Pisalema 78:57 - Xitsonga (Bibele)

⁵⁷ Va tlhela ndzhaku, va va ni mano kukota vatata wa vona, Va va tani hi vurha lebyi kanganyisaka.

BIBELE Mahungu Lamanene

⁵⁷ Va fularhele Xikwembu, va lwa na xona kukota vatata wa vona; a va nga tshembeki, va fana ni vurha bya ngoti yo debya.

Pisalema 78:57 Referans Kwoze

Hosiya 7:16

Va tlhela, kambe ku nga ri ku ya eka La nge henhla. Va fana ni nseve lowu nga tshembekiki. Tihosi ta vona ti ta wisiwa hi tlhari hikwalaho ka ku tidzunisa ka tindzimi ta vona. Va ta sandziwa hakona etikweni ra Egipta.

Pisalema 78:8

Va nga tshuki va fana ni vatata wa vona, Rixaka ra ku tiarisa, ro dzumadzuma, Rixaka leri nga fambiki hi mbilu yo tiya, Leri moya wa rona, wu nga tshembiki Xikwembu.

Pisalema 78:41

A va tshikanga ku ringa Xikwembu, Ni ku pfuxa Mukwetsimi wa Israele.

Vaavanyisi 3:12

Kutani vana va Israele va vuyela kambe va endla leswo biha emahlweni ka Yehovha; Yehovha a pfuxa Egiloni, hosi ya Mowabu, leswaku a lwa ni Vaisraele hikuva va endlile leswo biha emahlweni ka Yehovha.

Esaya 1:4

Yo! Khombo ra tiko ra vadyohi ra rixaka leri teleke ku homboloka ra vanhu lavo biha, ra vana lavo hunguka. Va fularhele Yehovha, va sandzile Mukwetsimi wa Israele va tlhelele endzhaku.