Pisalema 81:3 - Xitsonga (Bibele)

³ Hi n'weti lowuntshwa, yimbani nanga, Ni loko n'hweti wu be mahlampfu, hi siku ra nkhuvo wa hina!

BIBELE Mahungu Lamanene

³ Banani mhalamhala loko n'weti wu tshama, ni loko wu ba mahlampfu esikwini ra nkhuvo wa hina.

Pisalema 81:3 Referans Kwoze

2 TIKRONIKA 2:4

Waswivo, ndzi lava ku akela vito ra Yehovha Xikwembu xanga, yindlu ku n'wi hlawulela yona, ku hisa emahlweni ka yena mirhi ya risuna, ni ku veka hi masiku emahlweni ka yena swinkwa swa xikombiso, ni ku n'wi humesela tiholokosta ta mixo ni ta madyambu, ni ta Tisavata, ni ta tin'weti letintshwa, ni ta mikhuvo ya Yehovha, Xikwembu xa hina: hi yona mfanelo eka Israele hilaha ku nga heriki.

Tinhlayo 15:3

loko mi humesela Yehovha gandzelo leri hisiwaka, hambi yi ri holokosta, hambi ri ri gandzelo ro tiyisa rito ra ku hlambanya, hambi yi ri nyiko ya ku tirhandzela ka n'wina, hambi ku ri emikhubyeni ya n'wina; loko mi rhandza ku humesela Yehovha risema leri nun'hwelaka, exikarhi ka swifuwo leswikulu kumbe leswitsongo:

2 TIKRONIKA 13:14

Va ka Yuda va hundzuluka, kutani waswivo a va ri ni nyimpi emahlweni ni le ndzhaku. Kambe va huwelela eka Yehovha, ni vaprista va yimba tinanga;

2 TIKRONIKA 13:12

Kutani maswivo, Xikwembu xi na hina emahlweni ka hina, swin'we ni vaprista va xona, ni tinanga leti pfumaka ku ta pfumisela n'wina. Vana va Israele! Mi nga humi nyimpi ku lwa na Yehovha, Xikwembu xa vatata wa n'wina, hikuva mi nga ka mi nga hluli.”

2 TIKRONIKA 5:12

ni vayimbeleri hinkwavo va Valevhi, Asafa, Hemani, Yedutuni, ni vana va vona ni vamakwavo, va yimile evuxeni bya alitari, va ambele tinguvu ta ntsembyana va ri ni swiphambati ni magubu ni tiharipa; ekusuhi na vona, vaprista va 120 a va yimba tinanga;

1 TIKRONIKA 16:42

Hemani na Yedutuni a va ri na vona, va ri ni tinanga, ni swiphambati swa vayimbeleri, ni timbila ta ku yimbelela tinsimu ta Xikwembu, vana va Yedutuni a va ri etinyangweni.

1 TIKRONIKA 16:6

Vaprista Benaya na Yahaziele a va fanele ku yima hi masiku emahlweni ka areka ya ntwanano wa Xikwembu, va tamele tinanga.

1 TIKRONIKA 15:24

Xebaniya na Yoxafati na Netanele na Amasayi na Zakariya, na Benaya na Eliezere, a va ri vaprista lava yimbaka tinanga emahlweni ka areka ya Xikwembu; Obede-Edomu, na Yehiya a va ri valanguteri va areka.

2 TIHOSI 4:23

Yena a ku: “U yela yini eka yena namuntlha-ke? N'weti a wu si vonaka, naswona a hi Savata.”

Duteronoma 16:15

Hi masiku ya ntlhanu na mambirhi, u ta endlela Yehovha, Xikwembu xa wena, nkhuvo exivandleni lexi Yehovha a nga ta xi hlawula, hikuva Yehovha, Xikwembu xa wena, u ta ku katekisa eku tshoveleni hinkwako ka wena, ni le mitirhweni hinkwayo ya mavoko ya wena, hi kona u nga ta tsaka swinene.

Tinhlayo 28:11

“Eku sunguleni ka tin'hweti ta n'wina, mi ta humesela Yehovha holokosta ya tinkunzi timbirhi, ni khuna, ni swinyimpfana swa 7 swa lembe rin'we, leswi nga riki na xivati;

Vakolosa 2:16

Hikwalaho, munhu a nga tshuki a mi sola emhakeni ya ku dya ni ya ku nwa, hambi ku ri emhakeni ya mikhuvo, ni ya tin'weti letintshwa ni ya Tisavata;

Nahume 1:15

Vonani ehenhla ka tintshava milenge ya la vulavulaka timhaka ta tintswalo, a twarisaka ta ku rhula! Wena, Yuda, endla mikhuvo ya wena, u riha ku hlambanya ka wena, hikuva lowa vumbabva a a nga ha hundzi eka wena; u lovisiwile makumu.

Swirilo 2:6

U hahlurile rirhangu ra yena kukotisa loko ngi wu ri ntanga; U herisile xivandla xa tinhlengeletano ta yena; Yehovha u va rivarisile Siyoni, mikhuvo ni Tisavata, Kutani a sandza hi vukari byo leva bya yena tihosi ni vaprista.

Pisalema 98:6

Hi tinanga ni timhalamhala, Mi huwelela hi ku tsaka emahlweni ka Hosi Yehovha.

2 TIKRONIKA 8:13

a humesa magandzelo ya siku rin'wana ni rin'wana, hilaha Muxe a leriseke hakona, ma ri ya Tisavata, ni ya tin'weti letintshwa, ni ya mikhuvo, kanharhu hi lembe, enkhubyeni wa swinkwa leswo kala comela, ni le nkhubyeni wa mavhiki, ni le nkhubyeni wa mitsonga.

1 TIKRONIKA 15:16

Davhida a lerisa tihosana ta Valevhi ku nghenisa vamakwavo, vayimbeleri, entirhweni, va va ni timbila, ni tiharipa, leti va fanelaka ku yimba tona hi matimba, ku kombisa ku tsaka.

1 TIKRONIKA 15:19

Vayimbeleri, a va ri Hemani, na Asafa na Etani, va ri ni swiphambati swa koporo ku swi pfumisa,

1 TIKRONIKA 25:1

Davhida ni tindhuna ta nyimpi va hlawulela ntirho vana va Asafa ni va Hemani, ni va Yedutuni lava yimbelelaka, va tipfuna hi tiharipa, ni magubu, ni swiphambati. Hi wona ntsengo wa lava vekeriweke ntirho lowu:

Pisalema 33:2

Twarisani Yehovha hi haripa, N'wi yimbeleleni hi timbila ta khume ra tingoti.

Pisalema 149:3

A va dzunise vito ra yena hi ku cina, A va n'wi dzunise hi mpfumawulo wa tingoma ni wa tiharipa!