Pisalema 86:7 - Xitsonga (Bibele)

⁷ Ndza ku khongela hi siku ra mina, Hikuva wa ndzi yingisa.

BIBELE Mahungu Lamanene

⁷ Siku leri ndzi welaka ekhombyeni, ndzi huwelela eka wena, hikuva u hlamula swikhongelo swa mina.

Pisalema 86:7 Referans Kwoze

Yonasi 2:2

kutani Yonasi a tshama ekhwirini ra nhlampfi masiku manharhu ni vusiku byinharhu. Kutani Yonasi a khongela Yehovha, Xikwembu xa yena, a ri ekhwirini ra nhlampfi,

Pisalema 50:15

Kutani u vitana eka mina hi siku ra mahlomulo, Ndzi ta ku lwela, kutani wena u ta ndzi dzunisa.”

Pisalema 17:6

Oho Xikwembu! Ndzi vitana ka wena, hikuva wa ndzi hlamula! Ndzi yingise hi tindleve ta wena, u yingisa rito ra mina!

Vaheveru 5:7

Hi yena loyi, emasikwini ya nyama ya yena, a tiseleke loyi ngi a ri ni matimba ya ku n'wi ponisa eku feni, mikhongelo ya ku chivirika, a ri karhi a huwelela ni ku rila; a tlhela a yingisiwa, a susiwa tingana;

Esaya 26:16

Yehovha, va langutile eka wena emaxangwini ya vona. Loko u va ba, a va rilela eka wena.

Pisalema 142:1

Ndzi rila eka Yehovha hi rito ra mina; Hi rito ra mina ndzi khongela Yehovha.

Pisalema 91:15

U ta vitana eka mina, kutani ndzi ta n'wi hlamula; Ndzi ta va na yena ekhombyeni, Ndzi n'wi kutsula ni ku n'wi dzunisa;

Pisalema 142:3

Loko moya wa mina wu ri ni gome endzeni ka mina, Wena wa yi tiva ndlela ya mina. Va ndzi rhiyile hi ntlhamu endleleni leyi ndzi fambaka ka yona.

Pisalema 18:6

Emapfalweni ya mina, ndzi vitanile eka Yehovha; Ndzi huwelele eka Xikwembu xanga; U yingisile rito ra mina, a ri endlwini ya yena; Kambe ku huwelela ka mina ku fikile emahlweni ka yena etindleveni ta yena.

Luka 22:44

Kakuloko a ri emaxangwini lamakulu, a tiyisa matimba ku khongela; kavaloko nyuku wa yena wu xiririka, wu fana ni mathonsi ya ngati lama tshonelaka emisaveni.