Pisalema 78:61 - Xitsonga (Bibele)

⁶¹ Kutani xi tshika ku kwetsima ka xona ku yisiwa eku bohiweni, Ni ku twala ka xona ku wela emavokweni ya valala.

BIBELE Mahungu Lamanene

⁶¹ Xi tshike valala va famba ni areka ya xona, yona xikombiso xa matimba ni ku dzuneka ka xona.

Pisalema 78:61 Referans Kwoze

Pisalema 132:8

Pfuka Yehovha, u nghena evuwiselweni bya wena, Wena ni areka ya vukulu bya wena!

Pisalema 24:7

N'wina tinyangwa, tlakusani marimba ya n'wina! Titlakuseni, n'wina tinyangwa ta masiku lama nga heriki! Ku ta nghena hosi ya ku kwetsima.

2 TIKRONIKA 6:41

Sweswi, Yehovha Xikwembu, pfuka u ta endhawini ya ku wisa ka wena, wena ni areka ya matimba ya wena! Yehovha Xikwembu, vaprista va wena a va funengetiwe hi ku hlayiseka, ni lava ku rhandzaka a va titsakele eku tsakeni ka vona.

1 SAMIELE 4:21

Kambe a nga hlamulanga nchumu, ni ku n'wi languta. A thya n'wana vito ra Ikabodo, hikuva a ku: “Ku twala ku sukile eIsraeleni”; a ku ri hikwalaho ka areka ya Xikwembu leyi tekiweke, ni hikwalaho ka n'wingi wa yena ni nuna wa yena.

1 SAMIELE 4:17

Heli a ku: “Mahungu ya wena hi wahi, n'wananga?” La tiseke mahungu a hlamula, a ku: “Israele u balekile emahlweni ka Vafilista na swona tiko ri le khombyeni lerikulu, vana vambirhi va wena, Hofini na Finiyasi va file, kutani areka ya Xikwembu yi tekiwile.”

Vaavanyisi 18:30

Kutani vana va Dani va tiyimisela xifaniso lexi vatliweke. Kutani Yonatani, n'wana Gerixomu, n'wana Manase, ni vana va yena, a va ri vaprista va nyimba ya Dani, ku fikela siku tiko ri yisiwaka evukhumbini.

Eksoda 40:34

Kutani papa ri funengeta Yindlu ya nhlengeletano, kutani ku kwetsima ka Yehovha ku tata Yindlu.

Pisalema 63:2

Ndzi ta ku hlalela evukwetsimelweni, Ndzi ta vona matimba ya wena ni ku kwetsima ka wena.

1 SAMIELE 6:1

Areka ya Yehovha yi tshamile tin'hweti ta ntlhanu na timbirhi etikweni ra Vafilista.