Pisalema 78:35 - Xitsonga (Bibele)

³⁵ A va tsundzuka leswaku Xikwembu a ri ri ribye ra vona, Ni leswaku Xikwembu lexi nge henhlahenhla a a ri mukutsuri wa vona.

BIBELE Mahungu Lamanene

³⁵ Va tsundzukile leswaku Xikwembu lexi nga henhla-henhla i ribye ra vona ni muhlayisi wa vona.

Pisalema 78:35 Referans Kwoze

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Eksoda 15:13

“Hi tintswalo ta wena u fambisile u tshunxile tiko leri; U ri fambisile hi matimba ya wena, Evutshan'weni bya ku kwetsima ka wena.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

Duteronoma 7:8

kambe hi leswi Yehovha a mi rhandzaka, naswona a hlayisa ku hlambanya loku a ku hlambanyeleke vatata wa n'wina; hikwalaho ka swona Yehovha a mi humeseke hi voko ra matimba, kambe u ku kutsurile endlwini ya vukhumbi, evokweni ra Faro, hosi ya Egipta.

Esaya 48:17

Ku vula sweswo Yehovha Mukutsuri wa wena, Muhlawuriwa wa Israele a ku: “Hi mina Yehovha, Xikwembu xa wena la ku dyondzisaka, a ku pfuna a ku fambisa endleleni leyi u faneleke ku famba ha yona.

Esaya 44:6

“Ku vula sweswo Yehovha, Hosi ya Israele, ni mukutsuri wa yena, Yehovha wa tinyimpi: Hi mina lowo rhanga ni lowa makumu, ehandle ka mina a ku na xikwembu.

Pisalema 106:21

Va rivarile Xikwembu, mukutsuri wa vona, Lexi endleke swilo leswikulukumba eEgipta,

Pisalema 106:13

Kambe va hatlisa va rivala mitirho ya yena, A va tshembanga makungu ya yena.

Pisalema 78:42

A va ha tshamanga va anakanya voko ra xona, Ni loko ri ri siku leri xi va tshunxeke eka nala ha rona,

Pisalema 78:11

Va rivele mitirho ya xona, Ni masingita lawa xi nga va kombisa wona.

Pisalema 78:7

Leswaku va veka ku tshemba ka vona eka Xikwembu, Va nga tshuki va rivala mitirho ya Xikwembu, Va ta hlayisa ku lerisa ka xona,

Pisalema 74:2

Tsundzuka tiko leri u nga titekela rona khale, Leri u nga ri kutsula tani hi rixaka ra ndzhaka ya wena! Tsundzuka ntshava ya Siyoni, leyi u nga titshamela eka yona.

Duteronoma 15:15

u ta tsundzuka leswaku a wu ri khumbi eEgipta; ni leswaku Yehovha, Xikwembu xa wena, a ku kutsurile; hikwalaho ndzi ku nyikaka nawu lowo namuntlha.

Duteronoma 9:26

Ndzi khongele Yehovha, ndzi ku: ‘Hosi Yehovha, u nga heti tiko ra wena ni ndzhaka ya wena leyi u nga yi kutsula hi vukulu bya wena, leyi u nga yi humesa eEgipta hi voko ra matimba.

Eksoda 6:6

Hikwalaho u nge eka vana va Israele: Hi mina Yehovha; ndzi ta mi rhula ku tika ka Vaegipta; ndzi mi lwela; ndzi ta mi tshunxa evukhumbini bya vona, ndzi mi kutsula hi voko ra matimba, ni ku avanyisa lokukulu.