Pisalema 89:7 - Xitsonga (Bibele)

⁷ Xikwembu xa chavisa enhlengeletanweni leyikulu ya vakwetsimi, Xi chaviwa hi ku tlurisa hi lava xi rhendzeleke.

BIBELE Mahungu Lamanene

⁷ Hakunene we Xikwembu, wa chaviseka swinene ehubyeni ya vahlawuriwa va le henhla, wa xiximeka ku tlula hinkwavo lava va ku rhendzeleke.

Pisalema 89:7 Referans Kwoze

Pisalema 47:2

Hikuva Yehovha, La nge henhlahenhla, wa chaveka; Hi yena hosi leyikulu emisaveni hinkwayo.

Yeremiya 10:7

I mani la nga ku chaviki, wena hosi ya matiko? Hikuva u fanela hi ku chaviwa, hikuva exikarhi ka lava tlhariheke hinkwavo eka vamatiko, ni le xikarhi ka ku fuma hinkwako ka kona, a ku na la fanaka na wena.

Timhaka 5:11

Kutani ku chava lokukulu ku va kona ekerekeni hinkwayo, ni vanhwini hinkwavo lava tweke timhaka leti.

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Yeremiya 10:10

Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Levhitika 10:3

Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

Pisalema 29:1

N'wina vana va Xikwembu, nyikani Yehovha, Nyikani Yehovha ku kwetsima ni xichavo,

Pisalema 86:8

A ku na la ringanaka na wena exikarhi ka swikwembu, wee Yehovha, A ku na mitirho leyi fanaka ni ya wena.

Pisalema 113:5

I mani la fanaka na Yehovha, Xikwembu xa hina, La akeke exivandleni xa le henhlahenhla,

Esaya 40:18

Mi ta fanisa Xikwembu na mani? Mi ta endla xifaniso xihi xa yena?

Esaya 40:25

“Mi ta ndzi fanisa na mani leswaku ndzi fana na yena xana?” ku vula la hlawulekeke.