Pisalema 83:2 - Xitsonga (Bibele)

² Hikuva valala va wena va dzumadzuma, Lava ku vengaka va tlakusa tinhloko.

BIBELE Mahungu Lamanene

² Twana, valala va wena va ba huwa, lava va ku vengaka va tikukumuxa ngopfu.

Pisalema 83:2 Referans Kwoze

Pisalema 81:15

Lava vengaka Yehovha, a va ta titsongahata emahlweni ka yena, Nkarhi wa ku kateka ka vona a wu ta va lowu nga heriki,

Matewu 27:24

Pilato, loko a vona leswaku a nga ha pfuni nchumu, hikuva dzolonga a ri engeteleka, a teka mati, a hlamba mandla emahlweni ka ntshungu, a ku: “A ndzi na nandzu engatini ya munhu loyi la lulameke, tilanguteleni mi ri n'wina.”

Yeremiya 1:19

Va ta lwa na wena, kambe va nga ka va nga ku hluri, hikuva ndzi na wena ku ku lwela,” ku vula Yehovha.

Esaya 17:12

Yo! Mpfumawulo wa matiko layo tala! Wa pfuma tanihi lwandle! Yo! Pongo ra matiko! Ma pfuma tanihi mati lamakulu.

Vaavanyisi 8:28

Vamidiyani va tsongahatiwa sweswo emahlweni ka vana Vaisraele, a va ha tshamangi va tlakusa tinhloko ta vona, kutani tiko ri etlela hi malembe ya mune wa makume emikarhini ya Gidiyoni.

Timhaka 23:10

Kakuloko dzolonga ri engeteleka, ndhuna yi chava leswaku va nga handzula Pawulo, kutani yi lerisa ntlawa leswaku wu ngirimela wu n'wi vutla exikarhi ka vona, wu n'wi tlherisela ekhokholweni.

Timhaka 22:22

Va n'wi yingisela ku fikela eritweni lero, kutani va tlakusa marito ya vona, va ku: “N'wi suse emisaveni, munhu lowo tano, hikuva a nga fanekeri ku hanya.”

Timhaka 21:30

Kutani muti hinkwawo wu endla dzolonga, ni vanhu va tsutsumela swin'we exivandleni xin'we, kuteloko va khomile Pawulo, va n'wi kokela ehandle ka tempele; kutani hi nomu lowu, tinyangwa ti pfariwa.

Timhaka 17:5

Kambe Vayuda va tala mavondzo, va teka vavanuna van'wana vo biha entsendzeleni, va endla ntshungu, va pfilunganya muti; kutani va rhendzela yindlu ya Yasoni, va lava Pawulo na Silasi ku va yisa emahlweni ka tiko.

Timhaka 16:22

Kutani ntshungu wu va pfukela matimba; tindhuna ti va handzulela tinguvu, ti lerisa leswaku va biwa hi mikhavi.

Esaya 37:29

Hikuva u ndzi karihele ni leswi ku tikurisa ka wena ku tlhandlukeke etindleveni ta mina, ndzi ta nghenisa sindza ra mina etinhompfini ta wena, ni tomu ra mina enon'wini wa wena, ndzi ku tlherisa endleleni leyi u teke ha yona.’ ”

Esaya 37:23

U rhukanile mani, u sandzile mani xana? U tlakusile rito ra wena ehenhla ka mani? U tlakusile mahlo, ya wena ehenhla ku lwa ni Mukwetsimi wa Israele.

Pisalema 93:3

Oho Yehovha! Milambu yi tlakukile, Milambu yi tlakuse rito ra yona; Milambu yi pfumisa mati ya yona. Yehovha u ni matimba le tilweni ra le henhlahenhla,

Pisalema 74:23

U nga rivali ku huwelela ka valala va wena, Ni pongo leri engetelekaka hi masiku ra lava ku pfukelaka!

Pisalema 74:4

Valala va wena va dzumadzumile etempeleni ya wena; Va vekile swikombiso swa vona swi va swikombiso swa kona.

2 TIHOSI 19:28

Hikuva u ndzi karihela, leswi ku tikurisa ka wena ku tlhandlukeke etindleveni ta mina, ndzi ta nghenisa sindza ra mina etinhompfini ta wena, ni tomu ra mina enon'wini wa wena, ndzi ku tlherisa endleleni leyi u teke ha yona.’

Pisalema 109:1

Oho Xikwembu lexi ndzi xi dzunisaka, u nga tshuki u miyela,