Pisalema 88:5 - Xitsonga (Bibele)

⁵ Ndzi loyi a etleleke exikarhi ka vafi, Tanihi lava dlayiweke, lava etlelaka esirheni, Lava u nga va anakanyiki, Va hambanyisiweke na wena.

BIBELE Mahungu Lamanene

⁵ Ndzi cukumetiwile exikarhi ka vafi, ndzi fana ni lava dlayiweke va hoxiwa esirheni, lava ni ku va anakanya u nga ha va anakanyiki, hikuva va susiwile emavokweni ya wena.

Pisalema 88:5 Referans Kwoze

Esaya 53:8

U susiwile hi ku xaniseka ni ku biwa, kutani exikarhi ka vanhu va rixaka ra yena, i mani la tsundzukeke leswaku a susiwa emisaveni ya lava hanyaka, ni leswaku a biwa hikwalaho ka swidyoho swa tiko ra mina?

Pisalema 31:22

A ndzi hatlisa, ndzi ku: “Ndzi susiwile emahlweni ka wena”; Kambe u yingisile rito ra ku khongela ka mina, Loko ndzi huwelele eka wena.

Pisalema 136:23

Kambe hi yena la hi tsundzukeke eku tsongahatiweni ka hina, Hikuva tintswalo ta yena hi leti nga heriki!

Pisalema 88:16

Vukari bya wena byi ndzi wele ehenhla, Ku chavisa ka wena ku ndzi tsema nhlana;

Pisalema 31:12

Ndzi rivariwile etimbilwini kukota mufi, Ndzi fana ni swirhengele.

Ntirho 11:10

Loko xi hundza, ni loko xi khoma, Loko xi vitana vanhu eku avanyisiweni xi ta siveriwa hi mani xana?

Ntirho 6:9

Loko Xikwembu xi nga pfumela ku ndzi pfurhakanya, Xi tshambuluta voko ra xona leswaku xi ndzi heta;

Genesa 19:29

Kambe kakuloko Xikwembu xi herisa miti ya rivala, xi tsundzuka Abrahama, xi ponisa Lota ekhombyeni lero siku xi lovisaka miti leyi Lota a nga aka eka yona.

Genesa 8:1

Kutani Xikwembu xi tsundzuka Nowa ni swiharhi hinkwaswo, ni swifuwo hinkwaswo leswi ngi swi ri na yena engalaveni; kutani Xikwembu xi hungisa moya emisaveni, kutani mati ma hunguteka.

Ntirho 17:1

“Ku hefemula ka mina ka lahleka, Masiku ya mina ma timeka, Sirha ri ndzi langutele.

Pisalema 28:1

Yehovha, ndzi huwelela eka wena! Ribye ra nga! U nga ndzi siveli tindleve ta wena: Swi nga ku, kumbexana loko u ndzi miyelela, Ndzi nga va tani hi lava ngirimelaka esirheni.

Ezekiele 37:11

Kutani a ku eka mina: “N'wana wa munhu, marhambu walawo, i yindlu hinkwayo ya Israele. Vona va ri: ‘Marhambu ya hina ma omile; ku tshemba ka hina ku herile; hi lovile.’