Pisalema 80:14 - Xitsonga (Bibele)

¹⁴ Oho vuya, Xikwembu xa tinyimpi! Languta, u ri etilweni, kutani u vona! U xiya vhinya leyi, u yi hlayisa!

BIBELE Mahungu Lamanene

¹⁴ We Xikwembu xa matimba hinkwawo, ha kombela, vuya! Languta u ri etilweni, u vona leswi humelelaka; sirhelela murhi lowu wa vhinya,

Pisalema 80:14 Referans Kwoze

Esaya 63:15

Languta u ri ematilweni, u vona u le ndlwini ya wena leyo kwetsima, leyo twala: Ku chivirika ka wena ku kwihi ni matimba ya wena? Ku tshuka ka marhumbu ya wena, ni tintswalo ta wena a swa ha tirhi ka mina.

Malakiya 3:7

Loko ka ha ri emikarhini ya vatata wa n'wina, mi sukele milawu ya mina, kutani a mi yi hlayisanga; tlhelelani eka mina, kutani ndzi ta tlhelela eka n'wina, ku vula Yehovha wa mavandla. Kutani mi ri: ‘Hi ta vuyela ha yini xana?’

Esaya 63:17

Hikwalaho ka yini, o Yehovha, u hi tsendzelekisaka ekule ni tindlela ta wena, kutani u nonon'hwisa timbilu ta hina leswaku ti nga ha ku chavi? Tlhela, hikwalaho ka rirhandzu ra wena eka malandza ya wena, ni ka tinxaka ta ndzhaka ya wena!

Pisalema 90:13

Vuya, Yehovha! U ta hlwela ku yisa kwihi? U va u tsetselela malandza ya wena!

Timhaka 15:16

‘Endzhaku ka sweswo, ndzi ta vuya, ndzi pfuxeta tabernakela ya Davhida leyi weke, ndzi pfuxeta ni xita xa yona, ndzi xi yimisa,

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Swirilo 3:50

Yehovha a kondza a hlometela Kutani a swi vona a ri ematilweni.

Pisalema 33:13

Yehovha u languta a ri ematilweni, U vona vana hinkwavo va vanhu.

Pisalema 7:7

Nhlengeletano ya matiko a yi ku rhendzele! U khandziya endhawini leyi tlakukeke, u va ungamela!