Pisalema 80:13 - Xitsonga (Bibele)

¹³ Yi tshoveleriwa hi tinguluve ta xihlahla, Kutani swiharhi swa nhova swi tele ku ta dya kona?

BIBELE Mahungu Lamanene

¹³ Tinguluve ta nhova ta wu kandziyela, swiharhi swa le mananga swi dya eka wona.

Pisalema 80:13 Referans Kwoze

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Yeremiya 4:7

Nghala yi humile exihlahleni xa yona, kambe muonhi wa matiko u hlomile, u hume exivandleni xa yena ku ya onha tiko ra wena; miti ya wena yi ta herisiwa yi pfumala muaki.

Yeremiya 52:7

Kutani rirhangu ra muti ri boxiwa, vavanuna hinkwavo va nyimpi va huma nivusiku hi ndlela ya nyangwa, exikarhi ka makhumbi mambirhi, ekusuhi ni ntanga wa hosi; kutani va famba hi ndlela ya rivala loko Vakalediya va ri karhi va rhendzela muti.

Yeremiya 51:34

“Nebukadnetsara, hosi ya Babilona, u hi dyile, u hi hetile, u hi endlile xilo xa hava, u hi mitile kukota dragona, u tixurhisile khwiri hi ku nandziha ka hina, u hi hlongorile.

2 TIHOSI 17:20

Kutani Yehovha a cukumeta rixaka hinkwaro ra Israele, a va tsongahata, a va nyiketa emavokweni ya vayivi, a ko a va susa emahlweni ka yena.

Pisalema 89:42

U tlakusile voko ra xinene ra vaxanisi va yena; U tsakisile vavengi hinkwavo va yena.

Esaya 5:5

Sweswi, ndzi nga mi tivisa lexi ndzi nga ta xi endla eka vhinya ya mina: ndzi ta simula rihlampfu ra yona, ndzi yi endla madyelo, ndzi mbundzumuxa rirhangu ra yona kutani yi ta kandziyeriwa.

Ezekiele 19:12

Kambe yi susiwile hi vukari, yi cukumetiwile ehansi; mheho ya le vuxeni yi omise mihandzu ya yona, marhavi ya yona layo tiya ma omile, ma tshoviwile: kutani ma hisiwa hi ndzilo.

Nahume 2:3

Switlhangu swa tinhenha ta yena swi tshwukile; vakarihi va yena va funengele scarlet; tinsimbhi ta tigolonyi ta hatima kukotisa ndzilo esikwini lero a hlomaka ha rona; matlhari ya vona ma hatimisiwa.