombela ka mina, U ndzi nyikile ndzhaka ya lava chavaka vito ra wena.

Pisalema 142:6

Yingisa ku vilela ka mina! Hikuva ndzi ni masangu lamakulu. U ndzi kutsula eka vaxanisi va mina, Hikuva va ndzi tlula hi matimba.