Pisalema 77:13 - Xitsonga (Bibele)

¹³ Oho Xikwembu! Ndlela ya wena ya kwetsima! Xi kwihi Xikwembu lexi nga lexikulu tani hi Xikwembu xana?

BIBELE Mahungu Lamanene

¹³ We Xikwembu, matirhele ya wena ma hlawulekile, a ku na Xikwembu xin'wana lexi ringanaka na wena hi vukulu.

Pisalema 77:13 Referans Kwoze

Pisalema 73:17

Ndzi kondza ndzi nghena evukwetsimelweni bya Xikwembu, Kutani ndzi ehleketa ku hela ka vona.

Eksoda 15:11

“I mani la fanaka na wena, Yehovha, exikarhi ka swikwembu! I mani la kwetsimaka, la tengeke kukotisa wena, La fanelaka ku dzunisiwa hi tinsimu, U endle masingita!

Esaya 40:25

“Mi ta ndzi fanisa na mani leswaku ndzi fana na yena xana?” ku vula la hlawulekeke.

Duteronoma 32:31

Hikuva Ribye ra vona a ri fani ni Ribye ra hina, Valala va hina va ta avanyisa mhaka leyi,

Pisalema 63:2

Ndzi ta ku hlalela evukwetsimelweni, Ndzi ta vona matimba ya wena ni ku kwetsima ka wena.

Pisalema 27:4

Ndzi komberile xilo xin'we eka Yehovha, ndza ha xi navela ngopfu: Hi leswaku ndzi tshama endlwini ya Yehovha hi masiku hinkwawo ya ku hanya ka mina. Ndzi ta hlalela ku kwetsima ka Yehovha, Ndzi va ndzi kambisisa tempele ya yena.

Esaya 46:5

“Mi ta ndzi fanisa na mani, mi ta ndzi ringanisa na mani leswaku hi fanana?

Esaya 40:18

Mi ta fanisa Xikwembu na mani? Mi ta endla xifaniso xihi xa yena?

Pisalema 86:8

A ku na la ringanaka na wena exikarhi ka swikwembu, wee Yehovha, A ku na mitirho leyi fanaka ni ya wena.

Pisalema 71:19

Ku lulama ka wena Xikwembu, ku tlakukile ngopfu, U endle leswikulu, oho Xikwembu! I mani la fanaka na wena!

Pisalema 68:25

Vayimbeleri va rhanga emahlweni ndzhaku ku famba lava yimbaka hi magubu, Exikarhi ka vanhwanyana lava yimbaka hi mirumba.

Pisalema 105:2

N'wi yimbeleleni, n'wi dzuneni hi tinsimu ta n'wina, Vurisani swihlamariso hinkwaswo swa yena!

Pisalema 119:27

Ndzi letele ndlela ya swiletelo swa wena, Ndzi ta anakanya mahlori ya wena.