Pisalema 78:54 - Xitsonga (Bibele)

⁵⁴ Kutani xi va fikisa emindzilekaneni ya xona leyi hlawuriweke, Entshaveni yoleyo leyi tshumbiweke hi voko ra xona ra xinene.

BIBELE Mahungu Lamanene

⁵⁴ Xi fikisile Vaisraele etikweni ra xona lero hlawuleka, etintshaveni leti xi nga tikumela tona hi matimba ya xona.

Pisalema 78:54 Referans Kwoze

Pisalema 44:3

Hikuva a va tekangi tiko hi tlhari ra vona, A hi voko ra vona leri nga va ponisa; Kambe i voko ra wena ra xinene, i voko ra wena ni ku vonakala ka wena, Hikuva u va rhandzile.

Eksoda 15:17

U ta va fikisa, u va simeka entshaveni ya ndzhaka ya wena, Exivandleni lexi u tiendleleke xona ku tshamisa kona, oho Yehovha! Eku kwetsimeni loku endliweke hi mavoko ya wena, Hosi!

Vaefesa 1:14

moya lowu, i xirhangana xa ndzhaka ya hina, hi kondza hi kuma ku kutsuriwa ka lava Xikwembu xi tifuweleke vona, ku va eku dzuniseni ka ku kwetsima ka xona.

Daniele 11:45

U ta dzima matende ya vuhosi bya yena emaaveni ya malwandle ku xaxamelana ni ntshava leyo kwetsima leyi dzunekaka. Kutani, u ta ya hela, ku nga ri na loyi a n'wi pfunaka.

Esaya 11:9

Ku nga ka ku nga endliwi swo biha, ni ku onhiwa entshaveni hinkwayo leyi kwetsimaka ya mina; hikuva ku tiva Yehovha ku ta eneta misava, tanihi leswi mati ma funengetaka vuento bya lwandle.

Pisalema 68:16

Xana n'wina tintshava leta tinhlohlorhi to tala, mi rindzela yini Ntshava leyi Xikwembu xi yi hlawuleke ku va xitshamo xa xona xana? Kunene Yehovha u ta tshama kona hi laha ku nga heriki.

Eksoda 15:13

“Hi tintswalo ta wena u fambisile u tshunxile tiko leri; U ri fambisile hi matimba ya wena, Evutshan'weni bya ku kwetsima ka wena.

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!