Pisalema 88:1 - Xitsonga (Bibele)

¹ Oho Yehovha, Xikwembu xa ku hlayiseka ka mina! Ndzi huwelela eka wena nhlekanhi ni vusiku.

BIBELE Mahungu Lamanene

¹ We HOSI, Xikwembu xanga ni muponisi wanga, vusiku ni nhlekanhi ndzi huwelela ka wena ndzi kombela ku pfuniwa.

Pisalema 88:1 Referans Kwoze

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Pisalema 22:2

Xikwembu xanga, ndzi vitana ninhlekanhi, kambe a ku hlamari; Nivusiku, kambe a ndzi voni ku wisa.

Luka 18:7

Loko xi ri Xikwembu, xana xi nga ka xi nga avanyiseri vahlawuriwa va xona, lava vitanaka eka xona nhlekanhi ni vusiku, hambi xi hlwela ku va rihisela xana?

Pisalema 86:3

U ndzi twela vusiwana, oho Yehovha! Hikuva ndzi huwelela eka wena siku hinkwaro.

Pisalema 53:1

Xihunguki xi ku embilwini ya xona: “A ku na Xikwembu!” Va borile va hundzuluxe ku biha ka vona manyala; A ku na un'we la endlaka leswinene.

Pisalema 51:14

Oho Xikwembu, Xikwembu xa ku hlayiseka ka mina! Ndzi kutsule ka ngati leyi halatiweke, Kutani ririmi ra mina ri ta twarisa ku lulama ka wena.

Pisalema 27:9

U nga ndzi fihleri mombo wa wena, U nga cukumeti nandza wa wena hi ku kariha; Hi wena la ndzi pfunaka; u nga ndzi lahli, u nga ndzi tshiki, Xikwembu xa ku hlayiseka ka mina.

1 TIHOSI 4:31

A a tlharihile ku tlurisa mani na mani; a tlula Etani, wa ka Ezra, na Hemani, na Kalikolo, na Darda, vana va Maholi. Vito ra yena a ri tiviwa ematikweni hinkwawo ya le matlhelweni.

Genesa 49:18

“Yehovha, ndzi langutele ku kutsuriwa hi wena!

Tito 2:13

hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

Luka 2:37

a yi ri noni ya malembe ya ntlhanu wa makume na makume manharhu na mune. A a nga suki etempeleni, kambe a tirhela Xikwembu hi ku titsona swakudya, ni ku khongela vusiku ni nhlekanhi.

Luka 2:30

hikuva mahlo ya mina ma vonile ku hlayiseka ka wena,

Luka 1:47

ni moya wa mina wu titsakela eka Xikwembu Mulondzovoti wa mina,

Esaya 62:6

Erirhangwini ra wena, Yerusalema, ndzi vekile valanguteri; va nga ka va nga miyeri ni siku ni rin'we, nhlekanhi ni vusiku O! N'wina lava mi tsundzuxaka Yehovha, mi nga tshuki mi wisa!

Pisalema 140:7

Yehovha, Hosi, u matimba ya ku hlayiseka ka mina! U lwela nhloko ya mina hi siku ra nyimpi.

Pisalema 79:9

Oho Xikwembu xa ku hlayiseka ka hina, u hi pfuna, Hikwalaho ka ku kwetsima ka vito ra wena, U hi hlayisa, u hi rivalela vudyoho bya hina, Hikwalaho ka vito ra wena!

Pisalema 68:19

A ku khensiwe Hosi leyi rhwalaka mirhwalo ya hina hi masiku, Xona Xikwembu lexi hi hlayisaka.

Pisalema 65:5

U hi hlamula hi mitirho leyi chavisaka ya ku lulama ka wena, Xikwembu xa ku hlayiseka ka hina, Wena la nga ku tshemba ka matlhelo hinkwawo ya misava ni ya lwandle!

Pisalema 62:7

Ku hlayiseka ka mina ni ku kwetsima ka mina ku tshamisa eka Xikwembu; Ribye ra matimba ya mina, ni vuchavelo bya mina swi le ka Xikwembu.

Pisalema 27:1

Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

Pisalema 24:5

U ta vona ku kateka ka Yehovha, Ni ku lulama ka Xikwembu xa ku hlayiseka ka yena.

Nehemiya 1:6

Oho! Ndleve ya wena a yi rhiyete, ni mahlo ya wena a ma hanyanye, u ta yingisa mikhongelo ya nandza wa wena, leyi ndzi nga karhi ndzi tlhandlukiselaka eka wena enkarhini wa sweswi, nhlekanhi ni vusiku, ndzi khongelela malandza ya wena, vana va Israele, ndzi karhi ndzi vula swidyoho swa vana va Israele, leswi hi ku dyoheleke ha swona, hikuva mina ni yindlu ya tatana hi dyohile.

1 Vatesalonika 3:10

Ha xi khongela nhlekanhi ni vusiku hi ku tlurisisa leswaku hi ta tiva ku mi vona, hi ta engetela leswi pfumariwaka eku pfumeleni ka n'wina.

1 TIKRONIKA 2:6

Vana va xinuna va Zera: Zimri, Etani, Hemani, Kalikolo na Dara. Hinkwavo a va ri ntlhanu.

Tito 2:10

va nga yivi nchumu, kambe va endla hinkwaswo hi ku dzuneka lokunene va ta dzunisa etimhakeni hinkwato, dyondzo ya Xikwembu, Mukutsuri wa hina.

2 Timotiya 1:3

Ndzi khensa Xikwembu lexi ndzi xi tirhelaka hi ripfalo lero basa kukotisa vatatana va khale, hikuva a ndzi rhuteri ku ku anakanya emikhongelweni ya mina, vusiku ni nhlekanhi, ndzi ri karhi ndzi anakanya mihloti ya wena,

1 TIHOSI 5:11

Kutani Solomoni a nyika Hiramu tikore ta koro ta 20 000, swi va swakudya swa yindlu ya yena, ni tikore ta 20 ta mafurha ya ku saseka: Solomoni a tshama a nyika swona Hiramu hi lembe rin'wana ni rin'wana.

1 TIKRONIKA 6:18

Vana va xinuna va Kohata; Amirama, Yisihara, Hebroni na Uziele.

Pisalema 42:1

Hi laha ntswele ya mhunti yi rilelaka mati ya milambu, Moya wa mina wu ku naverisa sweswo, wena Xikwembu!