Pisalema 89:41 - Xitsonga (Bibele)

⁴¹ Vahundzi hinkwavo va yiva swa yena; U endliwile xisandzu eka vanakulobye.

BIBELE Mahungu Lamanene

⁴¹ Vahundzi va ndlela hinkwavo va phangha swilo swa yena, kutani ú hundzukile xihlekiso eka vaakelani va yena.

Pisalema 89:41 Referans Kwoze

Pisalema 79:4

Hi hundzukile xisandzu eka lava akisaneke na hina, Ku tlanga, ni xihlekiso xa lava nga ematlhelweni.

Daniele 9:16

Oho Hosi! Hi ku lulama ka wena hinkwako, wa nga susa ku kariha ni ku leva ka wena eka muti wa wena wa Yerusalema, yi nga ntshava ya wena leyi hlawuriweke! Hikuva hikwalaho ka swidyoho swa hina, ni ku homboloka ka vatata wa hina, Yerusalema, ni tiko ra wena ri endliwe xisandzu eka hinkwavo lava hi rhendzelaka.

Swirilo 5:1

Tsundzuka, wena Yehovha, leswi hi humeleriweke hi swona, Kutani u vona xisandzu xa hina.

Yeremiya 50:17

“Israele i nyimpfu leyi lahlekeke leyi hlongorisiweke hi tinghala; eku sunguleni, hosi ya Asiriya yi tshama yi n'wi dya; wa le ndzhaku, Nebukadnetsara, hosi ya Babilona, u n'wi tshovelele marhambu.

Yeremiya 44:12

Ndzi ta khoma lava seleke va Yuda, lava phikelelaka ku ya etikweni ra Egipta, ku ya aka kona, va lova hinkwavo, va ta wa etikweni ra Egipta; va lovisiwa hi matlhari ni ndlala; ku sungula hi lontsongo ku fikela eka lonkulu, va ta fa hi matlhari ni ndlala; va endliwa ndzhukano, ni xisandzu, ni manyala, ni xisolo.

Yeremiya 44:8

Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?

Yeremiya 42:18

Hikuva, ku vula Yehovha wa mavandla, Xikwembu xa Israele, a ku: Kukotisa loko ndzi chulurile vukari bya mina, ni ku leva ka mina, ehenhla ka vaaki va Yerusalema, ndzi ta chulula ku leva ka mina ehenhla ka n'wina loko mi yile eEgipta, mi ta endliwa xisandzu, ni ku chaviwa, ni ndzhukano ni ku sandziwa kutani mi nga ka mi nga tlheli mi vona xivandla lexi.

Yeremiya 29:18

ndzi ta va phalalela hi matlhari ni ndlala ni ntungu ndzi va nyiketa ku xanisiwa eku fumeni hinkwako ka misava, ni le ku rhukaniweni, ni le ku onhakeni, ni ku va xihlamariso ni xisandzu ematikweni hinkwawo lawa ndzi nga ta va hlongola exikarhi ka wona.

Yeremiya 24:9

Ndzi ta va nyiketa eku xanisekeni ni le makhombyeni, eku fumeni hinkwako ka misava, va ta va xisandzu, va soriwa, va va xikombiso ni ku rhukaniwa ematlhelweni hinkwawo, laha ndzi nga ta va hangalasela kona.

Esaya 10:6

Ndza n'wi rhuma ku ya lwa ni tiko lero homboloka, ndzi n'wi lerisa ku ya lwa ni tiko leri ndzi ri kariheleke, a ta tshumba swilo swa rona, a phanga xuma, a ri kandziyela tanihi ndzhope wa mitsendzele.

Pisalema 80:13

Yi tshoveleriwa hi tinguluve ta xihlahla, Kutani swiharhi swa nhova swi tele ku ta dya kona?

Pisalema 74:10

Oho Xikwembu! Muxanisi u ta sandza ku yisa kwihi? Xana nala u ta sola vito ra wena hi masiku ni masiku?

Nehemiya 5:9

Kutani ndzi ku: “Leswi mi swi endlaka a swi lulamanga; a mi fanele ku famba eku chaveni ka Xikwembu xa hina, hi nga tshuki hi sandziwa hi matiko lawa va nga valala va hina.

Duteronoma 28:37

U ta va xihlamariso ni ntsheketo, ni xihlekiso exikarhi ka matiko hinkwawo lawa Yehovha a nga ta ku fambisa eka wona.

Esaya 5:5

Sweswi, ndzi nga mi tivisa lexi ndzi nga ta xi endla eka vhinya ya mina: ndzi ta simula rihlampfu ra yona, ndzi yi endla madyelo, ndzi mbundzumuxa rirhangu ra yona kutani yi ta kandziyeriwa.

Swirilo 2:5

Hosi yi hundzukile yi kotisa nala, yi mitile Israele; Yi mbundzuxe tindlu hinkwato ta yena ta vuhosi, Yi herise makhokholo ya yena, Kutani yi andzisele nhwanyana wa Yuda tingana ni mahlomulo.