Pisalema 90:4 - Xitsonga (Bibele)

⁴ Hikuva khume ra madzana ya malembe emahlweni ka wena, Ma fana ni siku ra tolo, loko ri hundzile, Ni lavelelo ya vusiku.

BIBELE Mahungu Lamanene

⁴ Malembe ya khume ra madzana emahlweni ka wena ma fana ni siku ra tolo loko ri hundzile, kumbe nkarhinyana wo koma nivusiku.

Pisalema 90:4 Referans Kwoze

2 Petro 3:8

Ntsena varhandziwa, ku va ni mhaka yin'we leyi mi nga tshukeni mi yi rivala, hileswaku siku rin'we eka Hosi, ri fana ni malembe ya khume ra madzana, kutani malembe ya khume ra madzana ma kotisa siku rin'we.

Pisalema 39:5

Waswivo, u pimile masiku ya mina, ma ringana xandla ntsena, Ni ku hanya ka mina a hi nchumu emahlweni ka wena. Kunene munhu un'wana ni un'wana la yimaka i hika ntsena.

Matewu 24:43

“Kambe tivani leswi: Loko ngi n'wini wa yindlu a tiva nkarhi lowu khamba ri nga ta ta ha wona, a ta langutela, a nga pfumeri leswaku yindlu ya yena yi boxiwa.

Luka 12:38

Ni loko yi ta eku languteleni ka vumbirhi, kumbe ku languteleni ka vunharhu, kutani yi ma kuma ma ha ri tano, ku katekile malandza walawo.

Matewu 14:25

Kambe hi nkarhi wa vumune wa vusiku, Yesu a ta eka vona, a famba ehenhla ka mati.

Eksoda 14:24

Hi nkarhi wa mixo, Yehovha a languta nyimpi ya Vaegipta a ri epapeni ra ndzilo, kutani a pfulunganya nyimpi ya Vaegipta,

Vaavanyisi 7:19

Kavaloko Gidiyoni a famba ni vanhu va dzana lava ingi a ri na vona, va fika emakun'wini ya mixaxa, ka ha ku sungula ku langutela ka vusiku lebyikulu, ka ha ku vekiwa valanguteri. Kutani va yimba tinanga, va faya timbita leti nga emavokweni ya vona.