Pisalema 83:14 - Xitsonga (Bibele)

¹⁴ Ni ndzilo lowu pfurhaka exihlahleni, Ni malangavi ya ndzilo lowu hisaka etintshaveni!

BIBELE Mahungu Lamanene

¹⁴ Va herise ku fana ni xihlahla lexi tshwaka, ni tintshava leti onhiwaka hi ritshwa.

Pisalema 83:14 Referans Kwoze

Duteronoma 32:22

Hikuva ndzilo wa vukari bya mina wu tshiveriwile, Wu ta pfurha ku fikela endhawini ya lava feke, Wu ta hisa misava ni mihandzu ya yona, Wu hisa ni masungulo ya tintshava.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Esaya 9:18

Hikuva vudyoho byi pfurha tanihi ndzilo lowu hisaka mitwa ni swigatlu byi pfurha laha ku tlhumeke ni le swihlahleni, laha ku mbulukaka musi.

Nahume 1:10

Hikuva hambi va phasetelanile kukotisa emitweni, va pyopyile hi swakunwa swa vona, va ta hisiwa hinkwavo ku fana ni mungu lowu omeke.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Esaya 30:33

Hikuva khale, tlhelo leri fanaka ni ra Tofete ri lunghisiwile, ku lunghiseriwele hosi xi ri xikhele lexi ahlameke, ni nhulu ya tihunyi leti nga ta n'wi hisa hi ndzilo, ni tihunyi to tala; ku hefemula ka Yehovha ku hisa ku kota nambu wa xivavula.

Ntirho 21:18

Va kota byanyi lebyi hungiwaka hi mheho, Kumbe mungu lowu vutliwaka hi xihuhuri.

Esaya 17:13

Matiko ma pfuma kukotisa mati lamakulu! Xikwembu xi ma tshinya kutani ma balekela ekule; ma hangalasiwa hi moya tanihi mungu etintshaveni, tanihi ntsutsungwana emahlweni ka xidzedze.