Pisalema 86:8 - Xitsonga (Bibele)

⁸ A ku na la ringanaka na wena exikarhi ka swikwembu, wee Yehovha, A ku na mitirho leyi fanaka ni ya wena.

BIBELE Mahungu Lamanene

⁸ Exikarhi ka swikwembu, ku hava lexi fanaka na wena we N'wini wanga, hambi mintirho ya wena a yi pimanisiwi na yin'wana.

Pisalema 86:8 Referans Kwoze

Eksoda 15:11

“I mani la fanaka na wena, Yehovha, exikarhi ka swikwembu! I mani la kwetsimaka, la tengeke kukotisa wena, La fanelaka ku dzunisiwa hi tinsimu, U endle masingita!

Duteronoma 3:24

‘Hosi Yehovha u sungurile ku kombisa nandza wa wela vukulu bya wena, ni matimba ya voko ra wena, hikuva Xikwembu i xihi ematilweni ni le misaveni lexi tivaka ku tirha mitirho ni maendlelo kukotisa ya wena?

Pisalema 89:6

Hikuva i mani, le tilweni, la nga tiringanisaka na Yehovha? Exikarhi ka vana va Xikwembu, i mani la fanaka na Yehovha?

Daniele 3:29

Kutani nawu wu vekiwa hi mina eka vanhu hinkwavo, ni ka matiko hinkwawo, ni ka va tindzimi hinkwato, leswaku munhu la solaka Xikwembu xa Xadraka, na Mexaka, na Abedi-Nego u ta pulukanyisiwa, kutani yindlu ya yena yi ta endliwa tala, hikuva a ku na Xikwembu ximbe lexi nga ponisaka hi mukhuva wolowo.”

Pisalema 89:8

Oho Yehovha, Xikwembu xa tinyimpi, i mani la fanaka, na wena hi matimba? Ku tshembeka ka wena ku ku rhendzela hi matlhelo hinkwawo.

Yeremiya 10:16

Ku averiwa ka Yakobo a ku kotisi leswo tano, hikuva hi yena la vumbeke swilo hinkwaswo, kutani Israele i tiko leri nga ndzhaka ya yena; Yehovha wa tinyimpi i vito ra yena.

Esaya 40:25

“Mi ta ndzi fanisa na mani leswaku ndzi fana na yena xana?” ku vula la hlawulekeke.

Duteronoma 4:34

Kambe xana xikwembu xin'wana xi kona, lexi ringeteke ku titekela tiko exikarhi ka tiko rin'wana hi miringo, ni swikombiso, ni mahlori ni ku lwa hi voko leri tlakukeke ra matimba, ni mitirho leyikulu leyi chavisaka, hilaha Yehovha, Xikwembu xa n'wina, xi mi endleleke hinkwaswo hakona eEgipta emahlweni ka wena?

Esaya 40:18

Mi ta fanisa Xikwembu na mani? Mi ta endla xifaniso xihi xa yena?

Pisalema 136:4

Hi yena la endleke swihlamariso leswikulu, a ri swakwe, Hikuva tintswalo ta yena hi leti nga heriki!

Eksoda 8:6

Kutani Aroni a tlakusa voko ra yena ematini ya Egipta, mitlambya yi huma, yi tata tiko ra Egipta.

2 TIKRONIKA 2:4

Waswivo, ndzi lava ku akela vito ra Yehovha Xikwembu xanga, yindlu ku n'wi hlawulela yona, ku hisa emahlweni ka yena mirhi ya risuna, ni ku veka hi masiku emahlweni ka yena swinkwa swa xikombiso, ni ku n'wi humesela tiholokosta ta mixo ni ta madyambu, ni ta Tisavata, ni ta tin'weti letintshwa, ni ta mikhuvo ya Yehovha, Xikwembu xa hina: hi yona mfanelo eka Israele hilaha ku nga heriki.

Pisalema 89:7

Xikwembu xa chavisa enhlengeletanweni leyikulu ya vakwetsimi, Xi chaviwa hi ku tlurisa hi lava xi rhendzeleke.

Pisalema 95:3

Hikuva Yehovha i Xikwembu lexikulu, I hosi leyikulu leyi tlulaka swikwembu hinkwaswo.

Pisalema 135:5

Ndzi tiva leswaku Yehovha i nkulukumba, Hosi ya hina yi kulukumba ngopfu ku tlula swikwembu hinkwaswo.