Pisalema 79:10 - Xitsonga (Bibele)

¹⁰ Matiko ma vulela yini ma ku: “Xikwembu xa vona xi kwihi?” Ku rihisa ka ngati ya malandza ya wena, leyi halatiweke, A ku vonakale ematikweni emahlweni ya hina.

BIBELE Mahungu Lamanene

¹⁰ U nga pfumeli leswaku vamatiko va hi hleka va ku: “Xi kwihi Xikwembu xa vona xana?” Va kombe hi ri karhi hi swi vona, leswaku u rihiseta ngati ya malandza ya wena leyi halatiweke.

Pisalema 79:10 Referans Kwoze

Pisalema 42:10

Marhambu ya mina ma tshove ka loko ndzi soriwa hi valala va mina, Loko va tshama va ku eka mina: “Xi kwihi, Xikwembu xa wena?”

Nhlavutelo 18:20

Tsakisisani hikwalaho ka wona, wena tilo, na n'wina vakwetsimi, ni vaapostola, ni vaprofeta, hikuva Xikwembu xi wu avanyisile hikwalaho ka n'wina.”

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Pisalema 115:2

Matiko ma nga vulela yini, ma ku: “Xi kwihi Xikwembu xa vona?”

Pisalema 94:1

Oho Yehovha, Xikwembu xa ku rihisela! Xikwembu xa ku rihisela, tivonakarise!

Pisalema 42:3

Mihloti ya mina i swakudya swa mina nhlekanhi ni vusiku, Hi leswi va tshamaka va ku eka mina: “Xi kwihi Xikwembu xa wena?”

Eksoda 7:5

Kutani Vaegipta va ta tiva leswaku hi mina Yehovha loko ndzi tlakuse voko ra mina ehenhla ka Egipta, ndzi humese vana va Israele exikarhi ka vona.”

Eksoda 6:7

Kutani ndzi ta mi teka, mi va tiko ra mina, ndzi va Xikwembu xa n'wina; mi ta tiva leswaku hi mina Yehovha, Xikwembu xa n'wina, loyi a mi rhulaka ku tika ka Vaegipta;

Varhoma 12:19

Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwe leswaku: “Ku rihisa, i ka mina; hi mina loyi ndzi nga ta rihisa; ku vula Hosi.”

Yuwele 2:17

Ni vaprista lava tirhelaka Yehovha, a va be nkosi exikarhi ka rikupakupa ni alitari, va ku: “Oho! Yehovha, tsetselela tiko ra wena; u nga nyiketi ndzhaka ya wena eku soriweni, yi tseketseriwa hi vamatiko! Xana ku nga vuriwela yini exikarhi ka matiko, va ku: ‘Xi kwihi-ke, Xikwembu xa vona?’ ”

Ezekiele 36:23

Ndzi ta kwetsimisa vito ra mina lerikulu leri nga ni tingana exikarhi ka matiko lawa mi nga ri nyamisa eka wona, kutani matiko ma ta swi tiva leswaku hi mina Yehovha, ku vula Hosi Yehovha, loko ndzi ta kwetsimisiwa ha n'wina emahlweni ka vona.

Yeremiya 51:35

Ku xanisiwa koloko ka mina ni nyama ya mina leyi handzuriweke, a swi ve ehenhla ka Babilona,” ku ta vula muaki wa Siyoni; “Ngati ya mina a yi ve ehenhla ka vaaki va Kalediya,” ku ta vula Yerusalema.

Pisalema 58:11

Kutani vanhu va ta ku: “Kunene hakelo yi kona ya la lulameke, Kunene xi kona Xikwembu lexi avanyisaka emisaveni.”

Pisalema 9:16

Yehovha u tikombisile, u lulamisile timhaka, U phasile mudyohi hi mitirho ya mavoko ya yena.

Duteronoma 32:43

“N'wina matiko, yimbelelani hi ku tsaka kun'we ni tiko ra xona, Hikuva Xikwembu xi rihisela ngati ya malandza ya xona, Xi ta tirihisela ehenhla ka valala va xona Xi phahlela misava ya xona, ni tiko ra xona mhamba.”

Pisalema 42:4

Ndza xi anakanya, ni mbilu ya mina yi nyuka endzeni ka mina, Hi laha ingi ndzi tshamaka ndzi famba ni vunyingi, Ndzi byi fambisa, byi ya endlwini ya Xikwembu, Hi marito ya ku tsaka ni tinsimu ta ku khensa, Ta vunyingi lebyi nga enkhubyeni.

Pisalema 42:11

Moya wa mina, u hele matimba ha yini, u tshukele yini endzeni ka mina? Tshemba Xikwembu, hikuva ndzi ta tlhela ndzi xi dzunisa; Hi xona ku hlayiseka ka mina ni Xikwembu xanga.

Esaya 64:1

O! Loko ngi u handzula matilo, u xika, tintshava a ti ta tsekatseka emahlweni ka wena,

Yeremiya 51:24

Kambe ndzi ta tlherisela Babilona ni vaaki hinkwavo va Kalediya swo biha hinkwaswo swa vona leswi va swi endleke Siyoni emahlweni ka n'wina, ku vula Yehovha.

Swirilo 1:22

“Ku biha hinkwako ka vona a ku humelele emahlweni ka wena, Kutani u va endla hilaha u nga ndzi endla hakona Hikwalaho ka ku homboloka ka mina! Hikuva ku hefemuteka ka mina kukulu, kutani mbilu ya mina ya vava.”