Pisalema 81:7 - Xitsonga (Bibele)

⁷ U ndzi khongele u ri emapfalweni, kutani ndzi ku ponisa, Ndzi ku hlamule ndzi titumbetile eku pfumeni, Kutani ndzi ku ringa ematini ya Meriba.

BIBELE Mahungu Lamanene

⁷ Mi huwelerile eka mina mi ri emaxangwini, kutani ndzi mi lamulerile; ndzi mi hlamurile ndzi ri emapapeni lama dzindzaka, ndzi mi kamberile eswihlobyeni swa Meriba.

Pisalema 81:7 Referans Kwoze

Eksoda 19:19

Mpfumawulo wa nanga a wu twakala ku tlurisa; Muxe a a ri karhi a vulavula, kutani Xikwembu a xi n'wi hlamula hi rito.

Pisalema 50:15

Kutani u vitana eka mina hi siku ra mahlomulo, Ndzi ta ku lwela, kutani wena u ta ndzi dzunisa.”

Tinhlayo 20:13

Hi wona mati ya Meriba (ku kaneta), laha vana va Israele va nga kanetela Yehovha kona; kutani a tikwetsimisa eka vona.

Eksoda 2:23

Kuteloko malembe layo tala ma hundzile, hosi ya Egipta yi fa. Loko va ri vana va Israele, a va ri karhi va rila hikwalaho ka vukhumbi bya vona; va huwelela, kutani ku huwelela ka vona hikwalaho ka vukhumbi bya vona ku fika eka Xikwembu.

Eksoda 14:10

Loko Faro a ri karhi a tshinelela, vana va Israele va tlakusa mahlo, va vona Vaegipta va va landzelela. Kutani vana va Israele va chava ngopfu, va huwelela eka Yehovha.

Eksoda 14:24

Hi nkarhi wa mixo, Yehovha a languta nyimpi ya Vaegipta a ri epapeni ra ndzilo, kutani a pfulunganya nyimpi ya Vaegipta,

Duteronoma 33:8

Eka Levhi, a ku: “Mathumimi ni Maurimi ya wena a ma vekiwe ka muhlawuriwa wa wena, Loyi u n'wi ringeke Masa, Loyi u n'wi tengiseke ematini ya Meriba,

Tinhlayo 20:24

“Aroni u ta fa, a ya eka varikwavo; hikuva a nga ka a nga ngheni etikweni leri ndzi ri nyikeke vana va Israele, hikuva mi landzurile marito ya mina ematini ya Meriba.

Eksoda 6:6

Hikwalaho u nge eka vana va Israele: Hi mina Yehovha; ndzi ta mi rhula ku tika ka Vaegipta; ndzi mi lwela; ndzi ta mi tshunxa evukhumbini bya vona, ndzi mi kutsula hi voko ra matimba, ni ku avanyisa lokukulu.

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Duteronoma 5:6

“ ‘Hi mina Yehovha, Xikwembu xa wena, la ku humeseke etikweni ra Egipta ni le ndlwini ya vukhumbi.

Yeremiya 16:14

“Hikwalaho, maswivo, ku ta masiku lawa, ku vula Yehovha, va nga ha tiki tshama, va ku: ‘Yehovha wa hanya, la humeseke vana va Israele etikweni ra Egipta,’