Pisalema 89:18 - Xitsonga (Bibele)

¹⁸ Hikuva xitlhangu xa hina i Yehovha, Mukwetsimi wa Israele i Hosi ya hina.

BIBELE Mahungu Lamanene

¹⁸ Mufumi wa hina, a nga loyi a hi sirhelelaka, ú le mavokweni ya wena we HOSI Muhlawuleki wa Israele.

Pisalema 89:18 Referans Kwoze

Pisalema 47:9

Tihosana ta matiko ti hlengeletana Ni tiko ra Xikwembu xa Abrahama, Hikuva switlhangu swa misava i swa Xikwembu: Xi tlakukile ngopfungopfu.

Pisalema 71:22

Hikwalaho ndzi ta ku vonga hi gubu, Ndzi ta twarisa ku tshembeka ka wena, Xikwembu xanga, Ndzi va ndzi ku yimbelela hi haripa wena, Mukwetsimi wa Israele.

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Esaya 43:3

Hikuva hi mina Yehovha, Xikwembu xa wena, Muhlawuleki wa Israele, muponisi wa wena; ndzi ku nyika Egipta ku va ku kutsuriwa ka wena, Etiyopiya na Seba ematshan'weni ya wena.

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Esaya 1:4

Yo! Khombo ra tiko ra vadyohi ra rixaka leri teleke ku homboloka ra vanhu lavo biha, ra vana lavo hunguka. Va fularhele Yehovha, va sandzile Mukwetsimi wa Israele va tlhelele endzhaku.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Esaya 43:14

Yehovha Mukutsuri wa n'wina, Muhlawuleki wa Israele u vula sweswo, a ku: “Hikwalaho ka n'wina ndzi rhumile nala ku hlasela Babilona, ndzi va balekisa hinkwavo, hambi va ri Vakalediya emabyatsweni lawa va nga tidzunisa ha wona.

Esaya 29:19

Lava nga enhlomulweni va ta tsakela Yehovha; lava pfumalaka va ta titsakisa hi Mukwetsimi wa Israele.

Pisalema 44:4

Oho Xikwembu! U hosi ya mina: Lerisa ku ponisa ka Yakobo!

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Esaya 30:11

Hambukani ndlela hi le tlhelweni, tshikani ku veka Mukwetsimi wa Israele emahlweni ka hina!”

Pisalema 62:6

Kunene hi xona ribye ranga ni ku hlayiseka ka mina; Vuchavelo byanga lebyi tlakukeke, ndzi nga ka ndzi nga tsekatsekisiwi.

1 SAMIELE 2:1

Kavaloko Hana a khongela, a ku: “Mbilu yanga yi titsakela eka Yehovha. Matimba ya mina ma tlakusiwa hi Yehovha, Nomu wa mina wu tipfulele valala va mina; Hikuva ndza titsakela eku hlayisekeni ka wena.

Pisalema 148:14

U tiyisa rimhondzo ra tiko ra yena; U ta dzunisiwa hi hinkwavo lava n'wi rhandzaka, Va nga vana va Israele, tiko leri nga ekusuhi na yena. Dzunisani Yehovha!