Pisalema 91:13 - Xitsonga (Bibele)

¹³ U ta kandziyela nghala ni mhiri, U ta phyandlasa xinghalana ni ngwenya.

BIBELE Mahungu Lamanene

¹³ U ta kandziyela nghala ni xivatlankombe, u phyandlasela vana va nghala ni tinyoka.

Pisalema 91:13 Referans Kwoze

Luka 10:19

Vonani, ndzi mi nyika matimba ya ku kandziya tinyoka ni swipame, ni le henhla ka matimba hinkwawo ya nala; kutani a ku na nchumu lowu nga ta mi endla swo biha.

Daniele 6:22

Xikwembu xa mina xi rhumile ntsumi ya xona, yi sivile milomu ya tinghala leswaku ti nga tshuki ti ndzi endla nchumu, hikuva ndzi kumiwile ndzi nga ri na nandzu emahlweni ka xona; ni le mahlweni ka wena, hosi, a ndzi dyohanga nchumu.”

Marka 16:18

va ta khoma tinyoka; kutani, hambi va nga nwa nchumu lowu dlayaka, wu nga ka wu nga va endli nchumu; va ta veka mavoko ehenhla ka lava vabyaka, kutani va ta hanya.”

1 SAMIELE 17:37

Davhida a engeta, a ku: “Yehovha la ndzi poniseke evokweni ra nghala ni le vokweni ra bere, u ta ndzi ponisa, a ri yena, emavokweni ya Mufilista loyi.” Kutani Sawulo a ku eka Davhida: “Famba, Yehovha a a ve na wena.”

2 Timotiya 4:17

Kambe Hosi yi ndzi yimerile, yi ndzi tiyisile leswaku ku dyondzisa ku tiyisiwa ha mina, vamatiko hinkwavo va ta ku twa, kutani ndzi damurhutiwile enon'wini wa nghala.

Varhoma 16:20

Xikwembu xa ku rhula, hi xona lexi nga ta hatlisa ku pfotlosa Satana ehansi ka milenge ya n'wina. Tintswalo ta Yesu Kriste, Hosi ya hina, a ti ve na n'wina!

Esaya 27:1

Hi siku rero, Yehovha u ta ba hi ripanga ra yena ro tika, lerikulu, ra matimba, eLevhiyatani, nyoka ya matsambo, Levhiyatani, nyoka ya makhinyakhinya; kutani u ta dlaya dragona leyi nga elwandle.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

Pisalema 58:4

Va ni vuxungu lebyi fanaka ni bya nyoka, Va fana ni mamba leyi nga yingisiki, leyi tisivaka tindleve,

Varhoma 3:13

“Milomu ya vona i masirha lama ahlameke va xisa hi tindzimi ta vona. Vuxungu bya ti mhiri byi le hansi ka milomu ya vona.”

Ntirho 5:23

Hikuva u ta endla xinakulobye ni maribye ya nhova, Kambe swivandzana swa nhova swi ta rhula na wena.